من أنت .. وميمو .. ولفى بيا يا دنيا

ميموووو6

ميمووو 6
*******
اللهم صلى وسلم على سيدنا محمد وعلى اهله واصحابه أجمعين
سبحان الله والحمد لله ولا إله إلا الله والله أكبر ولا حول ولا قوة إلا بالله العلى العظيم
💗💗💗💗💙💙💙💙💙💚💚💚💚💚تصويت للحلقات يا قمرات
ميمو بعد الفرح هى وأمير خلاص فى شقتهم الا ها تجمعهم العمر كله ان شاء الله .. شقه صغيره بس ميمو ها تملاها شقاوه وحب ومنغاشه لاميرها إلا طول الوقت بتحلم بيه ... ياااه احساس جميل ومختلف لما الحلم يبقى حقيقه والا اااتمنيته لقيته .
أمير عيونه على ميمو الا واقفه متوتره ولابسه فستانها .. خد نفس وقرب منها .. وبعدين اتكلم
أمير : أحممممم .. نحن هناا ومسك دقنها ميمو شالت ايده وبتنزلها .. مسكها وقربها عليه .. نورتى شقتى وحياتى .. صحيح شقتنا صغيره بس ان شاء الله ربنا يكرمنى معاكى ونكبرها 
ميمو بابتسامه : ان شاء الله
أمير لف وشه باحراج ورجع بص لها تااانى وقلبه كأنه فى سبق وميمو ما تختلفش عنه  : انتى خطفتينى لدنيتك الجميله الا نفسى أعيشها كل لحظه .. تسمحيلى
ميمو باحراج ووشها بقى عباره عن كتله دم : أسمح بإيه
أمير : أفضل بين ايديكى .. وبيبص فى عيونها وبيقولها بهمس رهيب ونبرة صوته معبره عن كل كلمه وكانها خارجه من جوا قلبه : أفضل فى عيونك .. نبتدى حياااتنا الا ها تبقى لينا وبس مفيش فيها شريك ولا عزول ..طول الوقت ورفع وشها له وبص لشفايفها نفسى اعبرلك عن حبى وازاى بقيتى ساكنه قلبى وروحى وبرقه باسها بوسه خاطفه بحبك يا ميمووو .. بحبك ..
ميمو بعدت عنه والخجل اتملك منها .. ما اتوقعتش انها فى اللحظه دى ممكن تبعد عنه .. وبصوت طالع بالعافيه : بعد اذنك أغير
أمير ابتسم  وبغمزه : فى انتظارك
ميمو بدون تفكير : ليه ماوركش حاجه والا حاجه
أمير ضحك بصوت عالى وبيشاور عليها : مفيش ورايااا غيرك
ميمو : ليلتنا فل ان شاء الله
أمير بغمزه سريعه : فل الفل ان شاء الله ..
ميمو راحت على الدولاب ومنتظره امير يقرب يفتح سوستة الفستان او يساعدها فى فك الطرحه بس ما قربش ... وبينها وبين نفسها .. الله هما غيرو فى الجواز والا ايه .. مش المفروض يفتحلى سوسة الفستان .. شكلها كدا مفهاش أمل فا لمى فساتينك الا انتى لابسها دى الا وزنها طن  وادخلى انتى وهما فى الحمام وحاولى تتخلصى منهم مع نفسك .. وفعلا دخلت وخلصت وخرجت وهى لابسه بجامه وامير كمان غيررر وصلو مع بعض  وفضل  وقت بيدعى ربنا هو وهى .. وخلصو وميمو طااارت ونطت على السرير واتغطت .. وامير جرى وراها ونط جمبها ..
امير : ايه مش ها تغيرى
ميمو بتترعش : لا اصلى حاسه انى بردانه قوى
امير : حاسه مش متاكده
ميمووو : اه
امير بيقولها بطريقه مضحكه : ادفيك يا ولا
ميمو : نزلت تحت البطنيه  وامير شدها لحضنته ودنيته الحديده .. ونامت بعد ليل ويوم طويل جميل ومميز .. امير قام من النوم خد شاور وطالع من الحمام دخل لميمو الاوضه  وبصوت عالى نوعا مااا ..
أمير : ميموو .. يا ميمووو .. ميمووو
ميمو فتحت عيونها وبصت لأمير وساكته وبتحاول تفتح عيونها
أمير : ياله يا ميمووو .. قومى جهزى الاكل جعااان .. مينت يا جميل وتطلعى ورايااا  وسابها وخرج برا وميمو اتعدلت وبتهرش فى شعرها .. وبصوت مسموع
ميمو : ايه دا .. مش ها يشيلنى .. طيب مش المفروض هو الا بيحضر الفطار ويجى يأكلنى .. وفردت ايد ... خد يا عم انت .. فى بطه بلدى انت ناسيها على السرير ..ايه الكروته دى .. انا عروسه وربنا لسا الحنه على ايديا
أمير ضحك بصوت عالى  ودخل لها : قومى يا بت بطلى دلع .. خلاص راحت عليكى
ميمو خبطت على صدرها : يا مصيبتى راحت علياا .. انا لحقت
أمير : ايوا انتى ما تعرفيش انك خلاص بمجرد ما اتعملك فرح بقيتى قديمه ..
ميمو : دا لسا فى شهر عسل وبتلف راسها ومبتسمه وضحك ولعب وحب وكدا يعنى
امير : ههههههه لا خلاص هو بقى يوم عسل واحد .. وقرب منها وشالها فى حركه فجائيه .. وبيناغشها بوشه وبيبوس شفايفها .. العمر كله عسل يا حبيبه امير
ميمو لفت ايديها حوالين راقبته وحضنته جااامد .. وهو ضمها اكتر وطلع بيها برا  كملو شقاوتهم وصوت ضحكهم مسمع الدنيا كلها ...
مر اسبوعين على جواز ميمو .. وبعد كل زيارات اهاليهم .. وحياتهم بدأت تاخد مسارها الطبيعى .. وامير نزل شغله من تاانى وهو مدرس لغه عربيه ..وميمو خلاص بقت ست بيت ومسئوله عن بيتها ..
ميمو فى وسط الصاله مشمره رجل البنطلوه ورابطه ايشرب صغير على راسها وشايله الفرش وبتمسح وبتروق  .. ماسكه الشرشوبه وبتغنى
ميمو : اغسلى اطبخى امسحى روقى  .. اهئ .. اهئ .. اهئ .. كل يوم ها اعمل اكل ايه واروق واغسل مواعين امال لما أخلف ها اعمل ايه يارب  احنا ما اتفقناش على كدا .. اتفقنا على شعر  وبتلف بالشرشوبه فى الهوا .. دلع .. خروجات .. فوسوحات شكو ظان أمير شكو ظان ولد مش اسمع كلامات مش فسح مراتوتات وبتشاور على نفسها مش اكلها شيكولاتات عشان مش اتخنات رجاله مكرات .. انا عايز اروح عند أمهات ابوس يدات واقعد زى كلبات   ... انا مخرجتش من يوم ما اتجوزت يارب َ ياعالم .. ياهوووو.. والواد محمد اخويا اتجوز البت داليا وكل شويه فى حته شكل .. كل شويه داليا تتصل بيا لما خوتتنى .. مره تقولى خرجنا من الاوضه ورايحين الانتريه .. وخارجين من الانتريه بنقزقز لقب فى البلكونه .. وخارجين من البلكونه رايحن اوضة الاطفال .. وربنا دا ظلم   اخويا بقاله تلت تيام متجوز وهارى البت خروج ودخول ودخول وخروج لما اتنفخت زيى واكتر  😂😂😂😂😂 كدا عنصريه بالتقليه .. وتليفونها رن وردت بصوت عالى  .. مفيش ورايا غيرك يا داليا يا بنت فتحى
داليا : هههههههه اخوكى ناوى يجبنى واجيلك بيقولى لازم افسحك بجد
ميمو برقت وبصت على نفسها والشقه الا مقلوبه : امتا دا يا بت
داليا : بيقولى البسى عشان أعمل مفاجاه لميمو
ميمو : مفاجأه مهببه على دماغكو .. ما عندكوش فكره انكو لازم تستأذونو افردو انا برا ها بتفسح مثلا زيكم وراحه لامى
داليا : منا بقولك اهووو يا بت .. ياله بقى عشان الحق اجيلك ليغير رايه . وقفلت
ميمو مسكت التليفوت وبتنادى : بت يا دالياا يا داليا ... اهئ اهئ .. وطلعت تجرى على جوا وهى بتجرى وقعت ومسكت ضهرها وبتميل بجمبها وبتتوجع : اه .. اتكسرت بسببك يا محمد انت ومراتك . وقامت طارت على المطبخ طلعت بانيه وتبلته وحطت ميه تغلى للمكرونه .. وخرجت كملت مسيح الشقه ونزلت الفرش بسرعه .. وطايره فى كل مكان بتظبط الشقه .. خلصت السلطه وهى واقفه  وصلصه المكرونه وقفلت البوتجاز وطارت على الحمام خدت شاور وظبطت نفسها ولبست بجامه ..  وبعد لحظات جرس الباب رن وهى قدام المرايه وبتلف يمين وشمال .. باين عليا انى لسا عروسه الحمد لله .. اما اروح لخويا الرذل أقرمه من ودانه عشان بعد كدا يفكر الغبى ويجى فى الوقت الصح .. وراحت فتحت بعد ما بصت من العين السحريه ولقته أمير مش اخوها ..
أمير اول ما دخل ميمو حضنته وباسته وبتقوله حمدالله على السلامه
أمير بابتسامه : الله يسلمك ..ايه الجمال دا
ميمو بتلف : ايه رايك لسا جديده بالتكت
أمير : 😂😂😂 ايو واخد بالى .. قعد وقعدها جمبه ..عامله اكل ايه اصلى ميت من الجوع
ميمو : مكرونه وباتيه
أمير تنح وباستغراب : مكرونه وباتيه ههههه يعنى مش فاهم ايه العلاقه
ميمو : هههههه بانيه .. الله يسامحك يا محمد انت وداليااا هنجونى انا خلاص فصلت وربنا
أمير : ليه
ميمو : داليا كلمتنى وقالتلى انهم جاين ليا وكنت بمسح وكدا
أمير :  ينورو .. تعالى بقى قبل ما يجو عشان اغير واخد شاور وقام وقف وميمو نطت على ضهره ولفت ايديها على راقبته .. وبتقوله اتفضل يا فندم انا مش قادره أمشى ... لحظات ومحمد وداليا وصلو لميمو
محمد قاعد بيبص لميمو وبيديق عينه .. واستغل ان امير لسا جوا  : انتى مضروبه يا بت قولى اخوكى لسا أسد
داليا : إصماله 
محمد ضربها على راسها : اسد والا مش أسد
داليا : انت قفص أسود فى بعض
ميمو بتتكلم بالعافيه : عارف انت لو مش اخويااا كنت اتاخذت ضدك قرار صادم صارم حاسم فى التو واللحظه  .. بقى انا اتقلب على الارض زى  القنفد ملاقيش الا يعدلنى  عشان سعتك عايز تعملى مفاجأه .. مفاجأه مهببه وداليا عماله تشاور لها
محمد بص لداليا ومسكها من شفايفها : مش قايلك ما تقوليش لها حاجه .. الا زى دى مش اختى .. بس لازم وبيطبق ايده على بعض تفاجئيها تكبسى على نفسها .. تلاقيها كانت مشهيصه الهانم
ميمو : تصدق ها تصدق ان شاء الله .. انا كنت مشهيصه الا هو بقى وضحكت زوجه وست البيت او قردت البيت وبتلف ايديها يعنى على حسب اصل عمايلنا دى ما يعملهاش غير واحده قرده .. وبصت لداليااا وبتضحك أكتر .. بقيتى قرده والا لسا شويه
داليا ضحكت أكترر : لا لسا شويه ها اقلب من بكرا على جباليه قرود ..
امير دخل عليهم : ايه اسيبكو شويه ارجع القيكو جوا الجباليه ..  تعالا يا محمد نقعد فى البلكونه مع بعض ونسيب البنات تجهز الغدا
ميمو ضحكت جامد وبتشاور بصباعها : الغدا ... وبعد الغدا شاااى يحبسووو .. وبعد ما يحبسو يحلووو .. وبعد ما يحلوو 
محمد : ههههههه البت اتجننت عملتلها ايه يا أمير
أمير :   لا معلش انا مستلم كدا
داليا شدتها ودخلت المطبخ : مالك يابنتى اتجننتى
ميمو بتعيط وضاربه بوذ مصطنع وبتقرب بوشها على داليا : تعبانه يا داليا .. هنجت يابت انا كنت قالبه الشقه مش قادره خلاويص
داليا : لا لسا .. انا موجوده نسد مع بعض ماهو مين يشيلنى وانا تعبانه
ميمو بعياط أكتر : محمد اخويا يا داليا انا نادله
داليا : تصدقى انتى واخوكى اندل من بعض 
ميمو : ههههههههه عادى 
خلصووو وقعدو مع بعض قاعده حلوه مليانه هزار وضحك .. وميمو غسلت المواعين وجريت على السرير .. وامير جمبها وراحو فى سابع نومه .. وتدور وتلف الايااام ومسؤاليات ميمو ومحمد بتزيد يوم عن يوم ... وما طلعش الجواز رفاهيه زى ما هما متخيلين لا حياااه ومسئوليه وعبئ كبير محتاجه تفاهم وصبر ولطف من الطرفين عشان كل شئ يعدى .. مر سنتين ... وميمو ربنا رزقها بطفل  اسمه حمزه .. ومنتظره التانى بعد ما اكتشفت انها حامل فى الشهر التالت .. ومحمد منتظر بنوته ومراته فى الشهر السادس
ميمو ومحمد عند امهم ..
صباااح : هاااه الحمد لله نام .. ماله كدا يا ميمو
ميو : اعرفش يا ماما مش مبطل زن لا ليل ولا نهار .. انا تعبانه يا ماما .. خلاص أستويت من الواد وابوه
ابوه هو كمان بقى حمقى وعصبى جننى وربنا
محمد : ههههههه داليا سلوكها ضربت  وبيعمل زى ميمو انا تعبت يا ماما
ميمو : انشف ياااد اوعا تقول كدا  انا بس الا أشتكى .. وانام اووووخ
محمد : اوخ تااانى .. هو مش الاوخ دا الا جابنا ورا يا بت .. احلم يا محمد .. اتنيل يا محمد .. محمد كرش وشعره طار بعد سنتين جواز .. استنى ايه تانى
ميمو : محمد ممكن يكون دا حلم وها افوق منه .. واعيد النظر
محمد بيخبط ايد على ايد : لا نظر ولا بقر .. خلاص ياختى بطنك منفوخه وابنك بيزن جوا وداليا بتزن فى البيت وامك قاعده تضحك عليناااا .. بصى ما اسمعش صوتك طول ما انتى هنااا مش طايقك
صباح : 😂😂😂 زعلانين ..  طيب ليه وعشان ايه .. وبصت لميمو .. كان نفسك فى أمير وياما حلمتى بيه وربنا حقق حلمك
ميمو : لا امير كان مهندس دا مدرس
صباح : عيشتى معاه الا كنتى بتتمنيه  فى يوم او حتى ساعه واحده  والا لاء
ميمو : عيشت
صباح : يبقى حلمك اتحقق .. وربنا جمل حلمك بالعيل الا مطلع عينك .. الا دموعك ما نشفتش بسبب انه تعبان وخايفه عليه .. عشان الدنيا كلها فى عيونك ما تسواش حاجه فى سبيل راحته وانه يبقى بخير .. صح والا غلط
ميمو : صح طبعا مهما اتعصبت او ادايقت بس لو شرق بس .. بحس ان نفسى وقف لحد ما ياخد نفسه من تااانى
صباح : امير زى ما شوفتى معاه ايام وحشه .. شوفتى الحلو والا لاء
ميمو : شوفت منه كل خير بس ما بحبش عصبيته وساعات بيبقى رخم
صباح  : هو دا يا بنتى عدل ربنا .. يوم حلو ويوم مش حلووو .. عشان كدا الرسول الكريم قالك تفائلو بالخير تجدوه .. يعنى طول ما بتتمنى وبتحلمى بالخير ها تلاقى الخير بتتمنى الشر وطول الوقت شايفه الوحش بس وناسيه الحلو ها تلاقى الوحش  وانت نفس الكلام ليك يابنى .. احنا فى نعمه كبيره .. مهما كان زعلك من مراتك لو عايزها تبقى اسعد الناس .. انت ها تحس بالسعاده قبلها ..كبر طموحك وسقف احلامك معاها .. عيشو الحياه بمشاركه ودايمااا خلو فى أمل .. سنين من عمرنا بتمر وتروح وبتتهدر فى الزعل والتفكير فى حياتنا وازاى مش قادرين نحقق .. ليه ما نعيش الا جااى واحنا شايفين طاقه نور تخصنااا .. حلم جميل ومصممين نحققه .. اراده جديده ونحاول مش ها نخسر .. قومو يا ولاد سعد  لبيتكم ورجعوو  كل الحلو من تانى .. مش عارفين حاولو لحد ما تعرفو وافهمو ان الحياه يوم لينا ويوم علينا وزى ما فيها الوحش فيها الحلو وكله فضل ونعمه من رب العالمين طول ما كلنا بخير
ميمو ومحمد ابتسموووو وبيبصلكو : فهمتوووو .. احلامو بالخير واتمنو  لبعض كل الخير  وكل عام وكل دقيقه وثانيه وانتووو بخير وحب وسعاده
💗💗💗💙💚💚
بقلم : لبنى طارق
💗💗💙💙💚💚💚
رايكم على حلقات ميمو ومحمد ما تبخلوووش بيه لحد ما نرجع لبعض تااانى مع روايه جديده ان شاء الله فى رعايه الله وحفظه