احقاد خفيه (( روايات ليبية ))

🔥🔥 الحلقة الثالثة 🔥🔥

#أحقاد_خفية 3 ( حقيقية )

#ibrahim_qurji

غالب:صباح الخيرر
هديل:بكل بروود ... صباح النوور
غالب:حضنها من الخلف ... خيره الحلووو زعلان
هديل:غالب بنسألك
غالب:قرن حواجبه ... اها نسمع فيك
هديل:خدت نفس عميق ... اءء خلاص انسى
غالب:تي شن فيك من امس مش ع بعضك
هديل:هكي نحس في رووحي مضايقة
غالب:😒😒 امي و اختي قالولك شي يزعلك
هديل:لا حشاهم مساكين ... ما شفتش منهم شي
غالب:اممم به ... شن بتحطي الفطوور و لا ننزلك نفطر تحت
هديل:اي هي استنى شووي بس 😊😊
غالب:وصلاته رسالة ... و طلع
هديل:نزلت دمعتها ... و مسحتها ...
____________

فيصل:بدي يكسر و يخبط بكل جنون ... كيف المرا اللي حبها و خداها ... و دار المستحيل عشانها و خدم بضمير و ما مدش ايده ع الحرام ... ادير شي كيف هذا ...
يقين:بابا ... حيرك شن في
فيصل:مسح دمعته ... و حضن بنته ... لا حبيبتي ما في شن
يقين:حطت ايدها الصغيرة ع وجهه بوها ... بابا وين ماما ما شفتهاش اليووم
فيصل:اءء ... الماما طلعت الصبح ماشية عند اميمة ... وتي روحك انتي و خووك باش نمشوا لحوش اميمة
يقين:ايي به بابا 🥰
___________

ياسمين:تبكي و خانقتها العبرة
امنة(امها):خيرك يا بنت شن في ... من بكري تبكي ... كله هذا ... لانك بتتزوجي ... و بعدين انتي مش مسافرة ... كلها زواج هووو
ياسمين:خدت نفس عميق ... ماما معادش نبي الزواج هذا يتم
امنة:شهقت ... خيرك شن صايرلك يا بنتي
ياسمين:بدت تبكي لعند ما جاها انهيار عصبي قوي و اغمى عليها
امنة:ياسمين ياسمين خيرك يا بنتي شن في ... فرح يا فرح تعالي شووفي اختك مش عارف شن صارلها ... ثواني و تعبت الدار زحمة يشوفوا شن اللي صااار ...
___________

الساعة 2 الظهر

فايزة:فتحت الثلاجة و طلعت البصل و الباذنجان و القرعة و الكووسة ... و بدت تقرض في الخضرة ... اليوم رح نزود الجرعة شوي ... لاني معادش نقدر نعيش هكي خلاص
امجد:شن يا مرت الغالي ... شن مدايرة الغدي اليووم
فايزة:اهه خلعتني ... اءء مدايرة كسكسي
امجد:خدي كأس امية ... امم به حلووو
فايزة:بتتغدى و لا
امجد:لالا طالع مع الاولاد مزردين البرا
فايزة:شن زردة في هالصقع هذا
امجد:ماشيين لاستراحة ولد صاحبي ... و قاعدين 3 ايام الغادي ... معناه ما ادورينيش
فايزة:اممم به ... اي حقا امبارح عقبتلك عصبان لكن شكلك ما كليتاش
امجد:اي رسمي ... امبارح روحت متأخر و الحق زانقها لين خلاص فما جتش النية فيه
فايزة:انلفه لك في السلفر و ترفعه معاك
امجد:اي به احسن ما اديري
فايزة:تمام ... هي استنى شوي و نجيك

_________________🔥رواياتي🔥_______________
_____________🔥ibrahim qurji🔥____________

هديل:و هذي القصة يا ايمان
ايمان:متأكدة من اللي تقولي فيه يا هديل
هديل:تي نقوولك شبحت رسائل الواتساب متاعه كاتبتله كان ما تجيش للحوووش معادش عندك فوته للحووش و غيرهم من الرسائل الاخرى
ايمان:به واجهتيه
هديل:تي شن بنقوله ... نقوله انت تخون فيا و لا شن ... بعقلك انتي يا ايمان تووو ... اكيد رح ينكر و تمشي حشمة في وجهي اني و خلاص
ايمان:اي حق مزبوووط ... به خودي رقمها البنت و تلاقي انتي وياها ... و شوفيها و امسحي بيها الارض
هديل:انتي عارفيني ما نقدرش ندير شي زي هذا ... عارفتيني نخاااف
ايمان:اقعدي امالا هزي رأسك و خلي هذيك تأخد منك راجلك يا منجووهة
هديل:اوووف و الله رأسي وجعني و اني نفكر في القصة هياااا ... غير اشربي قهوتك بردت
ايمان:اسمعيني يا بنت عمي الموضووع كان ما وقفتيشي عند حده رح ينقلب لضده ... و انتي اولى
هديل:😔😔
____________