الحضريه بنت بغداد _ والشيخ البصره

البارت الثالث عشر 13

هلاؤؤؤؤؤؤؤؤؤؤؤ كايززز

بارت 13 🍂
#الحظرية والشيخ
،،،،،،بقلم عذراء علي،،،،،،
لعلتيني بفهاوتج
.غالية يمه واخيرآ ضحك الشايب
.جراح خايبه نجبي شني شايب انوب مو بطنج واصله لخشمج جاان شوفتج الشايب شيسوي بيج1
.غاليه لا لا دخليك اصلآ حنام واسكت
.جراح عفية بنيتي التسمع الكلام بقيت اشم بشعرها وابوس بيها لحد مانامت وانا نمت وافكر بغيرتها وبخبالها شكد احبها
.
غالية صار الصبح كعدت على صوت جراح يبدل ملابسه صباح الخير حبيبي
.جراح صباح العافية يبعد عمري كومي غسلي وانزلي وياي نتريك
.غالية فتحت عيوني حيل يعني تقبل انزل
.جراح اي بس البسي شي راهي مو حصر ومااريد ضحك وسوالف مالها معنا فاهمة
.غالية اي ان شاء الله يدلل حبيبي
.جراح تقربت الها شسالفتج شؤ حبيبي ودك مغازل من الصبح شعندج ها
.غالية اله عندي شي زوجي وحلالي واتغازل بيك
قربت نفسي عليه وبسته بحلكه. 
.جراح اشتعلو ولج هيج كولي لا تنزل واتريك بيه
.غالية دفعته لا حباب لا ننزل عيب عندك خطار واغمزله
.جراح ايا منعوله انا الج بسيطه وين تروحين
.غالية سبحت على سريع وغيرت ملابسي هوة ينتظرني مانزل كلتلة يلا حبيبي ننزل
.جراح يلا فضيني بس لو اعرف شغيراج وخلاج عاقلة هيج
.غالية شقصدك ها
.جراح قصدي احبج
نزلنه وكلها جانت ملتمه عبالك غدا مو ريوك صبحنه عليهم وكعدنه نتريك وهاي رنا عيونها مشالتها من جراح اباوعله يسولف ويا عمه واخوانه ممنتبه اله بس هية كلته اكل بعيونها
واني صرت نار من الغيرة. لا واختها عيونها على صكر  هاي جايت يخطفن زلم شنو
كملنه ريوك وكلمن راح لشغله انظف البيت اني وجمانة وسئلتها على جراح ورنا
.جمانه رنا من هية صغيرة تريد جراح بس هوة مايريدها وعمي جاان يكله رناوي الك بس جراح ميقبل وحتى امي مقبلت دكول خاف تاخذة نفس اختها من خذت جواد وحرمتني منه
.غالية اهاا لعد ونهى ليش عينها من صكر
صراحة اشوف صكر يسوي روحه ممهتم اله بس واضح بينهم شي
.جمانه اي صح صكير جان يحب نهوة وهية تحبه من جانو صغار من كبرو وامي عرفت ورا زواج جواد ماقبلت لان كتلج تخاف ياخذن ولدها لبغداد بس صكير جان يكول لو نهوة لو مااريد جراح من عرف وابوي راحو يخطبونها كالو عيب من عمي اذا عرف بعلاقتهم وامي جانت رافضه
جراح بلكوه قنعها من راحو يخطبون مرت عمي شرطت اله بيت ابغداد متريد بناتها ابعاد عنها
امي تخبلت وكالت انا التعب واربي وتجي الحظرية تاخذ وليداتي هنا صار زعل بين امي وبيت عمي وبقت امي ترفض وصكير يكول لنهى تقنع امها نهى جانت طالبة جامعية ف ماقبلت تضحي بمستقبلها وصارت ويا امها هواي حاول صكير بس نهوة ويا امها مدري قشمرنها بس البت نكلبت بيوم وليلة تركها صكير بس شني بجه عليها بواجي ايام وليالي يبقه سهران ويبجي هية
تركت بيت اهلها وراحت لخوالها بعد ماتعاركت ويا امها من تركها صكير.  بس كل مايجونه تجي وياهم وترد لخوالها.  صكير ويا الايام تعلم على فراكها.  وصار عنده حب نهوة شي من الماضي
وهسة هوة عينه على بت عمي بسمه ويريد يخطبها.
.غالية ياا خطية صكر اني اكول وراهم شي هوة ونهى من عيونهم مبين.  نسمه حبابه وتخبل اصلآ لايكه لصكر بس ليش ميخطبها شمنتظر
.جمانة يكول استحي من جواهر ورجلها هسة شيكول يباوع لختي .وها نسومه هم تحب صكير بس ماتحجي مبينه من عيونها وصكير يخاف من جراح وباقي ساكت
.غالية ليش يخاف جراح شبي
.جمانه لج مو جراح حذره تصير عينه على بنات عمه لان شافه شلون اتأذة وجراح يحب ويحترم صديقة رجل جواهر وهذا باقي ساكت
.غالية لا مبيها شي هوة راح يزوجها شنو بعد جراح خلي علية اني احجي ويا بس خلي صكر يتحرك ويحجي بالموضوع وياهم
.جمانه صدك غالية عليج الله تحجين ويا جراح خايبه تكسبين اجر بصكير خطية
.غالية اي والله معليج بجراح المهم صكر يفتح الموضوع
.جمانه من يرحون بيت عمي باجر احاجي
.غالية تمام اتفقنه
بعدها كملنة شغل البيت وصار الضهر اجوي على غدا وبيت عمهم جانو معزومين رجعو العصر احنه كاعدين بالحديقة وهاي بنت جواد ملكه مغرورة كعدت يم جراح وتبوس بي وهوة ماقصر حبيبت عمها وردة كلبي ملكه روحي ويبوس بيها ست البنات وهاي ممصدكه تنغرر بشكلها اهمداج
انتي وخالتج خطافت الزلم ماشلت عينها من جراح وهذا الشايب يتغزل ابنت اخو.
جراح ابن جواد عمه غالية انتي صدك اصغر مني
.غالية اي عمه اصغر منك ومن اختك
.جراح هههه يعني مرت عمي اصغر مني شي حلو لج ملوكه حتى مرت عمو اصغر منج هههه انتي عجزتي بعدد
.ملكه لا شنو اني ست البنات مو هيج عمو حبيبي
.جراح اي بعد عمج هذا اخوج يغار منج ماعليج بي
.جراح لا عمي والله مااغار بس زوجتك صغيرونه ههههه
.غالية اي عمك شايب متوشف الشيب مالي شعره
.جراح لعد ليش قبلتي بي عمه انتي صغيرة هوة شايب
.غالية اول شي النصيب وثاني شي هوة عمك من شافني بقه يفتر ورايه الا ان قبلت بي وكل يوم يدز ناس كلت خطية وافقت
.جراح هاا هيج ولج انا خطية احجي وياها همس خايبه انا الج بسيطه
.غالية ويا ملكة روحك وحبيبت قلبك
.جراح هههه تغارين من بنيت اخوي
.غالية ع شنو اغار عشتو
.رنا لا عيني ترا مااقبل دكولين على ابن عمي شايب جراح شيخ الشباب1
.غالية والله ياعيني زوجي وبكيفي شنو اكول علية وهوة قابل1
.جراح اي فدوة لغاليتي كل كلامها عسل على كلبي واغمزلها لان اعرفها راح تلوصها وتتعارك
.غالية خزرته ودرت وجهي اسولف ويا جمانه وعلي
.ام جراح اي غالية ست البنات هنيال وليدي عليها وكلامها عسل مثل ماكال الشيخ
.غاليه من سمعتها هيج كالت طررت من الفرح اريد اكوم اركص بس عيب اهم شي فشلتها خطافت الزلم
.جواد يمه احنا باجر نتوكل أن شاء الله عندي شغل مااكدر ابقه اكثر
أم جراح الله وياك يمه
.غالية فرحت من راح تروح البومه رنا وهاي بنت جواد امداجن
1
تعريف لعائلة جواد
جواد بنته اسمها ملكه على اسم امه وابنه جراح
جراح وملكه اكبر مني بسنه. ملكه شوي مغرورة وشايفه حالها عكس جراح حباب وهادء اختهم الصغيرة جواهر واخر العنقود محمد.
راحو بيت عمهم وجمانه حجت ويا صكر يفتح الموضوع ويا امه لحتى يخطبولة نسمه

.....عذراء علي ......

يتبع .....