حگايہہ فاطمہہ
الحلقہہ_3_
الغربه حارة
عفاف .. ي فاطمه شيلي ولد امنه مسافه م تتحنن
فاطمه .. والله ي امي م قادرة
امنه.. م قادرة كيف يعني عندك شنو ي فاطمه وعندك ياتو مسؤليه وبعمل ليك شنو لو مسكتي لي ولدي انا اصغر منك قادرة امسكو انتي الاكبر مني بقلبك تمسكيهو ساعتين بس
فاطمه .. احترمي روحك ي امنه وانا م مجبورة امسك ليكم شفعكم
امنه .. انتي وحدة حاقدة بس ونفسياتك العاملها ليك محمد دي م تتفشيها فينا
فاطمه .. نفسيات ؟؟
امنه .. 😂😂😂 ااي نفسيات ي بيبي كان جادعك ال7 سنوات دي وغير بالصور شكلك كيف ما عارف
فاطمه .. هو م جادعني بس عايز امن لي مستقبلي 😔
امنه .. 😂😂 ي بت المستقبل عيال هدي انا الاتزوجت بعدك عندي 3 والرابع في الدرب اقعدي انتي محرومه من اي شي ولي اسي عاقدين عليك
فاطمه دخلت غرفتها وقفلت الباب عليها وقعدت تبكي بالجد اختها كلامها حقيقه محمد لو عايزها م كان خلاها وفي عز بكاها تلفونها اتصل لقتو محمد قفلت ليهو المكالمه تاني اتصل تاني قفلت لما اتصل بيها 5 مكالمات طوالي ردت
فاطمه .. في شنو ي محمد
محمد .. مالو الحلو زعلان
فاطمه .. طلقني ي محمد
محمد .. مستحيل
فاطمه .. 😭😭😭 حرام عليك ي محمد وقت م عايزني ماسكني ليه
محمد .. امنه موش
فاطمه ....
محمد .. ياها يعني ..اه يا فاطمه والله ي فطومه الغربه حارة انا م عايز ارجع تاني وفي نفس الوقت م عايزة احرمك من شي البلد دي م فيها زول قادر اوفر لي ناس بيتو العيشه البتمنوها .. متطلبات حياه ي الله فما بالك بالكماليات ... اعفي لي ي فطومه اعفي لي ٧ سنوات وانا بعيد عندك والاتزوجو بعدك بقو بي اولادهم 😔 معليش ضيعت ليك عمرك معاي بس ي فاطمه انا والله قلبي معلق فيك .. والله م بقدر اتخلا عنك ي ست البنات .. وعارف نفسي ظالمك بس ماف شي بي يدي ي تستهم انا والله ي فاطمه والله 7 سنوات م اخدت لي عطلة انا ي فاطمه يوم الجمعه شغال انا ي فاطمه والله تعبان م مرتاح من غيرك وعشان منو والله عشانك وعشان اولادنا والله تعبي معاناتي دي كلها عشانك بس خلاص هانت ي ستهم الجاي اهون من الراح
فاطمه .. انا ي محمد تعبت والله .. والله تعبت انت م مقصر فيني لكن ي محمد لمن اشوف اختي الاصغر مني بقت ام وراجلها قدامها وبتجي البيت زي الضيفه واهلي شايلنها في راسهم والله بغير ي محمد لما اشوفها بتتحنن والله بغير لما اشوف اولادها جنبها والله بغير .. بغير ي محمد من بت امي وابوي 😭😭😭
محمد .. اعفي لي ي ستهم اعفي لي
فاطمه .. عافيه ليك ي سيد الرجال في حدهم واعفي لي انت انا والله حاسه بيك وعارفه نفسي بضغط عليك بدل م اسندك بس اعمل شنو زهجتي بفشها فيك
محمد .. رضيان وقبلان حبي انا بس ي الغاليه تاني م تقفلي التلفون ولو بتبكي افتحي الخط و فضفضي لي
فاطمه .. من عيوني ي سيدهم 😘
محمد .. اها كيف ماشه مع القرايه
فاطمه .. والله ي محمد القرايه دي طلعت عيني زاتو
محمد.. 😂😂 اصل القرايه حارة ..ياداب عرفت عيزاني ارجع ليه عشان توقفي ماف ليك ي عثل كان جيت تتمي قرايتك زي الما حاصل حاجه
فاطمه 😂😂😂😂 ياخ ي محمد م عشان كدة
STAI LEGGENDO
حكايه فاطمه
Storie d'amoreقصہہ سودانيہہ تتحدث عن زواج القاصرات و استبداد المطلقات والعانسات وتنمر عليهم و عدم الرقبه في انجاب البنات
