عافني وراح للمراية يمشط بشعرة
دارين :- بدلتك وين
ناصر :- وديتها لامي تكويها
دارين :- هاا
ناصر :- اكو شي
دارين :- ليش مخليتني اني اكويها
ناصر :- كلما أگلج تتحججين ومتكوينها
سكتت ما رديت لان كلامة صح
ناصر :- امشي جيبي الملابس هسه كوتهن امي
دارين :- اريد انام
ناصر :- هز راسه باسى وگال... ها شفتي
دارين :- شوون ما انام
ناصر :- نامي نوم العافية
دارين :- شوكت ترجع؟
ناصر :- ليش
دارين :- هيج روح
خلة وطلع بقيت صافنة ع السگف وفكرة
تاخذني لوين وفكرة ترجعني... بقيت اتگلب
اكره احساس الشعور بالذنب الي بداخلي تجاه
ناصر ... بس هو الورط روحة بية يعني اني
حقي بكل الأسوي يرد عليه صوت بداخلي
يگلي الدتسوينة غباء وتراهات وضلم...
من تقربلي ما اعرف شصارلي بس ما لگيت
روحي غير انطق هالكلام ما انكر كأنثى
بالبدايه نجذبت اله وتحركت مشاعري
بس ما گدرت مو بيدي لا مقتنعه ولا التردد
يفارقني....!!
طفوف.... گاعدة اشتغل ومثل كل يوم
نفس المنوال مهران بالديوان ويمة خطار
ومن يجونة خطار اقرة عليه السلام
يبقون ساعات طويلة... مرات انقهر عليه
ما الة وقت يرتاح من الشغل للديوان
فصل فاتحة عرس طلايب ومرات خطية
يبقى بالبيت يرتاح ميطلع يخبصونة
بالاتصالات ويطلعونة من راحتة...
واگفة اغسل الاستكاين وادردم
هسه ذول شعدهم جايين والله بصراحة
اني اغار شنو هاي ممحصلة منه شي
ويا بالبيت واشوفة ساعه ساعتين باليوم
ومرات بس بليل يرجع تعبان سودة عليه
وينام بسرعة....!!
سهاد وعمتي وجنان الكل يتغيير الا هنا
سهاد غير عبالي ح تجوز مني ونكسرت
ع موتت زوجها بس هي ابد زادت منقصت
كل حرگة كلبها تطلعها بيه تزيد متنقص حقارة
ومستغلة وضع مهران دائما خارج البيت
فالكل يتلذذ بضعفي ويتمتع بهضيمتي
ويتراقص ع جروحي...!!
ما أگول واكتم اكول خليني ساترة ع نفسي
سهاد اكثر وحده ترهبني اخاف لو حچيت
اتندم وخصوصا بكل مرة تحذرني لو وصلت
كلام لمهران راح تندمني واني والله اخاف
فأسكت.....
خواتي بس ع الموبايل احجي وياهن
اتمنى نرجع نجتمع مثل قبل من اتذكر
هذيج ايامنا ابتسم ع ذكراهن .... بس
ع الاقل دارين يم بيت عمي مطمئنة عليها
وامنية يم بيت عمي... اهلي ابد موصلتلهم
بس اتفقنا يوم اروح ودارين هم تجي
حتىٰ نتشاوف...
كملت المواعين وبقيت اتأفأف هسه
غير يجي خطار خطار خطار شغل شغل
كولشي ممفتهمة منة والله اشتاقلة
وكلبي يعطش عليه وعيوني تتلهف
لشوفتة التكحل عيوني ... وتنعش
كلبي
صعدت فوگ سمعت صوت بجي من غرفة
سهاد والله خطية اني انقهر عليها بس هم
اني مالي ذنب ليش تذب حركة گلبها بية
تنهدت بأسى
YOU ARE READING
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
بارت 27
Start from the beginning
