حاجه صغننه كدا عايزا تفاعل ورأيك عشان اتشجع واكتب لكم كام حلقه
اللهم صل وسلم وبارك على سيدنا محمد
***************
لولو وباسل قاعدين جمب بعض بيتفرجو على فيلم فريد الاطرش وشاديه وإبنهم زياد بيلعب فى أوضته باللعب ... اغنية زينه أشتغلت فى الفليم ولولو مركزه ومندمجه معاها عشان بتحب الأغنيه دى وصوتها على واندمجت أكتر وهى بتقول .. إمتى الزمان يصفلى وألتقيلى حبيب مخلص يريح بالى ويكون وصاله قريب .. وباسل لف بجسمه بصلها بشر
باسل : وحياة أمك .. حبيب مين إلا عايزا تقابليه قوليلى وأنا اوصلك على السريع
لولو ضحكت بصوت عالى ومسكت دراعه : انت بتغير يا بسبوستى .. دى أغنيه
باسل : عارفه لو ما أتعدليش وبطلتى تستفزينى ها أعمل فيكى إيه
لولو بضحكتها وبدلع : إيه قول بسرعه
باسل بيحط إيده على البنطلون وبهزار : مفيش حزام المفروض ألبسه وانا قاعد معاكى .. بت يالولو
لولو : نعم يا بسبوسه
باسل : قومى أعمليلى شاى باللبن فورتى دمى
لولو أتقلبت زى الديك الشركسى : أنت كل ما تشوف وشى عايز شاى باللبن بيصعب عليك أقعد جمبك شويه يا راجل أنت
باسل مسكها وكتم بوئها : خلاص اخرسى بطلب منك شاى جملى دا تك ترك خلاص خلص ..
زياد قرب عليه وبيشوح بايده وبعصبيه ومكشر : لبن .. لين .. لبن .. خلاص بقى ياراجل ولف وسابه ومشى ولولو وقعت على الكنبه ومش فاصله ضحك وباسل بيشاور على إبنه
باسل : مين الواد دا .. انت وأمك عاملى حزب الكنبه فى البيت طب انا بقى حزب المدفعيه وها أشرب شاى باللبن وأنت هاتشربه وهاتبطل نكسويك أل نكسويك ال وضرب لولو بهزار .. بطلى ضحك يا ام اربعه وأربعين
لولو بتهز صوبعها بعلامة لاء : مش قادره .. مش قادره حتى زيزو زهق ياعينى ما أتوقعتش رد فعله
باسل : هو ها يحيبه من برا بيقلد أمه .،، وبيمد فيها أمه إلا مش عايزا تعمل شاى باللبن لأبوه وتقوله أتفضل يا حبيبى منور بيتك يا حبيبى
لولو حضنت دراعه وسندت براسها على كتفه : ما انت منور بيتك يا بسبوستى ومش بس كدا أنت منور حياتنا كلها
باسهم أبتسم وضم راسها وبيوطى على خدها يبوسها لقى إلا بيشده ويقوله ..
زياد : إيب وبعصبيه إيب بوس هنا وبيشاور على خده هو .، وانا بوس هناااا
باسل : وحياة أمك .. بتوزع التركه سيتك
لولو 😂😂 : بوسه بقى بطل رخامه عليه
باسل شال زياد وباسه وقعده على رجله وزياد بيشد لولو يبوسها من خدها وباسل بيضحك اول ما شافه بيمسح البوسه .. ايه بتمحى أثار الجريمه
زياد هز راسه : اااه أمحى ريمه وأنت كمان إمحى ريمه وبيمسح خده ونزل من على رجله جرى على الأوضه
أنت تقرأ
من أنت .. وميمو .. ولفى بيا يا دنيا
Mystery / Thrillerهذه مجموعة نوفيلات قصيره حياه تنقلب من اقصى اليمين لأقصى الشمال .. تذهب طموح واحلام ويأتى غيرها يكتسح الحب فلا مجال للهروب .. عاشق تائه فلا يعرف من هو .. ولا هى تعرفه فاكان السؤال من انت ؟
