سنيسفيورم

حلقة 1

تهاني( امهم ) ..تقشر ف تفاح وتمد ل اسامة : شن قلت يا وليدي
اسامة..خدا التفاحة من يد امه : ديري الي يعجبك اني مش فاضي بيها الدوة هادي
ملاذ..خشت المطبخ: ماما كلمي آية والله نضربها ياسر ساكتة من بكرى ليها ساعتين تدوى فوق راسي
تهاني: شن تضربي اختك هاده ما ناقص
ملاذ..شافت ل اسامة وحضناته : امتا روحت
اسامة..ابتسم:كيف خشيت ليا عشرة دقائق ممكن
ملاذ..وخرت وشافت ل اسامة: كلمها انتا تسمع ف كلامك والله راسي صداع منها
اسامة..حط التفاحة من ايده ع الصونية : حاضر تعالي معاي
تهاني:ارتحتي توا حتا التفاحة مكملهاش الولد تعبان من الصبح ولما بيرتاح اديرو ف دوشة ويحل ف مشاكلكم
اسامة:خلاص يا امي صغار قاعدين واصلا قداش ليا ساكت علي دوشة آية حتا ف ليل نسمع ف صوتها تتكلم هيا وصاحبتها
تهاني: لا حول الله وخلاص!

اسامة ركب الدروج وجنبه ملاذ

تقوى نازلة من الدروج : شن جو الخدمة اليوم
اسامة: باهي السوق نازل اليوم غدوا ساهل
تقوى: كم نزل هلبا
اسامة: لا شوية
تقوى:حطتلك ماما الغداء درته فالكوشة ؟!
اسامة: لا قتلها حطيه معا العشاء بناكل معاكم مرة وحدة

نزلت تقوى و اسامة مشى
لدار آية وخش

ملاذ واقفه وراءه

آية كانت تلعب ومش لاهية

اسامة واقف ف مكانه وساكت ويشوف ل آية
ملاذ: نكلمها !
اسامة: اسكتي وشوفي
ملاذ..تشوف وساكته اسامة واقف ف مكانه يستنا ف آية تنتبه ليه هوا واقف

ممكن خمس دقائق مش رفعت راسها اول ما شافت اسامة طول حولت السماعات وحطت تلفونها ع جنب ووقفت وشافت لملاذ عرفت هيا مكلماته..ابتسمت ل اسامة:روحت امتا جيت ؟

اسامة: ملياش هلبا هاتي تلفونك
آية:خيره تلفوني ؟! شن بدير بيه
اسامة: آية متعبنيش هاتى التلفون
مدت تلفون ل اسامة وساكته
اسامة..داره ع وجهه آية مش ينفتح ونفتح
آية: شن بدير بيه !

الاء..خشت الدار عرفت فيه حاجة : شن في
اسامة: اسكتي انتي
الاء...سكتت طول
اسامة: شوفي ببجي اني مش عاجبني لعبك بيها تمام لاني زابط الجو فيها لكن انتي صغيرة تقرى ثانوي وتلعبي معا صاحباتك عارفك منبيش نحرمك ونخلي صاحباتك يلعبو وانتي مش قادرة تلعبي معاهم ف توا لو تلعبي معاهم واحد صوتك اول يكون واطئ اثنين تلعبي معاهم فالنهار نوضى الصبح ساعدي امك و خواتك بعدين العبي براحتك محدش يكلمك ولما اني نروح العبي لكن وقت النوم خلاص ممنوع لعب لو تلعبي صوتك منسمعاش فاهمة! متخلينيش نمسحها و انزعلك
آية: حاضر
اسامة..مد تلفون ليها ..وحط يده ع راسها : حضرلك الخير ان شاء الله امشى العبي ف داري كان بتلعبي اختك راسها صداع و امتحاناتها قريب خليها ترتاح

آية خدت التلفون و طلعت

الاء..شافت لملاذ: علاش تقولي ل اسامة كلمتيني اني كلمتها
اسامة..فنص ف الاء: خيرك شن فيه علاش تكلمي فيها ! وكان قتلى
الاء: مش هكي قصدي لا يعني مش ناقصك مشاكل وهم ساد حاصل فينا بتحل مشاكلنا
ملاذ..مطبسة راسها وساكته
اسامة..خدا ملاذ ف حضنه: مفيش مشكلة اهم منكم وهادي صغيرة حوشنا ( يقصد ملاذ) وتوا شهادة اعدادية نبوها ترتاح مش تركز ف قرايتها وبالنسبة ل آية قداش بيا نبي نكلمها بس محصلتش فرصة ولما تصير حاجة تعاليلي