الحضريه بنت بغداد _ والشيخ البصره

البارت الخامس 5

هلاؤؤؤؤؤؤؤؤؤؤؤ كايززز

بارت 5
#الحظرية والشيخ ...+
،،،،،، بقلم عذراء علي، ،،،،
ها هيج يمه بس حبيت اعرف . واغمز لجراح
حجيت بأاذن جراح انا اسئلك على اهلها لاتهتم
يخوي خلي الشغلة علية.  جراح خير ان شاء الله
ثاني يوم. جواد رحت لدوامي ومن كملت طلعت على منطقة غالية اريد اعرف اهلها وتفاصيل على بت وصلت للعنوان وسئلت عليهم مدحو اخلاقهم
وطلعو خوش ناس . بس اريد اعرف تفاصيل على بت شلون شلون اعرف بقيت محتار وافكرر
رديت للبيت لكيت جراح منتظرني وسولفتلة الي عرفتة وبقينة نفكر بعدها اتصلت بصديقي هم بمنطقتهم .
الو السلام عليكم شلونك خويه ابو شهاب
.احمد وعليكم السلام هلا خويه شلونك ابو جراح
.جواد الحمدلله اكلك خويه رايدك بشغيلة اذا ماتصير زحمه
.احمد صدك جذب تامر انت شيخ جواد ماكو زحمه رحمه رحمه ان شاء الله كول
.جواد اكول تعرف عائلتة ابو اسعد الي بمنطقتكم
.يااسعد ابو المعارض قصدك
.جواد اي هو

.احمد اي اعرفهم ابنهم ارشد صديقي شبيهم قلقتني تره كلش خوش ناس
.جواد لا لا ماكو شي بس اريد اسئل عليهم
نريد اناسبهم.
. احمد اها خير ان شاء الله  امرك بالليل وانطيك
اخبارهم.
.جواد ان شاء الله مع السلامة.
احمد مع السلامة
لليل واجه احمد وكعدنة انا وجواد ويا وسولف عليهم طلعت البت مامزوجة فرحت بكلبي
وطلع احمد يعرف كلشي عنهم بقه يسولف طلعو خوش ناس.  ومدحهم هواي وكال اني اساعدكم
بس اعرف ماينطون بناتهم لمكان بعيد وانتم بالبصرة. 
.جراح هاي خلها علية بس انت اخطي اول خطوة
وترك الباقي

.احمد ان شاء الله  اترخص اني
جراح وجواد الله وياك .
جراح راح احمد وكلمن راح لفراشة واني افكر شلون اخذ هلبت الي تربعت بكلبي اول ماشفتها
وره يومين  اتصل احمد وكال فتحت الموضوع ويا اخوها وكتلة صديقي وشيخ سولفتلة عليكم
كال اشوف الوالد ويصير خير .

.جواد خويه جراح خلي نفتح الموضوع ويا امي
.جراح يمه تذكرين البت غالية
.الام اي يمه شلون انساها شبيها
.جراح اريد اخطبها وسلئت على اهلها
.جراح هل يومين ان شاء الله  ننتظر رد من اهلها
.الام عساها من نصيبك وليدي..

وره يومين رجع الجواب اتقدم رسمي حته يعرفوني راحت امي ونازك اخذناهم بالسيارة انا وجواد . بقينة ننتظر ونسئل عليهم.
.غالية بابا كال اتقدملي شيخ وبيتهم بالبصرة تفاجأة ماما وبابا شبه مقتنعين لان عن طريق احمد همة يحبو لحمد .
اني كلت ارفض مثل كل مره بيوم يلي اجوي يشوفوني لبست فستان طويل ساده وعلية بوليره كابوي وشال وردي مشجر ومخليت شي لان اني حلوه تعطرة وندك باب غرفتي كالت ماما يلا اجوي الناس .استعجلي  .

اي ياماما نازله نازله هسة يطلع شايب وكرشة كدامة بس لو اعرف شقنعج تره بالبصرة موو ابغداد  .  ام غالية هسة دنزلي ياامي وبعدين نتفاهم .
نزلت ماما واني وراها اخذت العصير ودخلت لصالة سلمت وتفاجأة هاي الحجية يلي يم الطبيب. ياا
. ام جراح صلوات على محمد فدوة لدورة وجهج
تعاي كعدي هنا
.غالية كعدت يمها بس جنت خجلانة ومحتارة هاي من وين عرفت بيتنه.
.ام جراح خيه أم اسعد احنه جاين نخطب هل حلوه الابني جراح شيخ الشباب وشيخ العشيرة
.ام غالية كل الهلا بيكم بس غير نسئل عليكم نعرف الولد شكد عمره مو هيج ياعيني
.ام جراح اي خيه اسئلو على راحتكم وشتردين تعرفين اسئلي
.نازك  خاله جراح مواليد ١٩٨٠ خريج كلية هندسة
وهو الثاني بتسلسل العائلة.  وبحكم شغلة وكعداتة ويا عمو الله يرحمه صار بمكانة الشيخ
وجان ميقبل يزوج بس هسة نريد نفرح بي وعمتي عجبتها بنتكم من شافتها بالطبيب
.ام غالية خير ان شاء الله نسئل عليكم وانتم اسئلو علينه ويصير كل خير بس احنه منريد بتنه تبتعد اريدها اهنا يمي ابغداد .

.ام جراح جا شلون خيه انا كتلج ابني شيخ العشيرة ترضيها يعيف اهلة وناسة ويجي يكعد ابغداد .

.غالية اشؤ هنة يحجن ويتفقن واني محد مااخذ رائيي شسالفة لا انوب حيتهاركن 😄 قاطعت أفكاري نازك .

.نازك اشؤ يحلوه ارفعي راسج سمعينة صوتج
بقت تسئل شكد عمري و شنو مكملة دراسة هية تسئل واني اجاوب اخر شي كالت اشوفج جراح
صراحة فرحت كلت خلي اشوف الشايب
بس نصدمت من شفت صورته يااا هذا ابو عين زايغة اي والله هوة عززا واني اكول شبي يباوعلي.  بس شنو بالصورة يموت صاك لا بس دشداشة لون سمائي فاتح ولاف على راسه غترة بيضة وسودة العيون ويا الدشداشة يخبلن عيونة خضرر وابيض هوة صااااك. 😍
.نازك اكيد عبالج كبير بالعمر ابتسمت وكتلها اي 😊   هههه لا حبيبه تره جراح صغير بس هموم الدنيا كبرته
انوب الحجية كالت احنه نترخص وانطت العنوان مالتهم وكالت ال ماما ردونا الجواب مع السلامة
طلعنا وراها بس الحجية ضاجت من كلام ماما.
صعدت غيرة ملابسي ونزلت اسمع ماما وبابا يسولفون وبابا يكوللها احمد يمدح بيهم وأخلاقهم ماما دكوله بس بعيد اني ماانطي بنتي تره وبابا يكول الها الله كريم نسئل ويصير خير
ونسئل غالية.  اقتحمت عليهم الاستقبال 😄
ها اني هاي شكو دتحجون بااسمي
بابا تعالي بنتي شنو رائيج بااهل جراح
.غالية والله يا بابا العائلة كليتهم صاكين 😄
وحتى ابنهم جان عبالي شايب

يتبع.......