الحضريه بنت بغداد _ والشيخ البصره

بارت الثالث 3

هلاؤؤؤؤؤؤؤؤؤؤؤ كايززز

بارت 3 🍂
الحظرية والشيخ.+
،،،،،،،بقلم عذراء علي ،،،،،،
وانه الحركه بكلبي كاتم صرختي عبن انه الي امشي بشهادة الوفاة كملنة واخذنا للبيت ودخلناه لديوانه ونتصارخ راح المهيوب وجواد وصكير حاضنيني ويصرخون وبعدها دخلنا على نسوان امي واخواتي يودعنة وصار الصراخ والطم وكوه طلعنااه امي وجواهر وجمانة مجلبات بالتابوت
جمانة تكلي لاتاخذة جراح فدوة وجواهر دكول اخذوني وياه وانا حاضنهن وابجي واصبر عليهن
ولهناك واشوف امي مهدود حيلها وتصرخ حظنتهة وكتلها راح احزام ضهري راح اخوي وابوي وامي وصديقي راح الهيبة وهي تصرخ وانه اصرخ رادت تروح هية واخواتي ويانه لدفن
بس ماخليناها اخذنا وانطلقنة لنجف وانه مامصدك شبسرعة صار هيج وليش يوصي بيه حاس يموت اتنوع لخوتي واصبر بيهم وافكر ب امي واخواتي وادعيلهن بالصبر، بسس انه منهو يصبرني مامش، وصلنة النجف ودفنة وصكير مايقبل يكوم بالكوه اقتنع، كتلهم اطلعو للمطعم وانه اجي وراكم، بقيت وحدي واصرخ واعاتب بي ليش عفتني وحدي ليش ثكلت الحمل وهوة ثكيل رد ياهيبتي يانوماسي وعكالي اصرخ ومايرد بعدها دك تلفوني عمي صالح حجيت وياه ورديت للمطعم ، خلصت الوادم اكل وردينة الديرة
بالطريق واتصل راكان،7
الوو
.راكان الو واصرخ بالتلفون جراح ابوي جراح
صدك مات كول غيرها لاتخبلوني ولك جراح رد خوية انت ماتجذب علية لا تموتوني بالغربة
واصرخ بس اسمع شهكات جراح،
.جراح اي راكان ابوك راح راح وسديت التلفون ماتحملت اسمعة، وصلنة للبيت وصار الصريخ والطم واحنة بالجادر وتعده اليوم ثكيل ناس كثار وفاتحة ضخمة بتت بالجادر انه او ولد عمي
مالي نفس ادخل للبيت، لثاني اليوم من الصبح وصل راكان يصرخ ويشكك بملابسة ركضت اله وحضنتة واصرخ وياه وجواد وصكير ونمر يتصارخون
دخلنا لجادر وعلي بس شاف الجادر وهو يصرخ فقد الوعي، بعدها راكان سلم على امي والبنات وصيرخ وحززن،
خلصت الفاتحة ٣ ايام وانه مامصدك راح الشيخ
البيت حزين وامي مريضة واخوتي الحزن اكل كلوبهم راكان وعلي بس يبجون وانه حزني بكلبي دافنة حتى امي تتقوة بيه،1
مرت الايام والحزن ويانه وانه جكارتي واصفن افكر بااخر جلماتة، صارت كعدة مال عشيرة
والشيخة لازم ولدة ياخذوها جواد كال انه مااريدها وكلهم اتفقو الي ،يعز علية اخذ مكان ابوي بسس بعد هاي عرف العشاير، صرت الشيخ
ولبست عكال ابوي وانه كلبي يبجي دم،
وامي خطية ماصحت من دكتور لدكتور وانه
كثر الحمل علية وخايف على امي ،

ونمر مايحجي بس يتنوع بعيونة من الصدمة
بلكوة يحجي كلمة ويسكت انعزل وانه احاول اطلعة من الحجرة،
مرات الايام والسنين والحزن بكلوبنة كلمن رد الحياتة وشغلة ، وامي نروكض بيهة من طبيب لطبيب، وحملي ثكيل وشفت وعرفت الناس على حقيقتهة بس اندار تطعني بظهري وكلها تتمنالي الوكعة حتى تشمت، عليش هذا كله مااعرف،
.غالية عايشة ابيت اهلي مرتاحة ومدلله كلشي الطلبة
واريدة يتم مناقصني شي .2

بس جنت وين مااروح انسئل ليش لسا ماازوجتي
وليش ترفضين الزواج انتي مو صغيرة .
صح جنت اضوج من هذا السؤال شعليها
الناس وتدخل بحياتي جنت اجاوب واكول
هيج مرتاحه وممستعجلة على زواج .
بس جيب اليفهم. واخواتي بكل مرة يجوني
ناس يخطبوني وارفض يتعاركن ويايه يردوني اتزوج
جاانت اكبر مشكلة بحياتي هاي السالفة 😏

خصوصآ ماما مريضة واني اطلع وياها للطبيب
اشوف هواية من هيج سؤال .

.جراح اخذت امي ورحت لبغداد ابيت اخوي جواد
وتلكونه محاضن وبوس وهلا بيكم
.جواد هسة نور البيت وبغداد كلها بجيتكم شلونج يمه
شجاج كل مالج تذبلين حبيبه.

.الام والله ييمه من بعد ابوك اهمدا العمر انتظر اليوم
التغمض عيني واروح وياا.

.جواد اسم عليج امي عمرج طويل . واحنه منو النه غيرج الغالية . الله يحفظك اوليدي.
.جراح اي خويه حجزتنه عد الطبيب ناخذ امي
.جواد اي شيخنه ان شاء الله العصر نروح
تغدو ورتاحو والعصر نطلع .

.جراح تغدينه ونمنة للعصر كعدت وتجهزت امي
ورحنه للطبيب جاان هوااي مراجعين زلم ونسوان
كعدنه امي على كرسي وكعدنه انا وجواد يمها
شوي ودخلت بت وامها حجن ويا السكرتير على حجز
مالتهم وراحن كعدن كبالنه.
طلعت ادخن جكارة براا. على مايوصلنة السرة
كملت جكارتي ودخلت واشوفي طايحة سوالف
ويا المرة الدخلت ويا البت.
حجيت ها خوية ماوصل السرة النه شوي

.جواد لا يبعد اخوك الناس حاجز قبل يوم .

.جراح
هزيت مو خوش سالفة هاي بقيت واكف
انتظر. رفعت راسي وريتني مارفعته
شهل حسن يربي سبحان الخالق شهل بت
عيوني مركزة عليها واتنوع جمالها شني هاي
يربي. هاي البت الدخلت ورانه اي اي هي
احجي ويا روحي واتنوع الها.
شفت البت انتبهتلي نزلت راسي هاي شمالني
اتنوع على البت اول تالي .

.غالية رحت ويا ماما لطبيب وجاانت هوسة كوومه
مراجعين كعدنه ننتظر. وماما ومرة كبيرة يسولفون واني مقابيلهم. الي عرفته انو المرة من المحافظات
ويلي وياها اولادها. حلو كلامها اتفرج عليها شكلها وكلامها حلو .
بقيت كاعدة وننتظر. لشؤي وشفت شاب ينظرلي متفاجأ باوعت علية ونزلت راسي دشوف شنو بيا
عباتي اخاف بيها شي

يتبع......