سنيــسفيـــورم ❤️🌹
بقلــم " محمــد مالك "
الحلقــة" الـعاشــرة الــ 10. "
____________________________^^
اسامة ولـئ يسـوق. و همـا الـزوز ساكتيـن
وصلو لــ الجامع وكانـو الــناس خاشــين
نزل من الــــسيارة
و جت عــينه فــ عين عبد الرحمــن
بلقيس..انتبهت طول !
اسامة...بصوت خفــيف: شن يتسهوك عليا هذا
اسامة..بيمــشي اتجاهه
بلقيس..شدت اسامة من ايــده
اسامـة..تلفـت يشبـح لـ بلقيس. وليـده الـي شادتـها
بلقيــس بصـوت واطـي : واضح بيخليــك تفـقد اعصابك متخليشي يتحكم فـيك !
اسامة: علاش جــاي جنب حوشنا القديم خص نص وحوشه بعيــد ! من اهنـي
بلقيس: زي ما قتلك يبي يخلــيك تغلط ويحط الحق علـيك تجاهله كانه مش موجــود
اسامة..تنـتهد: تمام تعالـي. هي
رفعـها لمدخــل النساء
خشت بلقيـس
و اسامة خش لـ مدخـل الرجـاله
صلي ركعتين وقامت الصــلاة
بعد ما تمــو اسامة استنا شوية يبي يسلم عالشيخ مــدامه جا
شبـح لـ عبد الرحمن سلم عالشيــخ وتكلم معاه شوية وطــلع
مشى اســامة للشيخ : السلام عليكم شيخـي
الشيـخ بابتسامــه : وعليكم السـلام يا ولدي عمك اهنى اليــوم
اسامة..هز راسـه:ايه شبحــتـه
الشيخ: واضح انه قاعد متحبــاش زي زمــان
اسامـة بكسـرة خاطـر و ضيق : و الي داره شــوية يا شيخي وانت شابـح بعيـونك اغلب لـ داره
الشيخ: ان الله غفور كريم و يحـب الــمسامحيـن ! وفالاخـير من لحــمك ودمك فيه من رائحة الوالد. رحمـة الله،عليـه حتـئ لو كان ناوى ليك شر قابله بالحــسنة!
اسامــة: مع هـذا قاعد زي ما هو يا شيخــي يتــصرف بالخبث وجيته اهنى اليوم استــفزاز ليا يعرف انه نجـي اهنى مرات !
الشيـخ: الله اعلم بالنـيات انتا صفى نيتك وتوكل علـي الله. دائمـا !
اسامة: صحيت شيخي توصى بـحاجة !
الشيخ: لا سـلامتك
طلع اسامة ولقــى بلقيس واقفة ع مدخـل النسـاء. ترجـا فيـه
خداها ومــشى بيها السيارة
بلقيـس بخـوف : تكلم معاك خالي صار شئ !؟
اسامـه يشغل في السيـاره: لالا صـلى وطلع
بلقيـس ابتسـمت : صحيت اسامة مرة ثانية دعــيت لبابا وصليت حتئ نفسيتي استريحـت. هلبـا
اسامــة: عادي اي وقت كلميني بس الفجر ديما نصــلي فيه برا نخطم ناخدك
بلقيس..ابتـسمت بفرحـه : تمام
اسامـة طلع بالسيـاره: بالله لما تخشى خودى تلفون الاء جيبيه بنـصلحه ونخطمه بعدين موضوع تقـعد من غير تلفـون ! تصدع راسي
بلقيــس: تمام اني لما طلـعت فاقـت هيا
اسامة: كيف حال عمــتي توا. شن دايـره؟
بلقيس: احســن من قبل بس اغلب الوقت ساكتة وتبكي ديما
اسامـة: ربي يصبرها ان شاء الله ..بندرس شوية عالقـهوة
بلقيس حطت راسهـا ع المـرش و هي ناعسـه :خود راحـتك
اسامة..درس وقبل ما ينزل شبـح لـ بلقيس: شن تاخـدي نسكافي ولا فروبي وبريوشــة. !
بلقيس: والله ما عندي نية صحـيت
اسامــة ينحـي في حـزام الامـان: غير هيا !
بلقيس: الي يريــحك
نزل اسامـة. و بلقيـس تشبحلـا كيـف يمشـي و خـش تنـهدت من وسـط خاطـرهـا و ابتسـمت و تفكـرت في الجـامع ان دعت لبوهـا ولامهـا ومن بعدهـا دعـت ليـه هـو يحمـيه ربـي و يكـون ونيسـه فـي ضيقتـه🥺و يخفف عنـه و ياخـد من صحتهـا و يعطيــه " اللهـم استودعـك شخـص احببتـه و لـم اعـرف الحُب الا بـه اللهـم استودعـك قلبـه و راحتـه و سعادتـه يـا ارحم الراحميـن. "
ابتسـمت و هـي شبحاتـه و هـو جـاي عطاهـا فربويـه و بريوشـه و هو خـدي قهـوه
بلقيـس: علاش تعبـت روحـك ! ولله ما عندي نيه
اسامـه ابتسـم. : لا عنـدك نيه خير ما يغمـا عليـك و اتعبينـي في جرتك. " و ضحك "
بلقيـس سرحت في ضحكـته و فاقت ع سرحتهـا وهو يفتحلهـا فالبريـوشـه
بدت تاكـل و هـي مبتسمـه و للحظـات نسـت حزنهـا بفقـدان بوهـا وان ربـي عوضهـا بـ اسامـه و جبـر خاطرهـا.
وصلهـا و هي نزلت جابـت تليفـون الاء من داخـل و اعطاتـه ليـه و هـو يجبد فيـه منـها مس ايـدها خداه و مشـي
بلقيـس تنهـدت و ولت تشـبح في ايدهـا لـ دقائـق و بعدهـا دخلت
اسامـه خـدي بضاعـه و حـاجـات لـ الحـوش و خبـزه ساخنـه اوصل ما خـش شبح لتهانـي كيف تقـرا في قـران في صاله
خش لـ المطبـخ شوي و مشتلا : صباح الخيـر خيرك عطلت.
اسامـه يشـرب ف اميـه. : جبتلـك خضراء و الغدائيـه و خبـزه سخونـه
تهانـي: صحيـت اوليدي خيره وجـهك اصفر هكي! شورك مش راقد كويـس برا ارقد
اسامـه. : اي ولله تاعب شوي
تهانـي: برا و تو انوضـك ع الغدي بعدهـا حطني فالعزي
اسامـه شبحلهـا. : بتمشـي؟
تهانـي: اي و نبيك تاخـد خالتك تجيبهـا لـ العزي
اسامــة باستغـراب : خالتــي ! بتجي لــعزاء راجل عمتــي ! مبعدها عـلاش جاية !
تهاني فنصـت. : وانت شن دخلك المــراة بدير الواجب اخطم خودها وخلاص
اسامة: وين راجلــها !
تهاني: عنده خدمــة !
اسامة: واني ناكل ف مكسرات فالحـوش ولا. ما عنـدي ما نديـر لعمـري
تهاني: شن فــيها لو خطمت عليها عمرك ما درتلــها حاجة !
اسامة: لا حول الله وخلاص حتا اني مش فاضي !
تهاني: شن فيها ساعة بس تاخدها وتحطها وبعدين بتــروح معاي ! للحوش بتبات وغدوا بيجي راجلها ياخــدها
اسـامة: حلو. و بنتها معاها ؟
تهاني: اكيدة معاها بتخلى امها بروحها !
اسامة: حلوو بكل كملـتت خلاص. " و ولى يصفق"
تهاني:اســمع اني و ابرار بس بنمشو وتـقوى بتقعد مع البنات الولد الي قــلت عليه معاش جا ولا !
اسامـة: معاش يـجي الولد خلاص مهم تسكـر الباب وراءها ويا عليك فيلم حطيــتيني فيه يا امي وخـلاص
ركب اسامة الدروج. و هو متعقـد خش لـ داره وقعد يتـقلب شوية لين خداه النــوم !
___________________________________
________________
خالــته..تكلم فـ التللفون مع تهاني :ايه تمام
تهانـي: توا بنوضه اني وبنتغدو وبيحــطني وبيخطم عـليك. بعدهاا
خالــته: تمام مدام وتيت روحـي اني وغفــران
تهاني: هي مع سـلامة !
خالته..شبحـت لـ بنتها لجيـن : نوضى قولــي لي غفران تبـدل اني بنضم المطبخ ونلبـس
لجين مشت لـ دارها هيا وغفران: هيا وتى روحك قتــلك ماما
غـفران : صارلنا بنـمشو !
لجين..قعمــزت بحــداه غفران وتتكلم بحــماس: قولي مني حيخطم يرفعــكم. ترا !
غـفران رفعت حاجبهـا : مش بابا بيرفعنا ! مـني ؟ " و ضحكـت " اسامة قــصدك 😍
لجين: ايه اسامـه. ي حظـك
غفران..ناضت وفتــحت الدولاب...شبحـت لـ اختها بتفكيـر : شن نلبس زعما !
لجيـن بثقــه: اي شئ تلبسـيه يطلع عليك اختي الانيـقة !
غفـران اتقلـب في الحوايج : تمام ساعديـني تعالـي
خدت مــدة ولبـست
خشت خالتـه لـ دار بناتها و شبحـت ل غفران: شن الي عـلي وجهك هـذا ماشين لـ عزي احنـي مش عرس !
لجين: شوي هو وينه يا ماما
خالـته رمت عليهـا كلينـكس: امسحي امسـحي البـلا
غفران..تنهدت بعصــبية: حاضـر ..و تنقص فالمـكياج الي علي وجهـة و هـي مش راضيـه
خالتـه بحـزم : ما تخلى شئ علي وجهك فاهـمة محلاك وانتِ طبيعية ! بدل العفن هـذا
...و طلعت من الــدار
لجــين تساويلهـا. ف وجها : صح ماشية لـ عزي مش لازم تحطي هلبا ديري خفــيف وخلاص
غفران..بعصـبية:اصلا لو درت هلبا ماما مش حتــخليني ندير خفيف امرى لـ الله وخلاص!
لجين: اصلا انتي غزالة حتــا من غيره !
غفران...ابتسمت لـروحها فالمراية. ب ثقـه و اعطت روحهـا بوسه
اسامة..راقـد
ليــن خشت تهانــي عليه..وفتحت الضئ: هيا نوض الــظهر اذن نوض تغداء وبنمشـو
اسامـه يتقلب وحـط يـدا علي عيونـه: هي هي حاضـر
تهانـي ..شبحـت لـ تلفون اسامـة يشريــن وكان صامت: تلفونك حد يتصــل !
اسامة..رفع تلفــون من جنبه وكانت روان رد علــيها: ايوا ي غـالية
تهانـي قدمت : لمن تقول غاليــة!
اسامـة: لـ روان خـيرك ي امي 😳
روان..فـ تلفون تضحك: تحسابك تحب ومتبيــش تقولها. و لاشن
اسامـة قعمـز : شادتلي فـ موضوع غفران ليـن البـنت مدارت شئ وقريب نـكرها !
روان: صوتك راقد غريــبة لتوا !
اسامــة: من الهم لقــيت روحي امشيها نوم
روان: ربي يبعد علـينا الهم ان شاء الله كيف حالـكم! شن دايريـن
اسامة: اهو باهي شن جــوك انتي
روان: الحمد الله بروحي فالحوش لين كسـاد
اسامة:وين راجـلك ؟
روان: بدى خدمة اليوم مع صاحبــه
اسامة: به ربي يعاونه ان شاء الله
روان: هدرزت معا ماما امس قتــلى علي عركتك مـع ربيع سلم خوي خليك بعيد علــيهم
اسامــة...تنهد: شن تشوفو فيا عيل صغير قدامـكم ولا شن
روان: لا نعرفك اني معندكش الريـح وين ادور بذات عــمك عبد الرحمن
اسامة: متخافــيش مش حندير حاجة غلط توا الفــيلم الي حطتني امك فيه هاده
روان: فيــلم شنـي؟
اسامة: تبيني نرفع خالتـك وبنتها للعـزي وعمك اسامة حاصــل
روان: عادي ام مرتـك مش حد غريب شن فاها.. و ولـت تضحك
اسامـة تعفلـق : تي ماشي تتسـهوكي عليا تم تم ام مرتى صار حتئ انتي يا روان
روان..تضـحك: شن تبي نقولك يعني ارفـعها وخلاص. شن بتديـر؟
اسامة: امرى لــ الله وخلاص بنوض نتغداء ينادو لوطــا تبي حـاجة
روان: لا صـحيت متنساش تحكـيلي بعدين علي المغـامرة مع ام مرتك
اسامة: ماشى زيدي تســهوكي هي ف امان الله
صكر المكالمــه رمئ تليفونـه عالسريـر و نـزل
تغدا مع اماليــه بعدهـا،رفع تهانـي و ابـرار لـ العـزي و مشـي لـ حوش خالتـه و فالطـريق اتصـل بايهـاب
ايهــاب: ايـوا
اسامة: وين انت
ايهاب: مع الولاد فالقـهوة ! علاش
اسامـة: اسـمع !
ايهاب..طلع من القهوة لانه دوشــة هلبـا : نعم صاير حاجه !
اسامة: لا عمي علي مـرات يتصل بيا بعد شوية و اني مـش حنكون فاضي حنبعته ليك فالقهوة خليـك معاه لين نجيه
ايهاب: تمام به اني قاعد فالقهوة معنديــش خلوق فالخدمة اليوم بنــشدها ادهوير وخلاص
اسامة: تمام بينا تلفــون تعرف دماغي فالموضـوع من امس نبي نعــرف !
ايهاب: قالي انه متفاهم معا عمك فرج وخنبـوك و بوك يبـي 42الف من عــمك وعنده دفاتر وكل شئ مسـجل
اسامة انصـدم :كيف كيف بوي يبي من عمــي 42الف !
ايهاب: ايه وفــيه مشكلة صايـرة بينك وبين عـمـك الموضـوع شكله واني يا خوي تعرفنـي يا دوب نفهـم الواضح عطيتـه رقمك ونظــم جوك انت وياه
اسامة: مية مية مهم انت خليـك فـ القهوة بس
ايهاب: تمام هي تشو ..اسامة كان بيتكلم صكر الخط صاحــبه
اسامة: امتـئ بيدير عقل هـذا
حط تلفونه وكان طريق زحمه واسامة متعفلق من التوصــيل الي دارته امه ليــه
عطل بـاش وصل بـسبب الزحمة
كلم خالــته
طلعت هــي و وغفران
اسامة..فـي خاطره " يا عليك فيلـم من غير الوان. "
ركبتت خالته ومـن الخلف غـفران
خالته: اهلين بوليدي خيرك عطلـت. !
اسامـة: بقلـة صبـر والله ما فهمــت يا خالتي زحمه الشعب كله فالشـارع اليوم
خالته:ديما زحمه امتى فاضية هيا. بالله 🙄
غفران: كيف حالـك اسامة ؟
اسامـة..شبـح من المراية الوسطية لـ غفران:الحمد الله شـن جوك انـتي
غـفران..ابتســمت: الحمد الله
خالته: امك رفعتـها ولا
اسامة..يسـوق : ايه حطيتهــا و وجيتكم
خالته: والله شوفت بنته يوم جيــتكم ( تقصـد بلقيـس) وجعتني مسـكينة بوها حتـى هوا الي توفـا
اسامــة: الله يرحمه ويغفـرله ان شاء الله راجل طيـب. ولله
خالته: امك قتلى الاء مروحتش من عندهــا من اول يـوم
اسامة..: ايه صاحبتها هلبا بلقيس ومبتش تخليـها! قالت بنوقف معاهـا
خــالته: ربـي يخليهم لبعض وقت هـذا الصاحب الحقاني واعر الناس كلها تجــري وراء الفلوس وخــلاص
اسامة: مشكــلة مش اهنى مشـكلة قعدو من غير راجل زوز نساوين
خالته:ربي يفرج عليهم ان شاء الله
اسامــة..يــسوق وخالته مبطلـتش دوة كل مرة موضــوع شكل واسامة بينفــجر ! يشبـح للمراية مرة مـرة يلقـا ف غفران تشوفله علي مرتــين بيقولها تبي حاجــة بس قعـد ساكتـت! ليــن وصلــو
فتحـو البـاب و نـزلو
اسامـه فتـح الروشـن. : خالتتي بالله خلي الاء اتجينـي
خالتـه. : باهـي " و خشــو "
سلمت وعزت كانت بلقيـس واقفــة جنـب الاء
خالته: اطلعي برا يستنا فيك اسامـة
تهانـي:عطل عليكم اسامة
غفران..شبحـت لـ بلقيـس..بعدين ردت علـي تهاني: لالا زحـمة بـس
بلقيس..عرفت اسامـة لـ جايبهم عيونها تعبو دمـوع وخشـت داخـل ! معـاش تحملـت الموقـف و الغيره فـي الوقت هـذا عصرتهـا هلبـا. و تمنـت ان مسمعتـش
اسامة: الشاشــة بحق تلفـون جديد راه
الاء:فيه صوري وكل شئ شن تاخدلي تلفون جديـد
اسـامة: يا غبية الشاشة بحق واحد جديـد خيرك غبو
الاء:لا نبــي الي فيه صــوري
اسامــة: توا نطلع تلفــوني ونصورك ونبعـتلك علي تلفـونك الجديـد. شن فاهـا
الاء: من غير بصارة صلحها بس منبيـش تلفون جديـد 🥺
اسامة: الشاشة المصلحة تفسد بسـرعة مش زي الاصـلية. خيرنا عاد
الاء باصـرار: نحافــظ عليـه
اسامة: خلاص كان تكسـر بسرعة دوري من يصـلحها لـيك
الاء: نحافظ عليه قــتلك
اسامة: نعرفكم محافظين انـي اصلا انتو حاجة تحـطو ايدكم عليها شوية وتوقـف معندكمش اهتمام بكل هي خشـى خلاص اني متعفلق ليا ثلاثة ايام
خشــت الاء
و اسامة ركب السيارة. و مشـي لـ القهوه
وصـل سلم عليهـم و ايهـاب ناض من احـداهم باش ياخدو راحتـهم
اسامــة.. قعمــز مقابل عمه علي : شن بتـتقولي بزبــط
علي: اني يوم جيتك كنت بنقولـك دير بالـك من عمـك عبد الرحمن وبنقولك علي مشـكلة قديمة صايرة بين بوك وعمـك
اسامة حـط ايديه الزوز علئ الطاولـه. : مشكــلة شنـي !؟
علـي انسنـد علئ الكرسـي بظهـره : عمك متعارك مــع بوك علي فلوس زمــان وبوك يبي مـنه 42 الف دوة هـادي في الــ 2010 يعني كان رقم يسـوا وقتـها
اسامـة باستـغراب: غير شن تقول كيف اني منعرفـش وامي ما قالتــليش عليها!
علي: امك تعرف بالمـشكلة بس شكلهم محـد قاللـكم. !
اسامـة فنـص: تكذب علــيا؟ لعبة جديدة منكـم ولا كيـف
علي: خيرك كيف بدينــا نتكلمو واضح امك متبـيش تخــبرك مش متزيـدش النار بنزيــنة ! افهم يا ولــد
اسامـة تنـهد : كمل به شن صـار !
علـي:بوك طــول عمره يخــدم مع عمك ومع بعض تعرف انت الشـي هذا مهم عمك دار رزق علي ظهـر بوك بالليـبي و بــوك لقى روحه كل شوية من حقه مهنـاش سنـين قعـد الموضوع بوك كلمني وكلم فرج وقتها وجينـا لحوشـكم القــديم خشينا الصالون بوك دار حسابات للسنيـن كلها خدمـة مع عمك لقى ان عــمك واكله في 42 الف واني وفرج شفــتهم الحسابات كلها وكانت صح واني عاودتهــا معاه قال شن ندير هونا حالتكم مش كويـسة هلبا وقـتها
فرج قاله عبد الرحمن مش حيرضا ويعطيك حقك ويقول بتخنبي اني قتله لا حط الدفـتر قدام عبد الرحمن فالاخــير خونا الكبير شن بياكل حق خوه متجيش مهم بوك ســمع كلامي
علـي تنـهد و كمل : وحط الدفتر قدام عبد الرحمن ! طبعا انت تعرف ان بوك كان شريك عبد الرحمن وكــان هوا الي قــايم الشغل كله عمك مباش وقال كذب وبتخنبوني ودار مشكــلة كبيرة وقتها وقريـب حتا اضاربو تمام الـمهم بوك كلمـني وقالـي علي صار اني قتله هكي دار قصــدي متوقعناش وصحبه هوا وبوك وخدمــة ليهم سنين معا بعض قالـي ايه هكي دار قتله شن بديــر قالي بناخد بضاعتي الي قاعـدة عنده ومعاش بنقعد مع شريـك منقعدش معا حد يسرق فـيا واني غافل ووقت كلمته طلعنــي خانب ! قتله افتح فيه محـضر وتوا القانون يردلك حقك بس بوك مرضاش وقال شن نحـبس خوي علي خاطر فلوس اني ربي يحاسبــه بوك وقت جاء يطلع ف بضاعته عمك دار مشكلة ثانية وطلع اكثر من نص بضاعـه بوك ليه هــوا !
اسامة..يسمع ويغلـى علي عـمه
علي: وصارت مشكــلة بينهم بوك لقى روحه لو بياخد بضاعته وبيطلع خاسر لانه عمك وقف فيها !مصارلاش وكمل خدمة وهوا وعبد الرحمن ميتحبوش الفترة هديكا وبعدين توفى بوك وعمك خدى بضاعة بوك وقال ما عندكم شئ عندي وكانت والله بضـاعة بوك اكثر حتا من بضاعة عبد الرحمن ورزق عبد الرحمن كله من بوك
أسامة..تنهــد و هو اعصابـه ع نار : علاش تحكيــلي؟ شن مصلحتك وقت كلمــتك زمان وقتلك اوقف معاي رديتنني توا شن مصلحـتك!.
علي..اشر بايـده علئ صــدره: ضميري من يوم هداكا ل اليـوم وهوا متعــبني
اسامة: هدا لـ تبي تقــوله !؟
علي..حط دفتر علي الطاولـة: هـذا فيه الحسابات كلـها
اسامة..جبد الدفتر وقعد يقلب فيه كان هلبا ورق وبيــن الورق فيه صورة قديمــة لــعمه عبد الرحــمن وبوه يضحــكو ! ..صـكر الدفتــر: بتقول حاجـة ثانية !؟
علي: عمك عبد الرحـمن مش ناوى خـير قال لــ ولده بعد العزي نتصرفو دير بالــك مـنه !
اسامــة..ناض وخـدا الدفتر: ميقـدرش يديـر شئ
علي: مهم دير بالــك علي روحـك
اسامة..شبــح لـ علي؛ مش علي خاطر حكــيتلي معــناها سامحتك ! خليها في بالك بس
علي..ولـى يشـبح لــ اسامة وساكــت
فــ نفس الوقت
الاء..خشت الدار شبحـتت بلقيس تبكي : خيرك العــفو كان جوك كويس قبل شـوية 😳
بلقيس..تمســح فــ دموعها
الاء تغمـرتهـا : حرام عليـك تبكي هلبا ادعـيله برحـمه
بلقيـس تشهـق بالعبـره : نـحبه
الاء:اكـيد تحبيــه ربي يرحمه ان شـاء الله
بلقيس..مسحت دموعها وعدلت روحها وقلـبها يدق بسـرعة و ايديهـا يرجفــو : نقصد اســامـة
الاء...مـصدومــة. و وخرت من عليها
يتــبع
بقلـم محـمد مـالك
توقعاتكــم ورايكتـم
وصلنا الحلقة 10 اكثر من عشــرة ايام عايشين مـع الرواية وشخصــياتها لتوا رايــكم بصراحة حنقراء كــل التعليــقات ❤