ချစ်ခြင်းသက်​သေ ဉာဏ်ကလိမ် | ခ်စ္ျခင္းသက္ေသ ဉာဏ္ကလိမ္

Part-9

"အဲဒါ​​ပြောတာ​ပေါ့ ဦး​လေးရ...မဖြစ်စဖူးမို့ အကြီးအကျယ်ပဲ...ကျွန်​တော်​တောင် ကြားထဲကဆွဲမနိုင်ဘူး"

"အင်း...ဒီ​ကောင်ကြီး ​ဇေမူးတာများလား"

"မသိဘူးဦး​လေးရ..အဲဒါ​ကြောင့်ကူညီပါဦး...အခု​တော့ အ​မေကစိတ်ဆိုးပြီး အ​ပေါ်ထပ်မှာ သူက​အိမ်​ရှေ့တင်ထိုင်​​နေတာ...အခုချိန် သူ့ကိုနားချဖို့ဆို လက်ခံမှာမဟုတ်ဘူးဗျ...အဲ​တော့ အရင်ဆုံးလက်ဖက်ရည်ဆိုင် ​ခေါ်သွား​ပြီး ဟို​ရောက်မှ ​ပြောကြည့်ပါလားဗျာ...​တောင်းဆိုပါတယ်"

"​အေး​အေး ခဏ​နေလာ​ခေါ်လိုက်မယ်...သား​လည်း စိတ်​အေး​အေးထား...မင်းအ​မေကိုလည်း ​ချော့လိုက်ဦး ကြားလား"

"ဟုတ်ကဲ့ခင်ဗျ...​ကျေးဇူးပဲ​နော်"

ဦးစိန်တင့်​တော့ အားနာ​ပေမဲ့ အဲလို အဲလို မုသာဝါဒ​လေး အနည်းငယ်ကျူးလွန်ပြီးတဲ့​နောက် အိမ်ကို မသိမသာပြန်လာပြီး အခန်းထဲပုန်း​နေလိုက်တယ်။ ခဏ​နေ​တော့ တကယ်ပဲ ဦးစိန်တင့်ကြီး​ရောက်ချလာ​ရော။ ဘာမ​ပြောညာမ​ပြောမို့ ဦးလှ​ဆွေလည်းပါသွား​​ရော။ အ​မေက​တော့ ပဌာန်းရွတ်ပြီးလို့ ပုတီးစိပ်​နေပြီထင်ရဲ့။ ဆို​တော့ ​အေး​​အေး​ဆေး​ဆေးပဲ ​ခေါင်းရင်းကြား​ရေမီတာပုံးကို သွားဖွင့်လိုက်တယ်။

ထင်တဲ့အတိုင်းပါပဲဗျာ။ ဘလက်​လေဘယ်​နော် တစ်ပုလင်းထဲ​တောင်မဟုတ်ဘူး။ နှစ်ပုလင်း...အိုက်ယား..ပွတာပဲ။ အခန်းထဲယူခဲ့ပြီး ဘီရို​သော့ကိုဖွင့် ပုလင်း​တွေပစ်ထည့် ဗီရိုကိုပိတ် ​သော့ပြန်ခတ် ​သော့ကိုပြန်ဖွက်။ ဒင်းပြန်ရှာ​မတွေ့နိုင်​စေရဘူး ဟဲဟဲ။ ပြီး​တော့ ​​စောင်ခြုံပြီး အိပ်ချင်​ယောင်​ပဲ​ဆောင်လိုက်တယ်။ အင်း အိပ်ချင်​ယောင်​ဆောင်တာထက် ဖက်လုံးကြီးကို ဖက်ပြီး ​သော်ကြီးနဲ့စိတ်ကူးယဉ်​နေတယ်ဆိုမမှားဘူး။

ည၉နာရီ​လောက်​နေ​တော့ အ​ရှေ့မှာ ပွစိပွစိအသံ​တွေကြား​ရော။ ထင်ပါတယ်။ အဲလိုပဲဖြစ်​တော့မှာ​လေ။

​ဒေါက် ​ဒေါက်...

"သား​ရေ...သား...အိပ်​နေပြီလား...ခဏ​လောက်ထွက်ခဲ့ပါဦး"