اني اسمي زينب عايشه حياتي مع عائله متبنيتني ..عمري 14 سنه اعيش مع ماما أوبابا وأخويه اسمه محمد بصراحه الكل جان يكرهني محمد (عمره 16 سنه )جان امدلل ماما أو بابا أو دائما يوكعني بمشاكل أو طبعا همه يصدكون بيه لأن امدلل جنت دائما اتعرض للضرب لحد مصار شي وغيرلي حياتي ......
.......Flash .....
قبل سنتين
بعد إشراق يوم جميل وحياه جديده
حسيت بأحد يدفرني
الأب بصياح : اكعدي ولج عابت هيج خلقه يله اكعدي يعني اخوج احسن منج كعد قبلج وراح للمدرسه ماصيرين مثله ...
كعدت من دون أي رده فعل لأن تعودت على هاي الاصطوانه
كتله : صباح الخير
الأب : يا خير وانتي بوجي يله كومي روحي لمدرستج
كمت غسلت وبدلت ملابسي لروح للمدرسه فجئه اعترض طريقي محمد وهو يبتسم
طبعا هاي الابتسامه تدل على الشر 😑
وياستار ربي سترك المهم
رحت للجهه الثانيه هم اعترض طريقي
كتله : محمد وخر عن طريقي
محمد : وذا ما وخرت
كتله بعصبيه: شنو مشكلتك ويايه راح أتاخر كافي
محمد ببتسامه مستفزه : بعد ماشفتي شي
كتله : اشقصدك
مارد عليه وبده يكسر المواعين والكلاصات واني مصدومه واكفه بس اباوع 😰
أجه بابا عصوت التاكسير
وكال : منو سوه هيج
طبعا محمد جذب وكال : زينب كسرتهن
كتله وحاولت وردت بس ما تفاهم ولا صدك كلامي ضربني حيل جرني من شعري وضربني بالحزام واني من خوفي طلعت من بيتنه واني اشهنك وأبجي كعدت عالرصيف واني حافيه والدم يطلع من خشمي وحلكي مااريد ارجع اخاف يرجع يضربني ضليت كاعده ابجي حوالي نص ساعه واني بماكني حسيت بأحد يلزمني من جتفي خفت حيل وفزيت
باوعت عليه إلا بس ولد يطلع عمره 17 سنه او 16 يبتسملي ويكلي اشبيج
اني مارديتله وضليت امدنجه راسي
رفع راسي وبده يمسح الدم لبوجههي كلي : اسمي كيان انتي شسمج
كتله بتردد : ز..زينب
كيان ببتسامه حنونه: ليش تبجين زنوبه أحد مضايقج
اني من سمعت صوته وحنانه مدري اصار بيه أتكزبر جسمي يمكن لان هو الوحيد الي عاملني بحنيه حته لو لوقت قصير عالاقل حسيت بيه
زينب بشهنك: بابا ضربني
كيان :ليش ضربج خاف انتي ضوجتيه
YOU ARE READING
لتعوفني وحدي
Teen Fictionما أشد واصعب أن يعوفك من تحب 💔 تحس الدنيا ضاقت بيك 😔 مخنوك وضايج بس اتريد تبجي😢 وهذا الي راح ايصير بصديقتنه زينب راح نعرف قصتها بعد مانقره الروايه هل راح تتحسن احوالها ؟؟ بقلمي : حبيبه الشتاء❤
