မင်္ဂလာစင်မြင့်ထက်ရောက်တော့ ဓါတ်ပုံရိုက်ကြ၊ ဗီဒီယိုရိုက်ကြ၊ ဘိသိက်ဆရာက ရေစင်သွန်းလောင်းပေးနဲ့ အလုပ်ရှုပ်နေကြတာပေါ့။ ကိစ္စဝိစ္စတွေပြီးစီးသွားတော့ မင်္ဂလာမောင်နှံနဲ့ မိဘများက ဧည့်ခံဖို့ ဆင်းသွားကြရော။ သုခအပါအဝင် လေးယောက်သားက သူတို့အစီအစဉ်စသင့်ပြီဖြစ်ကြောင်း တစ်ယောက်ကိုတစ်ယောက် မျက်စပစ်ပြကြတယ်။
ဟိုသုံးကောင်ကတော့ ဆင်တူတွေပဲ။ ခခက အရံလုပ်ရသေးတာဆိုတော့ သူတို့နဲ့ဆင်တူဝတ်စုံအပိုကို အိတ်နဲ့ထည့်ယူခဲ့တာ။ ဒီကောင်တွေကိုခဏစောင့်ခိုင်းပြီး toiletထဲအဝတ်သွားလဲတာပေါ့။ အဝတ်လဲပြီးပြန်ထွက်လာတော့ အိမ်သာရှေ့မှာ ဝုန်းဆိုတဲ့အသံကြားလိုက်ရော။ ဘာများလဲဆိုပြီး စပ်စုလိုက်တာလေ...ဒီခန်းမက ဝိတ်တာနှစ်ယောက်ထင်ပါတယ်။ ယူနီဖောင်းတွေနဲ့မို့ ထင်လိုက်တာပေါ့နော်။
တစ်ယောက်က နောက်တစ်ယောက်ကို ကော်လံကနေဆွဲပြီး အိမ်သာနံရံကို ဝုန်းခနဲတွန်းလိုက်တာပဲ။ ပြီးတော့ မျက်ထောင့်နီကြီးတွေနဲ့ နံရံကပ်နေတဲ့ကောင်လေးကို စိုက်ကြည့်နေတယ်။ အဆွဲခံရတဲ့ကောင်လေးကလည်း ကြောက်ကြောက်လန့်လန့်နဲ့မို့ထင်ပါတယ်။ အသက်ရှူသံတွေတောင်ကြားနေရတယ်။
အနားမှာက လူတွေလည်းမရှိဘူး။ ဒီနှစ်ကောင်သတ်ကြတော့မယ်လို့ စိတ်ကအလိုလိုထင်နေတယ်။ သူတို့ကတော့ ခခကိုမမြင်ဘူးထင်တာပဲ။ ခခလည်း ရန်ဖြစ်တော့မယ်ထင်လို့ ပြေးဖို့ပြင်တော့ အွန်းဆိုတဲ့အသံကြီးထပ်ကြားလိုက်ရရော။ စပ်စုလိုစိတ်က ထိန်းမရတော့ နောက်တစ်ခါလှည့်ကြည့်မိတော့...
ဟယ်...ဒီကောင်တွေက လက်စသတ်တော့ အချစ်စမ်းနေကြတာပဲ။ ခခကိုမပြောနဲ့ ခွေးဖြတ်သွားတောင်မြင်ကြမယ်မထင်ဘူး။ မိုးမမြင် လေမမြင် တအွန်းအွန်းနဲ့ နမ်းနေလိုက်ကြတာများ။ ခခမှာတော့ ထွက်ပြေးရမလို ရပ်ပဲကြည့်ရမလိုဖြစ်နေရော။ သူများမင်္ဂလာဆောင်မှာ သင်းတို့က လုပ်စရာရှိတာမလုပ်ဘဲ လုပ်ချင်ရာတွေလုပ်နေကြတယ်။
YOU ARE READING
ချစ်ခြင်းသက်သေ ဉာဏ်ကလိမ် | ခ်စ္ျခင္းသက္ေသ ဉာဏ္ကလိမ္
General FictionFirst Chapter Published : Nov 19 2020 Last Chapter Published : Dec 29 2020💌 စိန်ပလိန်တိန် မုန့်လင်မယား မှားနေတယ် မုန့်လင်လင်ကွ... ဪအေး ဟုတ်သား...ဟေ့ကောင်တွေ ပြန်အော်မယ်... စိန်ပလိန်တိန် မုန့်လင်လင်!!!! မုန့်လင်လင်!!!! ~~~~~~~~~~~~~~~~~~~...
Part-24
Start from the beginning