صعيدية في محنة

الحلقة السادسة

#صعيدية_في_محنة
ح السادسة

دخل اخو صفية مخضوض وبيتنفس بصعوبة من صدمته اول ماعرف ولما سألوه ايه اللي حصل رد بصوت واطي :
جعفر أتجوز ..!
كيدة .. ي مري كي يعمل أكده ومرته حبله دا بدل مايجي يصالحها

سناء .. لوت بوقها وسكتت فهمت أن قعدت صفية مطوله
فضل .. انا عرفت بالصدفة أصله اتجوز مطلقه من عيلة أبو فهيم والموضوع تم بسرعة
كيدة .. شالله مايوعي يفرح لا هو ولا أمه زي ماكسروا بتي وهدموا فرحتها
فضل .. فين صفية ؟
كيدة .. جوا في اوضتها
فضل .. لازم تعرف عشان تشوف هتعمل ايه
كيدة ... هتعمل ايه في ايه ؟ مافيش عمل بعد اللي حصل هو كدا باع خلاص
سناء بصوت عالي : لا بلاش ي اخويا مش لازم صفية تعرف دي حبله والاخبار الوحشه غلط عليها
فتحت صفية وعيونها قوية أو بتتظاهر بالقوة قدام أهلها .. خير خايفه عليا من ايه ي مرت اخوي
فضل .. جعفر أتجوز
صفية .. يالهووي ي خراب بيتك ي صفية
قعدت علي الارض وفضلت تعيط بحرقه .. ليه كدا يامه ..؟
والله ماعملت حاجة انا بتعذب علي ايه بس ياربي
حسبي الله ونعم الوكيل فيك ي جعفر ي ابن خضرة
كيدة .. قومي الأرض ساقعة عليكي هتموتي هتضري نفسك لعله خير وانتي ماتدريش
بصت صفية لهم ودخلت اوضتها وهي حاطه أيدها علي بطنها ..

انت اللي طلعت بيك من الجوازة دي ، سندي اللي هيخاف عليا من غدر الناس وظلمهم
صح انت اللي هتبقي حنين عليا وتعوضني عن القسوة دي
نامت ليلتها وكأنها نايمة في بركة مية كل شويه تتقلب في سريرها وجسمها بردان ، بتترعش وحزينه ضهرها بيوجعها من الحمل وتكوين الجنين " الست لما بتكون حامل بتكون في أضعف حالاتها بتحتاج حب واهتمام ونضافة واكل وكل دا طبعا من اللي حواليها هي كفاية عليها شايله الطفل ف بطنها وبيتغذي منها لكن مين يفهم ومين يحس "
ربنا موجود
كيدة قعدة مع فضل شوية بعد ماسناء مشيت قالت وهي محتاره :
هنعمل ايه ي ولدي
فضل بقرف .. اسألي بتك قوليلها عملت ايه وليه أهل جوزها زعتوها أكده
كيدة .. مافيش كلمة تستاهل هما اللي ناس متكبره ومفتريه من بكره هروح افرج عليهم الناس
فضل دخن سيجارة ونفخ في الهوا .. لا مافيش مرواح هناك بلاش لتقابلي العروسة الجديدة وتشوفيها وهي صاحيه من شقة بتك
كيدة .. وه كمان علي عفش صفية
فضل . ايوا

كيدة .. لازم تتصرف وتجيب حق اختك
فضل خد نفس تاني من السيجارة وقال بشويش : قومي نامي ي ام فضل انا عارف هعمل ايه ؟
كيدة .. هتعمل ايه
فضل .. مش دلوك
قامت بالعافية ومشيت لاوضتها ،، يارب هون علينا الحمل زاد والهم كتر
تأليف أماني عنان
فضل رمي السيجارة وداس عليها بشبشبه وهو بينفخ ومتغاظ قال .. والله لاحرق قلبك ي جعفر الكلب
_________ #أماني_عنان
في شقة صفية دخل جعفر شايل العروسة بين أيده وهي ماسكه في رقبته وبتضحك :
العروسة ... نزلني قبل ماتوقعني
جعفر بهزار .. ليه هي سوسن اللي شيلاكي
امينه .. هههههه له راجل وسيد الرجالة كمان
جعفر .. ايوا أكده لازم تثقي فيا وف قدراتي
امينه .. صوح انت جيبت عربية واحده بس ليه وانت جاي تاخدني