مسـاء الخير حبايبي
نـاره
وبـدأ العد التنـازلي للقصـه واليوم نهايه مشورانـه سوى ؛ 🫂🦋
_______________
غيـد راحت وي لؤي للبيت بـس بالاسم يعني غراضهه وشي كلهه يمنـه وغالبا تبات بذاك البيت كله تضـل يمنه تبات المهم مضت الايـام وحياتنه جانت حلوه
مٰره من المـرات كاعدين سوى اني و غيد وكالتلي شـي صدمني
غيد
معجبـة بـ لؤي
منـو معجبه ب لؤي
اباوعلهه تأشـر ع رند الي كاعده ع الموبايل ومبستمه
صدوك تحجين لو تشاقيـن؟
غيد
والله شبيج اني دالاحظ هذا الشـي بيهه يعني اكثر من مره اشوفـهه طابه ع حساب لؤي ، واني حاولت اجر السان لؤي بـس هوه ماعتقد عنده مشاعر تجاهه بس اني راح احاول بهذا الشي اللـه يعني انتي بس توقعي لؤي و رند يكونون سوى يماااااااا
جاوبتـهه بعصبيَه من دون شعور
اي و انتي ل زيـد وانتهت السالفه شبيـج غيد مو هي لعبه زعاطيط
غيد
لو يبقـه اخر يوم من حيـاتي شبيـه اني مخبله ارتبط ب انسـان متعجرف و خشمـة بكبر الحي الي گاعديـن بي ، واللـه يا الله انسـان متعجرف همجـي تريدني ارتبط بي عشتو
وهسه هوه ميت عليج هيج راح يكتل روحـه عليج هوه انتي ماتشوفين شكد يكرهج
غيد
هوه شعور متبادل بينـه يكرهني و اكرهه
وشنو سبب اريد افهم
غيد
هيج من الله قضاء وقدر
واللـه يالله مخبـله انتي
اباوع ل غيـد و صافنه عليهه معقولـه معجبه ب لؤي لو غيـد مشتبهه لو شنـو
مـر اكثر من ٥ اشهر تقريبـا ع جيـه لؤي للعراق وبهـاي الايام لاحضت ع غيـد من نكون سوى اني وياهه و لؤي تحجـي ع رند هواي ومن نكون يم رند احجي ع غيـد هنا عرفت للي بالـهه شنـو وعرفت تريد تقربـهم سوى
صرنه نطلع سوى مطاعم ، زيارات ، سفـرات سوى اباوع ل لؤي صار عنده نضـرات ل رنـد و رند كذالك وكل هذا وجـان اكو خوف بداخلي جبيـر
يوم من الايام جَنت يمـهم و غيـد جانت بالدوام و اني بيومهه مامداومـه
اشوف لؤي يحوص يريد يحجي ويـاي جنـة انضف اني ويـا بالبيت هوه صاحلـي ف گتلـه
لؤي الي ابالك شنـو احجي
لؤي
تعاي اريد احجي وياج شغله نارو
شكو احجي
لؤي
دتعاي دنحجي هسه شبيج
جرني وگعذنه اني وياه گتله شكو احجي
لؤي
انـي بصراحه معجب ب رنـد اذا اجي و اخطـبهه من الولد شنو تتوقعيـن راح يكون رده فعلهـم
ش ششنوووو
صدمني وهوه يكلي هيج طلعت ضنوني كُلهه بمحلـهه هوه انصدم من رده فعلي
لؤي
شكو شبيج شهل صدمـه
درت وجهي عنه وجنت حيل مرتبكه احس هل يوم المشئوم الي اتعنفت بي رند كُله رجع لبالي وجسمي كام يرجف
لؤي
لج شكوو شبيج وهيجج خفتي انيي شمحاجيج
لؤي الله يخليك سد هالموضوع مستحيل مستحيل
لؤي
انتي خووو ما عندج غيررر بس مستحيل اي شي يكلجيـا لؤي يكون جوابج مستحيـل ، هوه شنوه ال مستحيلل ناره شكووو اكو شي مثلا اني بيه شي ومايطونياهه لوشنو
يالله منككك لؤي شگد دقق اخذهه مني واسكَت فدوه رحتلك شيل هل موضوع من بالك ودير بالك اتفاتح الولد بهل موضوع دير بالك
لؤي
ناره شبيج شكووو ليشش اشيل الموضوع من بالي تره انـي ناوي احاجيهم بالموضوع وتره اني معـايز شي حتـه صيدله اني اعرف اكلشي بيَهه وتدرين انتي هسه اني جاي ادرس وفوگاهه جاي اشتغَل بالصيدليـه وي ولَد وعندي امكانيـه اعيشهه و اكون عائله لا تشوفيني مأجر هل بيَت حسبالج هيج انـي مستعد اشتري بيـت اصلا بس مو بالمستوى الي اني اريده ف صابر
لك لؤي لؤي موهيجج مو سالفه ماده ولا سالفه بيوت لؤي سد الموضوع الله يخليك ودير بالك تحجي وياهم
لؤي
مـا اسده احجي شكووو شنو السَبب حته مستحيل شنو سبب
لؤي فدوه كافي سد الموضوع
جر ايدي مني الي ترجف باوعلهه وباوعلي وگال
لؤي
دترچفَين ناره اكووو شششي ترررره خليتييني بقلق حبيبتي شكو
لؤي سد الموضوع فدووووه اكووو شييي ماريدك تعرفف بي ابدددد واذا عرفته احتمال تصير سالفه و
لؤي
و شنو سالفتيـش نارو شنو السالفه استهدي ب الرحمـان وكولي يالله هسه انتي دباعي جسمج يرجف كولي يالله وكليلي ليـش شنو السبب شنو
احتمال رنـددددد تمووووت بسببههه واني اطلگ تعرف شنـو اذا عرفوا انو اني ضامـه هالشي الخطير عوف كلشششي ونسه هل موضوع
كمت دا اروح حسيت نفسي جفصتتت بسالفه جرني بسرعه بس عيونه غضبانه
لؤي
لج شنووو معناه كلامج هذ احجي لا تخليني افَسر بوحدي تره عقـلي ابددد مديفكر بشي سليم حاليا
لؤي شو عوفني عوووفني وسددد الموضوووع ودير بالك ايالك تجيب هل موضوع يم الولد لانو بساعتها لا اني اختك ولا انت اخويه فهمتني
عفتـه ورحت دالبي الصايـه
حسيت جسمي يرجـف
هايهيه لؤي راح يعرف بكلشي
شلون بيه شون حجيت هيج انـي
لؤي
نارة لااااا تخبليني جاييي اكلج احجي احجيي شبيج ساكته بالي ضلل تررة راح تخبليني والقران شكوو احجـي
لؤي وخر عن طريقي كافي وخر
لؤي
احس نفسي مفوررر وهيه ولااا ك انما احجي ناره احجي ليش تلعبين ب اعصابي احجي كوولي شييي
لؤيي داكلك عوفني خليني اطلع اترك ايدي دتوجعني تره عوفني
لؤي
بداعت امي ناره بداعتهه احجي
لا تحلفني فدوا لا تحلفنـي وعوفني
لؤي
ناره احجيلي كافي شكووو كلبي طك تره
من گال هيَج ماتحملت دموعي نَزلن هوه انصدم ضل يكلي شبيٍج واني احس نفسي عاجزه ش احجي وش اگول
لؤي راح احجيلك كولشي بسسسسس الحجي ابينه يضل و واللله والله اذا طلع لااااي واحد غيرنه لا انت اخوية ولا اني اختك والله العضيم
لؤي
راح اتخبل والله احجي احجي
ب بيوم من الايام
لؤي
اي اي احجي
جنه بس اني ورند بالبيَت اكو واحد اسمه خالد جان عنده مشاكل وي الولد وخاصتا وي كرار وجان كلش يكرهنـا بشكل وخاصتا كرار كلشش كلشش يكرهه واكثر من مره داخل السجن ويَريد ينتقم من كرار جان باليوم هذا طفرر للبيَت واجه يريد ينتقم من كرار و وشاف رند و
لؤي
وشنـو ناره شنو شبيج تمتمتين بالحجي ؟
بعـدهه طفـر للبيـت و اغتصب رنـد غصب عنهه والله غصب رند من ورا دخلت بحاله اكتئاب وصار عندهه انهيـار عصبي اني دريت بهذا الشـي بس ماكدرت اكول لاي احد
باوعت ل لؤي الي مصدوم
لؤي
انتي متاكده من الجاي تحجينه ناره متاااكده
ايييي وربي اي وداعتك وداعت غيد وداعه كرار الي ماكوووو اغله منكم هذا الي صـار
والله العضـيم اي وبعدي حاول انو يربطني ع الكرسي بس بوقتهه ندك الجرص حيل وماكدر ورااح شرد بساعتهه ادمرت رنـد ادمرت لؤي والله بريئه وگعت بنص هسالفه وهي مو ذنبهه والله
لؤي
لج ناره راححح تخبليني السالفه ما جاييي اطخ اباليي متاكده من الجاي تحجينة متاكده ؟ لا والولد مايعرفون من كل وعقلج لو تشاقين وياي انتي
والله ايي لؤي ونبي اي ومحد يدري محد رند حلفتني انو محدددد يدري بهالشي
لؤي
هالشخص منوو كليلي كليلي انتي من كل وعقلجج لسه عايش ومحد يحاسبه كللل عقلج واللـه اشرب من دمـه بس كوليلي منوه وشلون احجي
ماااات مااااات لؤي ماتت
لؤي
ههه انتي جاي ضحكين عليه
شبيججج ناره شبيج اني مو يمج لؤي المراهقق وهيج تقشمريـن عليه
لؤي والله مداكذب بكلمه عليك واسال كرار كله خالد منو وشجان يعنيلك حيكلك اعز من صديقي وخاني وجان يكرهنييي وماتت بعد مده دعمته سياره وراح
غمض عيونـه وهوه مو مستوعب شي اصَلا حط اديه ع راسسهه شويه وصاحح
لؤي
ااي شنو ماعنده اخوان ماعنددده اهل
لؤي ماعنده ماعنده هه راح اصدمك بـشي اهله ام خالد وابو خالد النص الثاني الي ماخذينٌه همه ذولي اهله
لؤي كلش متعلق بيهم وهوه من نوع الاجتماعـي حيـل حته مرات اباوع من الكامرات اشوف ام خالد و ابو خالد كاعدين سوى بالباب ولؤي يكعد يمهم ع الفراش ويسولفون
لؤي
اني راح اتخبل تره كافي صدمـات انتي من جد تحجين لو ناصبه عليه لو شنـو ناره احجيلي بالضبط خل افتخم
هـزيت راسي ب اي اباوع ل لؤي جـان اكو گلاصات ع الكاونتر شمرهن كلهن بالگـاع و خله وطلع
بوقتـهه رحت ل بيتنـه و اني خايفه ومرتبكـه حيل من رده فعل لؤي خابرته وكتله دير بالك تحجي اي شـي ورند تروح بيـهه دير بالك مارد عليـه الا لليـل
لؤي
شبيـج ناره اخذيني بعينج الجبيره بفد يوم لا تضلين تباوعيلي ك أني مراهـق مو ك أني بقالي سنـه واصير دكتور واتخرج
سكـتت عنه بوقتهه بس ضليت خايفه لا يحجي او يفلت بوقتهه رزلت غيد هواي لان هي من وراهه ادبر مواعيـد وتسوي الادبسز
مشَت الايام ولؤي قَلت جياته النَه وصار م يجي نفس الاولَ
استمـرت الايام والدوام جـان حلـو مع انو متعب
بوقتـهه ما قبـل كرار البس وابـدل بكيفي
بـس كرار اني داخله جامعه وهذا حلم كل بنيـه تبدل وتسوي وكل يوم تلبس شكل انت ليش تحرمني من هذا الشـي
السـيد
حبيبتي اني ماحرمج من شـي بس انطيتج رائي اني اشوفلج الاحلى الج ك مزوجـه الصايات
وشنـو اني اضل كل يوم صايـه
السـيد
كلبي انتي رايحه دراسه وتحققين هدفج من تتعينين اتفيكي باللبس مو بالجامعـه بـس امشي ويـاج بهسالفه ، حبيبتي اكو صايات ملونه و مستوره وحلوه كوليلي شكد ماتردين منهن اجيبلـج نطلع اني وياج ونختارهن سوى بس ماريد تلبسيـن بكيفج بنطرونات او شـي بالكليـة اني حابلج هل لبس يعني هسه غيـد تلبس عادي هي بعدهه مامزوجـه ولاشي وبراحتهه
بس اني داحسك حيل مقيدني كرار
السـيد
اكو فرق بيـن التقييـد وبين الغيره
التقييد الي يصيـر بهمجيه ومن غير شعور بس حته يفرض روحه ع الشخص المقابـل و يكول انـي و اني واكدر ع هل انسان ومسؤل عنـه ويكون شي مفرط و موحلو
وبيـن الغيره الي تكون بشعـور ناري بس الانسان يحاول يكبده حتـه لا يقيد الشخص المقابل او حته مايخلي الشخص المقابل يحـس بهذا الشـي بس لانو يغار عليك و انـي ليش اجذب عليج اغار عليـج شنو هي يعني ماتخيـل فكـرة اوه نـارو حبيبتي افهميني
كتلـه اوكي براحتك بس جنت مامقتنعه كلي خل انروح نشتـري بس اني ماردت اروح بيومـها اجه من الشركـه وهوه جايب علاليگ ب ايـده
السيد
تعاي افتحيهن بلـه ذني الي اقصد عليهن
رحت فتحت العلاليگ لكيت بيهه صايات خليجيه او عبايات خليجيـه همه يسموهه جانن كلش حلـوات وبنوعيات و اشكال و الوان تختلف وكلش حلوة وفخمه عجبني حيـل وهوه كال ذنـي حيل حلوات ومستورات و نازكـات وبهل ساعه اتفقنـا اني ويـا ع هسالفه من بعد معاناه
امـا غيد طبعا جانتَ ابيَت لؤي ك شكليـا اربعه وعشرين ساعه يمنـه متكدر اصلا و لؤي اربعشرين ساعه طالع خصوصا من بعد ما طب وي ولد صيدلانـي ب اعتبار هوه يعرف ودارس هناك حته اسماء العلاجـات ف كدر وي الولد يكون ، ف غيد يمنـه ضالـه وحته لؤي مرات يبات هوه وزيد ابيته مرات لا يجون لهنـانه
طبعَا هنا احنـه راسنه برد شوي وعلي جـان يكول خلصت من مسؤليـه تعال فك الطلابه الي بين غيد و زيد
زيد ابتعد عن غيد وصار مشغول وي لؤي ومو هواي يتفرغ حته يتعاركون وشـي ، امـا لبس الجامعـه ف جانت غيد تختار بكل اريحيـه ومن دون اي تقـيد و احلى اللبـس تختاره و زيـد مايحجي بسبب انو لؤي موجود ولؤي مقتنع ب لبـس غيد اصلا يكول لؤي زيـن من غيد لابـسه حجاب لان غيـد معاناه احنه وياهه يله تعودت ع الحجاب بصوره تامـة
بالدوام تعَرفنه ع بنـات ثنين وزيـد موتنه فوگ راسنا وميت من لبس غيد بس ميكدر يحجي وجان هشي ع اعصابـه ومن يحاجيني ويكلـي اكله لتدخل بيٌهه ابـد
لان فتـره من الفترات ع كد ما غيد و زيد صاروا يتعاركوا غيد صارت تنهار من العصبيـة وخشمهه يطگ دم والي سببلهه هشي دائمي عندهه خشمـهه يطگ دم ف صرت اخاف عليهه هواي واصلا صرت ماحبهم يلتقون سوه لان اذا ماحجوا ف نضراتهم تشرح الحقـد والكره الي ينطوا لبعض
شهَد واسراء البنات الي تعرفت عليهن جانن حبابات حيـل شهد مزوجه وهي اقرب الي من اسراء ف مره دنمشـي سالتني
شهد
ناره انتي دتاخذين مانع مو
لا يمعوده مانـع شنو ما اخذ شـي
شهد
ياا عزه العزاج واذا صرتي حامل من كل وعقلـج زوجج يخليج تداومين تره والله كلهم ع عيونهم انريد نداوم
لا كرار غيـر هوه يدعمني انو اداوم واصيـر يعني ماعنده هالشي ابـد
شهد
اي بس اذا صرتي حامل مستحيـل يخليج تكملين من هسه اكلج اخذي مانع اني والله من هسه باديه بي من دون ميدري حته خاف يحجي يكول اكمل كليتي وبعدهه اسوي لاحگه عليهم
قنعتني بحجيههر
اخذت بوقتهه من الصيديليه مانـع وبَديت اخذ گلت لاحگه ع الجهَال بعدين لاحضت كرار يحجي ع الجهال ويتمنه يصيَر عنده وحتـه كالي ذيج المـره من صار عندج ف من بعد ماتركتي المانع بشكم اسبوع هسه ليـش وجان يكلي ومصر ع انو خل نروح لدكتور ونشوف اني بوقتهه حيل نقهَرت وضجت من نفسي وگلت بعد مستحيَلللل اخذ منـه اصلا اني دامنع شي كرار ميَت عليَه
انـي حاط بالمجَر الشيت مال الحب بوقتهه جنت طالعه بـره طبيَت لگيت كرار لازمه ويباوعله
السيد
شنو هاي
ش شنو
السيد
مانع حمل !؟ وماخذه منـه
اي حبيي هذا من زمان
السيد
منين من زمان ناره اني اذكر اخر شي ذبيتي الي جنتي تاخذي من زمان حته اذكر من طلع اكساباير وذبينا ورحت تعاركت وي ابو صيدليه
ارتبكت ماعرفت شحجي حتـه سكتت ودنكت راسي لان اني ابد ماعرف اجذب راسا يبين عليه وع وجهـي
السـيد
اخذتي منه
الشغله الي بكرار من يضوج ويعصب ويسالني كون ما اكله وابر لا كون اكله لو اي لو لا واسكت هايههيه
اسمعني
السـيد
اخذتي لو لا احجي شبيـج
غمضت عيوني وگلت اي
السيـد
ليشش
هسه اسمع خل احاجيك كرار
السـيد
ليش جاي اكلج ليش احجيلي
خفت لا يصير عندي وبعد ماتخليني اكمل كلت بـس اكمل اسوي والله العضـيم
السـيد
يعني بعد اربع سنوات مو؟ هاي كله علمود دراسه مو ناره
هزيت راسي ب اي راسا كالي
السـيد
دوام بعد ماكو خوش كليه تمحيهه من بالج
اني امنيتي يصير عندي طفل وهيه برمشه عين تمحي كلشي ......يتبـع
______________________
رنـد
اصعـب شعور ع الانسـان ممكن انـو يتعده عليـه الي مر عليَه
جنت عباره عن انسـانه جامده جنت روح من دون جسـد بدت تَصير عندي حالات اكتئاب حيـل قويه
ناره جانت ما مقصـره ويايه وشگد ما تحاول وياية وتغير جو ان كان هي او غيد بـس الي بكلبي محد يعرفه
دائما اكو نار بكلبي تسعـر ومتنطفي
ما انام اذا مو ع المخده دموع ، ميخلص اليوم و انٌي مرتاحه بـي ابد
جانت ايام كلش سيئه ، اذا اتاخر موعد دورتـي ب يوم جٍنت اتخبـل ،
حاولت انتحـر اكثر من مره من دون مايدري اي احد بس الفكره ابد مانجحت محد يعرف ولا راح يحس ب الي بيه
مضـت الايام وناره حسبالهه بديت اتأقلم وي الجـو بس اني جنت اموت باليوم ميت موته دموعي ماتنزل من خـدي ولا ب اي لحضـه
يوم من الايـام صدمني السيد وهوه يكلي انو احمد متقـدم الج جانت صدمه كلش جبيره عانيت منها وخفت حيـل ، لح ويايه السـيد حيَل بس بعدهه تكنسلت السالفه نهائي الحمدلله بفضل ناره وتاثيـرهه
وبيـوم الي صار حادث السيـد هنا جان يوم مرعب بنسـبه الي الى حَد الجحيم تحـول هذا الجحيم الى شـي حيَل حلو الي هوه الشـي الي من زمان فاقدته نطقـي
جانت فرحـة موطبيعيه تغمـرني وبهـاي الايام وب اثنـائهه گدرت احجي وي لؤي وجـه لوجه
جنت طالعه وبلعومي احسه محتقن احس بي حجي بس ماكدر اطلعـه كعدت بالطارمَة واني ابجي من كل وكلبي شوي شفـت احد يكول
لؤي
محتاجَه شـي
جنت بوقتها حاطه شال ع راسي لان ادري البيت بي لؤي رفعت راسـي و اني اشوفَة و ابجي و اكله ع الم ب بلعومي لان مو شيّ عادي ابد
لؤي
اذا عندج زيت اللوز كلش زيـن حته تحطين عليه
ب بس االالم م ماينحمل صدكني
احجي ويٌا و ابجـي وبصوره متقطعه كلي روحي جيبي صدگي يفيـدج جنت گاعده و ماگدر اكوم حتـه مدلي ايده حتـه اكوم و اني اعرف كلش زيـن هوه عنده عادي هل موضوع ومو متقصـد سوى هيج مشـيت ب عاداتي وعفت ايده و تكئت ع الحايط و كمت
رحـت جبت زيت اللوز واشرتله بمعنـى شلون احطه
لؤي
شوفي بحركه دائريه ورجعيهه كانما دتحاوطيـن
هزيت راسي وردت اطب كال
لؤي
انـي دكتور لو سمحتي سويهه كبالي حته اشوفج تسويهه صح او خطـأ
هزيتلٌه راسي بس جنت متردده ومن الغباء مالتي صرت اصعد و انزل هوه راسا تقدم وصاح
لؤي
لا لا لا لا موهيـج
وخر ايدي وحط ايده وصـار يمسد اباوعله هوه عينـه اصلا مو عليه ويسوي بشعور لا ارادي كمت اباوعلـه و اتمعن ب ملامحـه ، كُلش حلو نفس غيد و احله بعـد
كمل وكلي سوي هيج دوم وخليت وطبيـت
من هل يـوم انخلقت مشاعر تجـاه لؤي بس متاكده هل مشاعر جانت من طرف واحـد فقط
مضـت الايام و الاشهر و انـي اتعلق ب لؤي صرت اباوع علي من حساباته اتمعن بي لاوقات كلش طويـله
افز من صفنتي و اكول شبيـج رند من كل وعقلج ياخذ وحده نفسـج مستحيَل !
اضـل ابجي و انقهر ب ازيـد وازيـد
احس مستقبـلي راح وكلشي انتهه اني كلش احب الاطفـال وحلمي من و اني صغيره اصير عندي طفـل و اكدر العب ويٌا و البسه و اوكلـه
بـس بساعتها حسَيت انو خلاص كلشي انمحـة و اصلا حياتي كُلهه بخطـر ..
لـح احمد بالموضوع حيـل وكرار جان مُلح ويا حيٌل وضغط عليـه وهوه يكلي شنو السبب وليـش اريد افهم
هل شـي وترني ازيـد وجنت اريـد اموت من عنده
بوقتـهه اجه علي وصار يحجي ويٌايه ويكلي شنـو السبب الي رافضـته كلي فكري بي ونطيني رد علي يحجي ويـاي واني عيوني نملن دموع عفته وصعدت واحس صرت بعالم ثـاني شنو اريد اكول شنو اريد احجي شريد اكلهم اني موبنيـه بتكم مو بنيـه بتكم اغتصبوهـا ؟ راح يصدكونـي لا لا راح يكتلونـي يذبحونـي ادري بيـهم يذبحونـي اهلي واعرفهـم خصوصا علي يموتني اذا دره والله علي اذا عرف راح يكتلني بمكاني
رجعت لحاله اكتئابي وانكطع اكلـي و صرت منعزله وبارده لحد ال لاحـد و جان الشي الوحيد الي ابتسمله ويواسيني خيـالي تجاه لؤي و صور لؤي
احس من اشوفـه الدنيا تضحگ بوجهـي وانسـه كُلشي
بعدهه نـاره كذالك سدت الموضوع من يمها من بعد ماجزعت وجزعت بس الحمدلله والشكـر
مضت فـتره وصدمتني غيد من كالت لؤي راح يرجع للعراق كُليا بوقتهه حضنت غيد من الفرحه حيـل و اضحگ وهي تكلي حسبالك اخوج راح يرجع مو اخويـة
فرحت حيـل وفرحتي جان ما الهه اي مبـرر
جنت احاول اشوفـه دوم بس هوه دائما يبتعد عنـي
هل ابتعداد ما اذانـي لا بالعكس جنت ماهتمله ابد المهم انو اني شنـو تجاهه
مـرت الايام وصرت احس لؤي يبادلني بنفس النضـرات بوقتهه ارتبكت و كلت لا كافي رند السالفه صارت صدك لازم تبتعديـن جنه نطلع ونمشي سوى كل احنه بس اني جنت دائما مبتعده وخايفـه منَه حيـل
لحـد ما بيوم من الايام ....... يتبعع
١٠٠٠ تعليق
١،٥ تصويت ينزل الكم بارت 💙