احقاد خفيه (( روايات ليبية ))

🔥🔥الحلقة الثانية🔥🔥

#أحقاد_خفية 2 ( حقيقية )

#ibrahim_qurji

ياسمين:توخر و الشخص يقدم ... اءء انت من و شن تبي
الشخص:سكرلها فمها ... اسسسس و خليك هادية
ياسمين:لا حرام عليك ما اديرلي شي
الشخص:اسس ما نبيش نسمع حسك ابدا و فتح عليها مووس
ياسمين:جمدت مكانها ... حاضر حاضر ... شن تبي فلوووس نعطيك ... هاك هذي سلسلي ذهب و هذي دبلتي خودهم ووعد مش رح نقوول لحد
الشخص:بس اني ما نبيش لا ذهبك و لا دبلتك نبي حاجة احلا
ياسمين:اءء ... قوول شن تبي بس
الشخص:قرب منها و حط ابده ع البلوزة متاعها
ياسمين:تشجعت و ضرباته كف ... بعد يا حيوان يا حقير يا وسخ ... و بدت تجري جهه الباب لكن ما فيش فايدة مسكها ... و صكر الباب
الشخص:ترفعي عليا ايدك يا حقيرة و ضربها كف ... كان كفيل ان ياسمين يغمى عليها و معادش حست بشي ابدا
ياسمين:بصوت تااعب ... لا بعد بعد عليا حرام عليك 😭
_______________

عصمان:شم مطيبه بنتي اليوووم
فايزة:مدايرة محشي و فاصوليا عمي
عصمان:اممم به ... وين راجلك امالا
فايزة:اهووو قريب يووصل
عصمان:به ... طلع
فايزة:قطيعة ان شاء الله هما بطنه بس سم ... و طلعت الكيسة و حطت منها كاشيك كبير في الطبيخة و في المحشي ... اي هكي خليكم و الله الا لما نخلطكم في بعض زي هالمحشي ... هههههههه
عواطف:خيرك يا بنت تتكلمي برووحك
فايزة:ها خلعتيني ... شن نتكلم بروحي هذي ... و حطت الكيسة وراء ظهرها
عواطف:شن هذا
فايزة:شن هوو 🙄
عواطف:اللي حطيتيه وراك
فايزة:اها ... هذس توابل جديدة شريتها بكري ... قالو تعطي في بنه من الاخير في الاكل
عواطف:اممم به خلينا نضوقوا و نحكموا
فايزة:😊😊
____________

فيصل:السلام عليكم ... ما فيش حد رد ... خش ركب للديار الفووق و بدي يدور في فوزية نزل للمطبخ و دار في الحوووش كله لكن ما فيش حد ابدا ... خدي تلقونه و اتصل بيها ... ينادي و ما يدش حد ... اووف وين انتلفت المرا هذي توو في هالليل ... خدي تلفونه و اتصل بحوش هلها
جمانة:الوووو
فيصل:اهلا جمانه
جمانة:اهااا كيف الحال
فيصل:تمام الحمد لله ... بنسألك
جمانة:تفضل
فيصل:فوزية جتكم اليووم
جمانة:كلمتها بكري و قالت تو نجي لتو ما جتش
فيصل:فصل في التلفوون ... تي كيف مش عندكم وين مشت امالا
جمانة:اهدأ يا فيصل و فهمني
فيصل:خدي نفس عميق ... روحت من الخدمة لقيت فوزية مهناش
جمانة:بعصبية ... تي كيف ما لقيتهاش ... به اتصل بيها
فيصل:اتصلت بيها و تلفونها مقفل
جمانة:صاير شي بينكم اليووم
فيصل:لا مصارش شي
جمانة:به صكر خليني نشوف وحدة من صاحباتها بلك عندها
فيصل:و الله نلقاها الا لما نوريها و ماهي قاعدتها دقيقة هنايا ... و صكر

_________________🔥رواياتي🔥_______________
_____________🔥ibrahim qurji🔥____________

هديل:كانت ماسكة الرواية و تقرا فيها
غالب:ها يا حلوة ... شن خف وجع رأسك و لامزال
هديل:احسن تووو
غالب:قرب منها
هديل:تبعدت ... اءء غالب اني بنرقد توو
غالب:خيرك شن فيك و انتي من الصبح مش ع بعضك
هديل:غالب ... نحس في رووحي تاعبة شكلي بننزكم
غالب:براحتك
هديل:سكرت الكتاب و طفت الضي و رقدت و في قلبها غصة مش قادرة تحكيها لحد
اما غالب فتح النت و بدي يدردش كالعادة
____________

ياسمين:فاقت من وعيها و كان رأسها ثقيل و حوايجها امزقات ... شن اللي صااار يا رب و بدت تبكي بكل هستريا ... لا يا رب حياتي ادمرت لاااا ... ناضت بكل صعوبة و فتحت باب المخزن و كان المطر خيط من السماء ... طلعت و بدت تبكي بكل قوووة ... و الناس الداخل المنظومة و الرقص و ما فيش حد يندري عليها شن اللي صاير فيها ... فاتت من الباب الخارجي و ركبت لدارها و سكرت ع رووحها بالمفتاح ... فتحت البانيوو و خدت دووش ساحن و هي تبكي و  تحاول تستوعب شن اللي صاير

في اللحظة هذي كان في حد فرحان باللي صارلها

البنت:خدت عبايتها و طلعت ... ها شن صااار
الشخص:العملية تام التمام
البنت:يعني خلاص ادمرت حياتها قبل يووم عرسها
الشخص:اي تقدري تقوولي هكي ... لكن نبي نعرف علاش درتي فيها هكي
البنت:لانها وحدة حقيرة و تستاهل كل اللي يصير فيها
الشخص:به تو شن رح يصير فيا اني ... اكيد شافت وجهي
البنت:هاك امسك هذا ... و معادش نبي نشووف وجهك هنايا ابدأ
الشخص:فتح الظرف ... طلع منه 1000 دولار ... لكن هذا مش حقنا اللي اتفقنا عليه
البنت:هذا اللي عندي تووو ... و هي برا خير ما يشووفك حد ... و الباقي رح يوصلك
الشخص:تمام ... لكن بنسألك
البنت:هاااا
الشخص:من وين تعرفيها انتي البنت هذي باش اديري فيها هكي
البنت:هذي حاجة تخصني ... و هي سلام تووو
_____________

فايزة:شن رأيك يا عمي في الفاصوليا و المحشي
عصمان:يسلموا ايديك بنتي
فايزة:صحتين عمي ... و انتي يا عمتي
سمية:لا اليووم الاكل كويس ... تعلمي انتي من مرت خووك اهو تطييبها سمح
عواطف:ع اساس اني تطييبي شيين توو 😒
فايزة:خزي عليك يا بااردة حتى انتي تطييبك كويس
عواطف:تعالي كان بتأكلي و لا ما تبيش
فايزة:اءء ... صحة مدايرة دايت قوي و قالولي معادش تأكلي الحاجات اللي تنفخ البطن
سمية:شن دايت هذا
عواطف:هذا يما رجيم معناه ينقص الوزن
سمية:غير شن اللي بتنقصي انتي صايرة زي العوود
فايزة:هذي مووضه عمتي ...
سمية:عقبتي للاولاد
فايزة:اي عمتي عقبت لمنصور و علي و امجد لانه ما يأكلش في الفاصوليا خليتله من المحشي
سمية:به صحيتي بنتي
فايزة:سلمك ... و في خاطرها ... مطرح ما يسري يمري

_________________🔥رواياتي🔥_______________
_____________🔥ibrahim qurji🔥____________

ثاني يوووم

ياسمن:فارقت النووم و خشت في حاله نفسية ... و الدمعة ما وقفتش ابدا كل اللي في بالها صورة الشخص اللي اعتدي عليها ... و في  وسط حوشهم من غير ما يشوفه حد ... معادش عرفت شن ادير و كيف رح تتصرف و خاصة انها خلاص الفاتحة رح تنقرا ... قاطع تفكيرها ... طق طق طق ✊
ياسمين:بصوت تاااعب ... ادخل
البنات:خيرك مسمرة ع رووحك الداار هكي ما تقولش اليووم عرسك بكل
ياسمين:معادش قدرت تتمالك اعصابها ... و بدت تبكي بكل قوووة
فرح:خير شن في حبيبتي خيرك تبكي
اسمهان:اكييد هذي دمووع الفرح دارت جوو الاتراك متاع بنتزوج و معادش بنشوف اهلي و بلا بلا بلا
ياسمين:حضنت فرح و زاد بكاها اكثر و اكثر ... لدرجة اللي في الحووش كلهم ركبوا يشوفوا شن اللي صاااير
____________

غالب:صباح الخيرر
هديل:بكل بروود ... صباح النوور
غالب:حضنها من الخلف ... خيره الحلووو زعلان
هديل:غالب بنسألك
غالب:قرن حواجبه ... اها نسمع فيك
هديل:خدت نفس عميق ...
.
.
.
فيصل:كان طوول الوقت ما قدرش يجيه النوووم و مرته مهناش دور في كل المستشفيات و في العيادات و ما فيش فايدة ابدأ ... حط اعلان ع النت بصورتها و نوع سيارتها ... لفت نظره تعليق ع النت انه شاف المرا و السيارة في مزرعة في طريق المطار و مش بروحها معاها شخص ... هنا كانت صدمة فيصل #يتبع

هي رأيكم توو في الحلقة و شن توقعاتكم للي جااي ❤