Loving the Sky (College Series #3)

Chapter 18

Ako naman ay naka-sweatpants lang at crop top. Nakatali rin ang humahaba ko nang buhok na balak ko na ring pakulayan ng itim.

He smiled sweetly when he saw me. Walang pag-aatubiling lumapit din siya sa akin bago kinuha ang kamay ko at inilagay doon ang paperbag.

"Beef brisket at java rice 'yan... the cookies my mom baked are also there," saad niya, nakatingin pa rin sa paperbag.

Ikinunot ko ang noo at sinimangutan siya. "Busog nga ako. Kulit, eh."

Nag-angat siya ng tingin sa akin at ngumisi na parang may nakakatawa sa sinabi ko. Tinitigan niya ako at bahagyang kinagat ang labi para pigilan ang paglawak ng ngisi pero hindi rin niya iyon napigilan kaya lalo akong napanguso.

"Ubos mo rin naman 'yan mamaya, Reese. Hindi ako naniniwala sa busog-busog na 'yan," pang-aasar niya.

I glared at him. He slightly tilted his head before glancing inside our room. Matapos iyon ay muli niyang ibinalik ang tingin sa akin.

"May klase pa ba kayo?" he asked. "Vacant ko kasi ng tatlong oras... may gusto ka pa bang ipabili? O iutos?"

Hinigpitan ko ang hawak sa pinto sa ginawa niyang seryosong pagtitig sa akin. I felt like I'd melt!

"Mamayang ala una pa ulit ang klase namin at wala naman akong gustong ipabili."

Naramdaman ko ang paglabas ng mga kaklase ko dahil nakaharang ako sa pinto. Tumigil muna kami sa pag-uusap para padaanin sila na mayroong nanunudyong tingin sa akin. Kahit ang mga kaibigan ni Mizuki ay wala nang nagawa nang lumipat ang babae kaya kanya-kanyang pakikisama na ulit na parang walang nangyari.

"Debs, nagchat si Hunter sa 'kin! Bakit daw hindi ka nagre-reply?" sigaw ni Cali mula sa loob ng room.

Sumilip ako para sagutin siya. "Sabihin mo, hindi pa ako nag-o-online!"

"Nagyayayang mag-dinner bukas... my god! Ayaw pang diretsuhin na gusto kang maka-date."

Inirapan ko lang siya at hindi na pinansin. It was not like Hunter and I were something. Madalas lang itong mag-chat at hindi ko naman din regular na nire-replyan dahil nga may asungot na gabi-gabing tumatawag sa akin.

Humarap ulit ako kay Rouge na masama na ang tingin sa akin. I knew this look so much, pero ayoko munang mag-assume hangga't wala pa siyang sinasabi.

I raised my brow. "Bakit ang sama mo makatingin?"

"'Wag ka nang mag-online. Ako ang ka-date mo bukas, ah?" Ngumuso siya. "Sinabi ko na d'yan kay Hunter na tigilan ka! 'Wag mo nang replyan 'yan."

I crossed my arms and looked at his frowning face. Kahit magkasalubong ang kilay ay para pa rin siyang modelo. His pinkish lips were protruding, parang humihingi ng halik.

"Ano naman ngayon kung replyan at i-entertain ko? Single naman ako. Single din siya."

Lalong lumalim ang kunot sa noo niya.

"Si Reese naman..." parang batang saad niya. "'Wag na kasi. Ako nga ang nandito, eh..."

Inabot niya ang isang kamay ko at hinawakan 'yon nang mahigpit. Hindi pa siya nakuntento at sumandal siya sa gilid ng pintuan para mapalapit sa akin nang husto.

Agad akong napalayo sa kanya pero dahil hawak niya ang kamay ko ay hindi ako nag-tagumpay sa plano.

"Pupunta ako bukas sa party sa villa. Anong kulay ng damit ang isusuot mo?"

Pilit kong tinanggal ang kamay niya sa akin pero hinigpitan niya lang lalo ang hawak do'n.

"Why are you asking? Wala namang color coding!" I hissed.