سنيسفيورم

حلقة 1

طلع اسامة و نزل الدروج
كان ديما لما يروح يهدرز معا ماما وبعدين يتعشاء معانا و يرقد وينوض للخدمة وهكي روتينه

الاء: آية توا تحطك ف راسها
ملاذ:بدير حاجة نقول لخوي
الاء: خوك ياسر حاصل فينا انتي كنتى صغيرة متعرفيش ومتتفكريش كيف تعب وقدر يساعدنا وتوا بدل ما يلقا الراحة نديروله فمشاكل فالحوش
ملاذ: قالي تصير حاجة قوليلي
الاء:غبية انتي متفهميش مهم كانت قتلك حاجة آية قوليلي اني مش ناقصة مشاكل وخوك كان تعفلق ممكن حتا ياخد تلفوناتكم تقعدو هكي

خشت الاء لدارها و شافت : مفهمتش ملاذ مدلعة طالعه لمن
ابرار:هههههههه طالعتلك
الاء: اني مدلعة !
ابرار: شن دارت ؟
الاء:حرشت في آية ل اسامة
ابرار: نعممم شن صار ! اسامة شن دار
الاء: قال لو تلعبي  في الليل نمسحها منك ودوشة معاش فيه
ابرار: آية مردتش ولا لسانها محدش سالم منه
الاء: لا وين تعرف انه متقدرش ترد علي اسامة
ابرار: توا اسامة ناقص مشاكل صغار توا نكلمها ملاذ معاش تقول شئ نحلو احنى المشكلة مش ناقصه مشاكل اسامة
الاء: قتلها مسكرة راسها ...شافت لساعة... عطلت بلقيس ولا
ابرار:جاية ؟!
الاء: ايه بنقرو معا بعض وبتقعد عندنا
ابرار:خسارة كان قلتي كلمت اسامة يجيب حاجات من الغداية ونفتحو موفي ( فيلم)
الاء:بنقرو مش نهدرزو
ابرار: فهمت خلاص اصلا آية الوحيدة فيها جو فالحوش هاده
الاء..رفعت تلفونها ..و اتصلت ببلقيس

بلقيس: نعم لولي
الاء: وينك عطلتي
بلقيس: قريب نوصل خلاص تبو حاجة ع طريقي !
الاء: لالا تعالي بس
بلقيس: تمام اسامة روح !
الاء:ايه روح بكرى اليوم
بلقيس..ابتسمت: تمام خمس دقائق وافتحيلي
الاء: تمام هي

سكرت المكالمة
ونزلت تجري

فتحت باب الحوش وطلعت للجنان وقعدت واقفة جنب باب الحديد ( الخارجي)

اسامة..طلع وراءها: شن اديري برا صقع
الاء: نستنا ف بلقيس قريب توصل
اسامة: صقع خشى لما توصل اطلعي
الاء: مش صقع لالا
اسامة: تعرفي تمرضي نوريك اهو قتلك اني
الاء...ابتسمت:حاضر بابا حاضر
اسامة: لا حول الله و خلاص

خش اسامة وقعمز ف وسط الحوش وقعمزت جنبه امه

تهاني: شن قلت يا وليدي
اسامة: مش قتلك ديري الي يعجبك فالمطبخ مبكرى
تهاني: اني نعرفك ديما تقول ديري الي يعجبك وفراسك ادير فيه ومتعدلش علي حد نبي رايك حقا
اسامة: تبي رائي حقا مش فاضي بيها دوة الزواج توا ولا علي بالي نزوجهم ( يقصد خواته) بعدها ساهل
تهاني: حي عليا حي !بتزوجهم الستة بعدين بتتزوج قصدك
اسامة: ايه يا امي هاده رائي و هاده تفكيري
تهاني: ملاذ تقراء اعدادي مزال مش تكبر وتكمل قراية و آية ثانوي كيف هكي بتكبر ومش حنقدر نشوف صغارك
اسامة: والله يا امي ما نقدر لن نستريح عليهم
تهاني: والله نغضب عليك علاش متبيش تتزوج وتوقف علي راسهم مش حتمشي بعيد علينا
اسامة: كيف مش حنمشي بعيد عليكم بنقعد ف حوش بروحي واضح ومش حنقد نخليكم بروحكم اني لما نطلع الصبح بالي عندكم حد يخشلكم ولا حاجة كلكم بنات
تهاني: مش حتمشي بعيد علينا ولا حاجة الحوش كبير ماشاء الله سكنها معانا اهنى فالحوش
اسامة:ههههههه من هيا الي ترضا بدار ومعاها ستة بنات توا تقول بيقددوني ويخلوني اضم وبيفتح عليا صداع راس معنديش ليه جهد بكل
تهاني: فيه بنت فبالي وتسكن معانا وترضى ومش حديرلك صداع بالعكس حتقعد صاحبه خواتك