سنـيسفيــــورم
بقلـــم " محمــد مالـــك "
الحلقـــه " الخامســه عشــر الـ15 "
__________________________
اسامــة فــي داره 🌹
فــونه يشـــرين. و كانـت " غفــران " تنـهد ورد علـيهــا
اسامــة: الو
غفــران بصـوت واطي : اهليـن اسامــة. كيف حالـك
اسامــة: الحمــد الله كيف حالــك انتِ ؟
غفـران واقفه ع المرايا و تلعب ع شعرهــا : الحـمد الله شن اديــر ؟!
اسامــة..اتكــا بظهـره علي سـريـر و فرد رجليــه: شــئ كيف روحت ملــياش هلبا
غفران:ربي يعاونك ان شــاء الله
اسامة: اجمــعين يارب
غفران: كيف حال خالتي !
اسامة: مفروض اني نسـالك صــح ولا
غفران:مفهــمتش
اسامـة،ضحــك : انـتِ تكلمي فيها اكثر مني الفتــرة الاخيــرة
غفــران: لكن قاعدة مــش فاهمة سؤالك اني ســالت كيف حال خالتي
اسامــة بعصبيــه: اني مش صغيــر وعارف امــي وراء الموضوع ولو تتــفكري يوم الفيلم قتلك الباب هــا حيتســكر متقــعدش تحاولي بدون فائدة اني منبيــش نجرحك او انضرك واني مش قاصد فهمتــي كلامـي
غفــران انـصدمت من ردة فعل اسامـه : تمـام اسفــة
اسامــة: عنـدي طلب منــك
غفران:تفضـل
اسامــة: امي حتكلمك غدوا اكيد ياريــت تقوليلها اسامة رافض و متقوليـش الكلام لـ قلته ليــك اني نبي نـصكره الموضوع هــذا نهائي لانه دارلي صداع الحــق
غفران: حاضـر حنقوللها
اسامــه تنـهد: صحيــتي تصبحي علـي خير. " صــكر الخـط و حـط ايديه ع وجــه "ااااه ي امـي و خـلاص
____________________
الاء..دخـلـت علئ المــحادثة وردت
بلقيـس بفضـول : زعمــا يرد بــسرعة ؟!
الاء: منعلـمش فـالحالتيـن مش مهم عندي
بلقيــس..: حي رد رد شن كتــب
الاء..شبحـت لـ المحـادثه و كـان عمـر باعثلهـا " كيــف الحــال؟ "
بلقيــس..خبــطت الاء: ردي متخليــشي معلـق
الاء..ردت الحــمد الله ..و شبحـت لـ بلقيـس : زعما علاش دخل عليـا؟
بلقيـس تشـبح لـ المحـادثه: توا نشبحـو توا هونـا بعـث
عــمر..رد برســالة : كيــف حال القــراية معــاك. ؟
بلقيــس..شبحـت الرسالة ضحكت : يا عليك غبي هــمه القراية فـي كل شئ !
الاء..ابتــسمت: تحكي ع تصرف بغباء نسيــتي روحك شكلك اكثر انسانة متعرفش تتصرف انتِ
بلقيـس ضحكت : جرحتي مشــاعري
الاء تفكـر: شن نرد علــيه توا ؟
بلقيس: اني منعرفش نتصرف تصــرفي انتِ
الاء شبحتـلها 🥺:قلتــها ببصــارة خيرنـا عاد غير هياااا
بلقيـس شبحتـلها : ردي كويس وخــلاص
الاء..ردت " كويـس "
عمر..رد برسهـالة:كان معرفتيش حاجـه كلمينــي وحنشرحلك
الاء..شبحـت لـ بلقيس: توا مفروض شن نكتــب ؟
بلقيس: الولد يعرض ف خدماتــه ردى هكي اسلوب محــترم وتكوني رزينة فهمتي متكونيــش خفيفة قولــي صحيت وبعدهاا اكتبي ولا نقــولك شوفي شن حيكــتب قبـل !
الاء..سمعت كلام بلقيس وردت عليه " صحــيت "
عمر: ان شاء الله مـش ليل وزعجتــك
الاء..ردت : لا مفيش ازعــاج
عمر: يعني مفيش مشكلـة كان نهــدرزو ؟!
الاء..تتكلم مــع بلقيس: لا هـذا خيره !
بلقيس..تضــحك : شكله معجب تخيلــي سوسة الكــلية
الاء:به نحظــره توا ؟!
بلقيس: حطيه فالحظر وخلاص واضح لوين يــبي يوصل
الاء: بس شن دار بــاش نحظره ؟
بلقيـس ناضـت : دبري راسك اني بناكل حاجة نجــيبلك معاي ؟!
الاء:لا ثانكيو
ولـت تشــبح للمحادثة قررت متردش عليه وفتــحت الفيس تتصفح وهوا مبعتش رسالة بعد لـ كتبــه !
_______________________________
ايهاب فالاســتراحة مقعمز قدام الحوض بروحه وفاتح فونـــه
طق باب الاستــراحة استغرب : شورا اســامة ان شاء الله خــير
نـــاض فتــح الباب و كــان بــوه
ايهاب..تجمــد في مكــانه !! جسمــه ثقــــل و اعيونــه انفتـحــو بصدمـــه
حمــزه يشبحــلا. : مفيــش تفضــل
ايهـاب فـي وضع ثانـي مش قادر يتكلــم وخــر خطــوات من الـباب باش يخـش و جسمـه يـرجــف
صــكر البــاب وخش قعمز علئ طاولة وقعـمز ايـهاب مقــابله
حمزة..مبتــسم: ماشاء الله كبرت و بدى عندك اسـتراحة وحــوض
ايـهاب اسنونـه،يخبطــو في بعضــهم: شن تبــي
حمــزه : انـي بـوكك متنساش تكلــم باسلـوب وبصــوت واطى
ايهاب: ايه عارف منسيتش كان هـــذا مخشيتــش من الباب
حمـزة: كيــف اخبارك شن مــداير
ايهاب:الحمد الله كيف حال مرتك وولــدك
حمزة: كويــسين توا بيخش شهـادة ثانوية خــوك
ايهاب بانكــار: معنديـش خو
حمـزة يشبحـلا،بحـده : خوك زي رضيت او لا هــوا خوك
ايهاب: تــمام مش حنــدخل فـي نقاش معاك سبب الزيـارة لو ممـكن ؟
حمزة:جاي نشبحــك وعندي خبر مش عارف لو عندك مشــاعر اتجاها ويوجعك الخـــبر او لا
ايهاب..رفع حاجــبه: من مزال عندي مشاعر اتجاه؟
حمزة:امــك
إيهاب: خـيرها امي ؟!
حـمزة نزل راســه ..: امك توفــت اليـوم
ايهاب..ملامــح الصدمة علي وجهـه : ك ك كيــف
حمزة: ســـكتة قلبية
حمزة نــاض : اني بنمـشي وقت عليا دير بالك علي روحك
طلع وخلى الباب مفتــوح
ايهـاب دمعـه في جرت دمعــه تنــزل و ولــو خيـط دموع و عيونــه حمـر شراره نــار خـدا نفـس من وسـط خـاطره و عيـط بصـوت عالــي نـاض عـزق الطاولـه و صوتـه و عياطـه يعلئ باســم امــه و قدامـه صـورة امـه حنيـة امـه ضحكـة أمـه اغانـي امـه " ان شاءلله وليدي يكبـر و يحادينـي 🥺انقـريـه و انزوجـا و نعمـرلا داره 😔انشوف صغـاره في وسطـي
ايهاب..مقعمز ف مكانه قاعد مش مستوعب الي صار
دموعه ينزلو بدون صوت
يتفكر ف مشاهد من طفولته قبل الطلاق ويبتسم مرة مرة لما يخطر علي باله مشهد !
ناض ايهاب رمي الطاولة وضرب الكراسي ويعيط بصوت عالي ! رمي كرسي علي باب السحاب كسره
وكان يبكي ويرعش !!
قعمز علي الارض وحط راسه بين ايديه وقعد يبكي بحرقه ! وصوت عالي!
" سعدي سعدي بولــدي. بيه اعطهـولي سيدي ربي ...بسم الله عليك ي اوهيـبا ي اوليد الحنـه و لـ جديده. انشوفـك تكبـر و تحصـدلي فـالبـر تسـافر و اتجيـب قنـاطر. و نـعصدلك بايدي العصـيده تكبر و تولـي راجـل كلامك موزون مفصــل ميـعادك ميعاد فحل منظـك تنظيـم قصيــده 🌹قدقانـي رانك نكبـر تنسـانـي تاخد كلام ام حنانـي " تشـير لـ زوجـه "
مســح دموعــه بحرقــه و عيــط. : ااااااااااه مشيتـي بكـري بكري هلبـا هلبـا 💔
طـاح علئ اركابـه الـزوز و ولـئ يتـذكر " زينـه زينـه و زينـه زين ان شاءلله لا تمـرض لا اتميـل. وجـودي بيه وجودي بيـه شكري ما هو خســاره بيــه 💔اني وليـدي الموئ معليـه سعدي سعدي بيـه 😔يكبـر و فالطـول يحـاديني ......... بنت رحب بنت رحب و بنت الجـاره ستـره و قب علئ ولـدي الغالـي العطب. وحـده قالت ناخـده و وحـده نهرب بيه و وحـده ي شرع الله في بطن امه نحلــم بيه"
دموعــه ينزلــو و الذكريــات يمــرو عليــه و الحرقــه والعــه عنــدا يخبــط علي صدره و يبــكي
______________________________
اسماعيـــل..يشبـــح لـ روان وساكـــت. و هــو يفنــص فاهـــا
روان..شبحــت نظرات اسماعيل ليهـــا : شن فيـــه !؟
اسماعــيل..نـــاض و قــرب باتجاهـا و هــــو ساكـــت
روان..خــافـت
اسماعيـــل يشبــحلهــا و ساكــــت
روان: خيرك العفــو ؟!
اسماعــيل..بــاعصاب: متعرفيــش اني كرامتي من كرامتــك
روان...باســتغراب: عارفة لكن شن سبب كلامك هــذا ؟!
اسماعيل..بصـــوت عالي: خوك لــ قلل من قيمتــي و مد ايــده عليا !! مخديتــيش حتـئ موقف !
روان شبحتــلا : اااه توا زبطـت شن مشكــلتك نبي نعـرف اسامة شن دارلك بــاش تكره بالــشــكل هذا !
اسماعيــل: قلل من قيــمتي ومنسيتــش لــ داره !
روان: مقالك حد انسا وانتا السبب لــ وصل الموضوع بــالشكل هــذا !
اسماعيــل..بصــوت عالي ليــن روان خافــت : انتِ مرتــي نضــربك ولا لا نديــر ما نبي خـوك ادخـل وقلل من قيمــتي و بدل ما تاخــدي منه موقف لانه قلل من احتــرام راجلك تضحكي معاه وطول قلــتيله علي الخبر فرحتي مــعاه اكثـر من مــعاي !
روان: شن مشــكلتك بزبط ! تغار من اســامة ! لعلــمك اسامة اكثر من اخ بالنســبة لينا كلنا راه صــح اني اكبر منه فالعــمر بس معــتبرينه اب لينا يعني كل اعصابك وكلامــك هــذا لانه قلت لـ اسامـة !
اسماعيــل...شد ايد روان بــالقوة و يفنص : في الجــديد لما حد يدير موقف لراجلك اوقفي معــاي مش معـاه انتِ نسيتي اني منســيتش !
روان..بألــم: حول يدك ...جبدت يدها: الي تحكي عليه خوي ! وانتا الي مديت ايــدك عليا انت السبب فـ الي صــار
اسماعيل...ياشر بصبـــعه: انتِ مرتي ندير فيــك ما نبي !
روان بصــوت عالــي : ايه مرتك لكن مش لعبة فــ ايــدك ! متقدرش تضربني ولا ادير فيــا ما تبي لكن بارادتي
اسماعيل...رفع ايــده كان بيضربهــا بس وقــف. وقت روان حطـت ايدهـا ع بطنهـا و غمضـت عيونـه تنهد و نـزل ايده
روان دموعهـا نزلــو: ايه اضربنــي هياا هكي متعـود شكــلك ! هيا اضرب شن تســتنا
اسماعيل..ضرب الباب بايــده وطلع من الحــوش و صــكر الباب بقــوة
روان..ولـت تبكي! لانها قعدت بين راجلهــا و خوهــا
واضح ان اسماعيل حاقد علي اسامــة من لــ صار !
________________________________
اسامــة..طالع مــن صــلاة الفجر ..اتصل بـ ايهاب بيفــيقه
اكثر من مــرة مردش : خيره هـــذا قتله دير منبه لازم يشــحطك الهــم
حط فونـــه ولع السيارة ومــشى لــ استراحة ايهــاب
لانهم متفاهمين يستلمو البضاعة مع بعــضهم اليــوم
وصل قــدام الاستراحة درس ونــزل
لقى الــباب مفتوح يحاســبه ايهاب فايــق
خش شــوية لقى المرش والاســتراحة مقلوبة يحــسابه فيه من خشله وخنبه ولا ضربـوه !!
خش يجري لقى ايــهاب راقد علي العــشب ! وحاط ايــديه علي وجـهه
مشى اسامة يجـري ي ورفعه ؛ايهااب ايهاااب تــسمع فياا ..و يخخبط فيــه ع وجهه
ايهاب..دف اســامة : خلينــي
اسامة...اســتغرب: شن جو الصغار خليني هــذا شن صاير !!خيره المرش مــكسر !! خيرك وجهك هكي !! تبكي قصــدك !!
ايهاب..قعمز و شــبح لــ اسامة..يتكلم ودموعــه ينزلو: تعــرف كان عندي أمل بســيط. مـزال فـ الحياة هيا ممكن انه قلب الام يحن لولدهــا وترجع علاقتي بيــها زي قبـــل وهكي ان الام تحن لولدها ومستحيل تخليه توا بوي فقــدت الامــل فيه الحق عنده زوز صغار ومــراة بيدورني اني ولد مرته الاولــي مستحيل لكن امي الحق مفقدتش فيــها الامل
اسامة..مصــدوم ايهاب عنده خوت من بـــوه ! ايه عارف انه بوه متزوج وامه متزوجــة وهوا قعد فالوسط بس عنده خوت ومقالش ولا تكلم عليـــهم ولا مرة !!
ايهاب: لكن امس تعرف شـن صــار
اسامة...ساكت و يشــبح لـ صاحبـهه كيف منهــار ويبكي تقول العيل الصــغير لــ رايح !
ايهاب: جا طق عليا الباب فالبداية نحســابه بيقولي شن اخبارك ويسال علي حالي بس فــالبداية الكلام بيني وبينه كان مبتسم تقول فرحان متوقعتش يقولي خـــبر زي هاده ! شافلي وتعرف شن قالي ! امك توفــت وطلع مشكلة علاش كان مبتسم فالــبداية
اسامة..حط يده علي راسه: الله يرحمها ويغـــفرلها
ايهاب..زاد يبـكي : تعرف لما سيبت حوش راجل امي قتلى متمشــيش خلــيك معاي بس اني مرضيــتش انت معاي فيها لو تتفكر قعدت تكلم فيا مرة مرة لين نســتني ! بس مع هــذا مقدرتش نكرها زي ما كرهت بوي ! كنت متاكد توفيقي فالدنيا كانت هيا السبب اني متاكد انها منستش تدعيلي صح كنت بعيد عليها بس كنت كنت ...قعد يبـــكي. و مـعاش قدر يكمـل
اسامة..حضنه: خلاص يا راجل تبكي بشكــل هــذا !! اقوئ من هكي انت ! ..نوض اوقف ..وقف ايهاب ورفعه قعمـزه علي الكرسي : اصبر نجيبلك امياه وكلينكـس امسح وجهـك
خش اسامة وقعد يتخــطا فالمرش
جابله امياه وكلينكس !
شربه اميه ومســحله وجهه
اسامة: الله يرحمها ويغفرلها ان شاء الله الجنــازة اليوم !
ايهاب..هز راسه بــ ايــه
اسامة..حط ايده علي يد ايهاب كانت مصقعة بشكـل غريب
لانه كان راقد عالعشــب طول الليل !
اسامة: زي الثلج يا ولد اصبر نجيبلك بطانــية تبي تقتل روحك بالصقع ولا شن
جابله بطانية وحطها عليه
ايهااب..يبكي بدون صوت. و مـزال جسمه يرجف
اسامة..شبحــلا قاعد يبكي تنهد : خلاص يا راجل حتئ منظرك تغير ! كل ما نشوفك هـكي مش عارف شن يــصيرلي !
ايهاب..مردش علي اسامة
اسامة..تنهد وقعد يلم فالمــرش !!
وشوية اتصلت تهاني لانه عطل هلبا مفـروض يجيب حاجات وخبزة للفـطور. خبرهـا و انـصدمت بالخــبر.
تهانـي: ي ناري خلاص اوليدي خليك معاه تو تقوئ تمشي اتجيـب
اسامـه : خلاهـا تاخد فلوس من جاكيـت بتاعـي فالــدار " و صكــر "
اسامة..شبــح لــ ايهــاب كيف متحــركش من مكانه قــعمز
جنبه وقعد يحاول يخــفف عليه ويدوى معاه
ساعة 12 الـظهر
غفران: لا بنقول لــ خالتي اسامة مــصكر راسه ومعاش نبي نكمل معــاه
لجين: يا غبية طول هـكي خيرك
غفران: كلامه واضح حنتعب وخلاص ويبان انه خالتـي راميتنـي عليـه و هو شايف روحه علـي خاطر قــنين
لجيــن: مقلناش شئ بس خالتي تــبيك انتِ هوا فـتـرة
ويقتنع يعنــي مش طول امــالا سالـم لـ تكلمي فيه قــارنيه بـ اسامة فرق بين الســماء والارض
غفران: تــمام عارفة اسامة خـير فـ كل شـي بس رافضــني شن ندير اكثر من هكــي وخالتي واضح انها ادير فــ مشاكل بس مش قادرة تفــرض رأيها عليه
لجين: اكيد لو راجل خالتي عايــش راه قدرت تفرض رائها عليه بس هوا راجــل الحوش هيا تتكلم مــعاه لكن متبــيش تضغظ عليه هلبا فهمـتي
غفران..حطت يدها علــي خدها : يعني توا شــن تبي نــدير انصحيني هي
لجين: اصبري متــقوليش شئ لــ خالتي قوليلها اســامة قاعد رافضني شن الحل وخليها هيا تتصــرف. من عندهـا
غفران: هكي قالي اسامة قوليلهــا اني رافض !
لجين: تمام قوليلها زي ما قالك لكــن قوليلها اني تــعبت يا خالتي وياريت اديري حل وتزيــدي شوية دراما هكـي انتِ درتي طلب اسامة منك وخليــتي خالتك هيا تتـصرف مع اسامة اكيد حتكلمه بخصــوصك طول !
غفران..تنهدت: حندير لــ قلتي عليه بس لاخــر مرة هادي !
لجين..تنـــهدت: تمام
__________________
اسامــة: هيا بنمــشو الجنــازة
ايهاب..شبـــح لـــ اسامة: رد علــيك !؟
اسامة: ايه رد عليا بــوك هيا. نـوض
ايهاب..ناض ركب السيارة
اسامة..ولع السيـــارة
وطول الطريق يشــبح لــ ايهاب
تهانــي: الولد هــذا مش حيسمع الكلام بكل
تقوى: شن المشكلة غفران اكيــد !
تهاني: امس كلماته البنت معطــهاش فرصة بــكل
تقوى: به مدام مسـتحيل ليك اربعة شهور تقنعي فيه متعبتــيش !
تهاني: لا متعبتش وحــنقعد وراءه ليـــن ياخــدهــا !
تقوى..كانت مهدرزة مع الاء الايــام لــ فاتو واقتــرحت عليـها بلقــيس : به ماما شن رايك ناخدوله حد غــير غفران
تهانـي،شبحتـلها :مــن لـ حترضا تقعد ف حــوش فيه ستة بنات غــيرها ااه ؟!
تقوى ساوت قعـميزتهــا : اني نعرف منــي
تهاني: وخوك رفض غفران قنيــنة وعيونها خضــر بيقبــل بوحدة ثانـية يعني
تقوى..تنهدت: ضروري يجيك حفيد عيــونه خضر يا ماما قداش ما تحبــيهم طلعـتي
تهاني: معاش تتكلمي بســخافة !! خيرلك
تقوى: بلقيــس ! بنت عمتي شن رايك فيــها !
تهاني..شبحت لتقــوى سكتت شوية تفــكر : لالا بــوها مليشـي هلبا متوفي نبي نفرح بولدي العــام هدا اني !
تقوى: نصبرو علــيها يا ماما اقل شئ عام وهكــي اسامة يرضا لكن اسامة تعرفيه الاســتعجال ميبيشي ! عـلاش مصكره راســك !
تهاني: صكرريه الموضوع انا نبي بنـت اختي
تقوى..تنهدت: به قبل بنــعاونك نقنعو اسامة علي بلقيــس لكن خلاص
تهاني: اني ما قدرت نقنعه بيقتــنع منك امشــى من قدامي خيرلــك
تقوى: الوحـيدة لــ تقنعه فالحــوش هذا روان
تهانـي: عارفـهة روان بروحها مش مــقتنعة بــ غفران كيف حتقنعه
تقــوى: من قال تقنعه ب غفران نقصــد بلقيـس اني !
تهاني..تشــبح لــ تقوى وتفكر فالمــوضوع
رن جرس الباب
تهاني: شوفي من عالبـاب جاي الظهر هــذا
تقوى..طلعــت : مني ؟!
فرج: اني عـمك فرج !! اسامة اهنــى !
تقوى..فتحت عيونها بصــدمة
_________________________
روان...اطبق فالحوايج بعد ما تعاركــت امس مع اسماعيل مروحش للــحوش
نفتح باب وخـش اسماعيل للدار
روان..اطبق فالحــوايج وساكتة
اسماعــيل شبحلهــا : هيا نوضـي
روان..باستغراب: وين
اسماعيل:حوش بــابا اسامة وتى روحــك
..طلع من الــدار!
_______________________
بلقيس. ادير ف ورق للمــاعين وتحــط فيهم فالصنــدوق
عمتــه: مش هكي ينكــسرو الماعين ديري الورق كويس مش ميقعدوش يخبــطو فاهمة
بلقيس: حاضر ماما
الاء..قربت من بلقيس..بصوت خفيف: معاش بعـت عمر شئ
بلقيس: خلاص فوتيـهه ..اشرت بايدها اعطــيني ورق
الاء..مــدتلها ورق: بس ما عرفتش شن يبي مــني
بلقيس: واضح شن يبي يهدرز شكله معــجب..وضحــكت
الاء..ضربتها بمرفقها : بلا بــرادة
رن جرس الباب
بلقيس..رفعت تلفــون الجرس : منــي ؟!
عبد الروؤف : اني عمك افتحــي وخشو لــ دار : جبت مــعاي راجل بيشوف الحوش
بلقيس..صكرت تلفون الجرس وشــافت لــ امها : عمي ومــعاه حد بيـشوف الحوش
عمته: لا متفــتحيش لن يجي اسامة
بلقيس: باستغراب نخلوهم هكــي برا ؟!
_____________________
كــملو صلاة الجنــازة
وصلو للمقبرة
ايهاب..كان مـا يشبح فـي شئ يبكي واســامة معاه طول الطريق
دفنوهــا
مشو كلهم لــ طابور الجنازة
ايهاب...متحركش مــن جنب القبر وهوا يبكي. و يشـكي و صوته يعلئ و يوطى و ينـادي عليهـا بصوت واطــي
اسامة..واقف جــنب ايهاب: مش مفروض تمشــي لطابور الجنازة الناس بتـعزيك ولدها انت
ايهاب..شبــح لــ اسامة: نوقف جنــب راجل امي !
اسامة: انت ولدها ناس بتـعزى وبتمشي
ايهاب..هز راسه ب لا وقعــد يشبــح للقبر
اسامة فــ جنبه قريب ساعــة وهوا يشــبح لــ ايهاب
راجل امه بعد ما كــمل طابور الجـنازة رجع للــقبر
شبـــح اسامة و ايهاب جنـب القبــر
قرب مـــنهـم
راجــل امــــه : ايــهاب !
ايهاب..وجــهه كلــه دمــوع شبــح لــ راجــل امــه. و راجـل امـه انصـدم من شكـل ايهـاب العيــون شــراره حمـــر و عقــدة الحواجــب و عروقــه بــارزات
اسامة..وقف و يـــشبح لـــ ايهــاب و خايــف يدير حاجــة مش متوقــعة. و يضـر روحـــه !
يتــبع
بقلــــم محمد مـــالك
رايــكم
توقعاتكـــم !