براءة أحيت صقر جارح

الفصل الثالث عشر"💥بداية الخطه💥"

في شركه الجارحي
دخل ياسين الي مكتب أدهم ( أدهم بيشتغل في شركه الجوهري ساعات و ساعات شركه والده)
جلس ياسين أمام أدهم بعصبية فنظر له بإستغراب و تساؤل وقال:-
مالك كدا مش طايق نفسك ليه؟!
ياسين بعصبية:-
منك و من أخواتك و العيله كلها

نظر له أدهم بعدم فهم و قال:-
انت عبيط يا ياسين و الا براءة عديتك افهم بس

ياسين بعصبية أكثر:-
يا أخي كان يوم اسود يوم ما كانت بنت عمي و يوم استعانت بيها في حاجه

أدهم بنفاذ صبر:-
ولا لو مش هتتكلم و تقول في ايه قوم اطلع بره يالا

نظر له ياسين بغيظ و لكن ماذا يفعل فهو من سيساعده فقال بتوسل:-
يارب يا أدهم يا ابن خالي تتجوز قولي طريقه عشان اعرف مي بتحبني زي ما انا بحبها و الا لا و بلاش تقول زي المتخلفه اختك

أدهم بتساؤل:-
و قالتلك ايه بقي المتخلفه اختي؟!

ياسين بغيظ:- متفكرنيش قال ايه قرب منها يا ياسين شوف بتأثر عليها و الا لا.......اعمل يا ياسين و اتنيل يا ياسين و ياسين اتنيل و عمل و البت شكلها تفشت و مش هتيجي تاني بسبب اختك ...أكمل بتوسل:-
شوفلي حل ابوس رأسك

انفجر أدهم في الضحك بشده

نظر له ياسين بغيظ وقال:-
هو أنا قولت نكته عشان تضحك اوي كدا

أدهم بضحك:-
اه قولت...هههههه...بقي حد في الدنيا يستعين ببراءة... ههههههههههههه.....عيني عليك لما تبهدلك الايام... هههههه
و بعدين انت حالتك صعبه اوي... ههههههههههههه

تنهد ياسين قال بحب:-
فعلا حالتي صعبة اوي بحبها اوي يا أدهم من اول يوم جايت الشركة و انا مش قادر افكر غير فيها و مبعرفيش اشتغل لو مش موجوده بحبها و انتهي الأمر لا أنا بعشقها يا أدهم

ابتسم أدهم بسعاده فأخيرا وجد أحد اخواته الحب و السعاده نعم فأدهم يعتبر ياسين اخوه فقرر مساعدته ففكر قليلا في حل ثم قال بإبتسامة خبيثه:-
و انا عندي الحل يا ياسو

ياسين بلهفه:-
الحقني بيها بسرعه

أدهم بخبث:-
براءة.........................

####################

ابتسمت براءة بإعجاب و هي تراقب كل حركة يفعلها صقر ؛ فاقت من شرودها علي صوته و هو يقول لها بخبث:-
أنا أول مرة أعرف أني حلو اوي كدا و يتسرح في ملامحي

أزحت براءة انظارها عنه و ضغطت على شفتيها بإحراج و خجل

ابتسم صقر علي خجلها الذي يكتشفه لاول مره فهو كما يعرف انها ذات شخصية قوية و شرسه و رأي ذلك بعينيه عندما كسرت ذراع رامي و ضربت أصدقائه الذين حاولوا التقرب منها فكما هي شرسه قطته و مع ذلك لديها براءة كإسمها تماما فهو يليق جدا بها قويه من الخارج و لكن لديها براءة و طفوله طفل صغير.......