لتعوفني وحدي

البارت الثالث

بعد مرور 7 سنوات
صار عمري عشرين سنه وحاليا اني ادرس بكليه ماتغيرت ضليت على نفس الهدوء والصمت بعد ذاك اليوم مستحيل انسى كيان
كيان هو حياتي وروحي ...
كبرنا وتغيرت عقليات بعض الناس
يعني محمد بعد ماكبر وحاليا تعرفون بهذا العمر شيفكر وخاصا إذا صادق شله مو زينه ( ال معرف قصدي راح يعرف بعدين 😞)
....................................
كعدت الصبح عل صياح ماما اوبابا دايتعاركون .... فتت للحمام وسبحت ولبست ملابسي ورحت للكليه بعد مااكلت لفه همبرگر
اول مادخلت الكليه تلكتني لمياء صديقتي
كعدت بعد ماسلمت عليها بمكاني المعتاد اناظر الرايح والجاي بصمت مع سماع حجي صديقتي الي دايما عكسي مرحه كلش وحبابه
انتبهت عولد طويل القامه ذا عضلات ضخم شايل كتبه وبس يراقبني بس باوعت عليه سوه نفسه دايخابر ( مايدري اني منتبهه عليه من زمان بس ليش يراقبني ماادري)
كمت ورحت عليه وكفت يمه هو ضل يباوع عليه متفاجئ ومخلي موبايله بذنه وحلكه فاتحه مترين سحبت الموبايل من عنده ومثل متوقعت مجان يحجي ويا أحد انطيتهيا وكتله ليش داتلحكني
أشر عنفسه كلي : انا
كتله : اي انته
وقبل ليحجي كاطعته وكتله لا تلحكني بعد هاي المره سماح المره الثاني اخليك تندم عفته ومشيت ولمياء ورايه ...
بعد يومين ضل الولد يلحكني .... واني بصراحه ضجت كلش بس فضلت الصمت كالعاده .. جنت داامشي بالحديقه ماحسيت بنفسي غير بس بدوخه ردت اكع بس هو سندني وكعدني عسكملي نطاني ماي وسئل إذا اني بخير لو لا
كتله.. بخير ..وشكرا الك
كلي : العفوا
كتله : ممكن اعرف ليش جنت تلحكني
باوع عليه وتنهد : انا اسمي يوسف بصراحه حبيت هدوئج وصمتج هذا اكوا شي جذبني الج خلاني اراقبج من دون ماادري اسف عل هتصرف ادري ضجتي بس هاي الحقيقه مو معجب ولا شي بس شخصيتج مدري ضليت اتعمق بيها....
سكتت اني وكتله بعد ماكمت : عكلا شكرا( اورحت)
بعد سبوع حياتي عاديه ماكوا احداث ....
اكعدت من النوم شفت محمد كاعد ايباوع عليه ونفس الابتسامة ابتسامه الشر موجوده
عدلت كعدتي وكتله بهدوء مستفز : من قله الادب تدخل غرفه بنت قبل حته لا تستأذن منها ..
محمد بضحكه : هههههه تدرين شغله

اني ضليت ساكته : ............😒
محمد : داافكر انوا انتي اختي أو بنفس الوكت مو اختي
كتله : تره مو فاضيه لسخافتك شتريد احجي
تقدم مني وخله ايده عخصري وتقدم اكثر وبهمس : خلي نعيش حياتنه سوه محد راح يدري بلي راح يصير
شفته بده يتجاوز ويتقرب الي ضربته راشدي عوجهه وكتله : ودين محُمد إذا عدت هالسالفه لخليك تتشاهد عروحك
ضل صافن بوجهي ( مااكذب عليكم بديت اخاف كلش مننسه انه يبقئ رجال وبنيته اقوئ المهم ) فجئ ابتسم تكلون جنه تخبل
كلي : انشوف ... وهذا الكف اله ارجعلجياه
(وطلع)
رحت للكليه واني صافنه فكري يم محمد خايفه منه رغم اني دايما أظهر قوتي وشجاعتي .. وصلت للكليه وكالعاده اراقب تحركات من حولي .. لفت انتباهي شخص يااااربي بس شفته كلبي صار بي طربكه مشكد ميدك اني اكيد بحلم هذا كيان ياربي اني متأكده هذا كيان صح اتغير وطولان كلش وشكله تغير بس اني اعرفه اعرف ملامحه واعرف مشيته لأن بيه حاله من يمشي يهز براسه مدري ليش
رحت عليه ماتحملت وكتله انته كيان السيوفي
كلي وهو مستغرب : اي كيان
شبكته حيل بس هو بعدني عنه كتله : هاي اني زينب
بس هو ولا كأنما عرفني يكلي انتي منوا
وشداتحجين ...
ضليت ساكته ومتفاجئه ...
كال وهو يتمسخر: شكلج مخبله ومنهزمه من المصحه (وراح)
مستحيل .. شلون هيج حته ميتذكرني
اصلا كلش متغير كيان جان كلش حنين
شنو هالقسوه الي بعينه وبصوته يالله
بعد ماطلعت من المحاضره كعدت بالحديقه وره المدرسه افكر بالي صار سمعت حسه يكلي زينب
باوعت عليه واني مصدومه هو مو كال مااعرفج شلون عرف اسمي ضليت بس اراقبه تقرب مني وشبكني وباسني من خدي وكال: زنوبه حبيبتي شنو نسيتيني يالله شكبرانه ... هذا اني كيان
اني ماتحملت هم شبكته وضليت اكله ليش عفتني ورحت وليش وشلون ...
بعد ثواني دفعني ملامح وجهه تغيرت
كلي : بعد لا تلحكيني (وراح) هو الي أجه وهسه يكلي لاتلحكيني شكوا إصاير 😕
ضليت امشي لحد مصطدمت بأحد رفعت
نظري طلع يوسف ملامحه غامضة مو معروفه كلي : لا تتقربين من هذا الولد شكله مريض تره يأذيج
كتله
: وانته شعليك
كال : اني بس اكلج لا تتقربين
مارديتله : داروح بس فاجئني كالي اني احبج واخاف عليج (وعافني قبل حته ليسمع كلامي ) ماادري ليش حست بحراره بجسمي