حگایہہ فاطمہہ
الحلقہہ_1_
ابو البنات
أبو البنات شايل على كتفة حسنات...❤
كلمتك ي عفاف لو جبتي بت حأعرس فيك زي م عرست في القبلك
عفاف .. بس ي علي انا في يدي شنو انا زاتي نفسي في الوليد بس م بي يدي
على.. بي يدك م بي يدك انا م بتحمل ليك ٧ بنات عرستك عشان تجيبي الولد وجيتي رصيتيهم لي ٧ بنات
عفاف .. حرام عليك ي علي
...فشنو مالكم هايجين وصوتكم عالي ي اولادي
عفاف ... خالتي سكينه على قال لو م جبت الولد حأعرس فوق علي
سكينه .. هي ي ولدي دي المرة التالته اصبر عليها ي ولدي ولو الولد من نصيبك بجيك
على .. ي حاجه دي حياتي وانا حر فيها ان شاء الله اعرس عشرة
طلع علي وخلا عفاف مع نسيبتها سكينه
سكينه .. م تبكي ي بتي م تبكي علي بقا جد ولسه حركاتو م بخليها ي بتي م تشتغلي بيهو وانتي اسي حامل ي بتي وفي اوخر ايام ليك في الحمل م تتوتري اقوم احصل لي جناك شي
عفاف .. احيييي يا خالتي انا عفاف بت السرة الما عندها وجيع ولا زولا تنسند علي احييي ي خالتي احي لو عارفه البي والعلي الله ارزقني الوليد وارتاح من الهم دا
سكينه .. كلمتك ي بتي وقلت ليك امشي قابلي ليك دكتور العلم ماشي في تطور ونوع جنينك شنو بعرفوهو ليك بس انتي مابيه اسي كان اطمنتي وريحيتي قليبك من الهم
عفاف .. بري خالتي اخير لي كدة اسي لو طلع بت على دا بعرس فوق علي
سكينه .. الله اهديهو ي بتي
عفاف .. خااااااالتي
سكينه .. بسم الله مالك ي عفاف ي بتي
عفاف .. بطني بطني ي خالتي واجعاني شدييييد واااي الحقيني بدور الد ي خالتي وااااااي
سكينه .. لا حولا ولا قوة الا بالله اتصبري ي بتي
سميه ي بت ي سميه
سميه .. نعم حبوبه
سكينه .. اجري لي سعديه بت التوم قولي ليها عفاف مرت على بتلد تجي تلحقها سريييع
...........
علي ... اها يا حاجه لسه م انحلت
سكينه .. بري ي ولدي هديك تتلوى من الوجع والجنين مابي اطلع
على .. لا حولا نمشي بيها مستشفى ولا كيف
سكينه .. بري مستشفى شنو ي ولد والله لو وديتها المستشفى غير اقيصروها م بعملو شي .. بس نصبر ي ولدي
......يا سكينه يا سكينه عفاف قاعدة تلد
شويه كدة وسمعو صوت الطفل
سكينه جرت لي سعديه
سكينه .. جابت شنو ي سعديه
سعديه .. جابت ليها بنيه بس لسه في طفل جوا بطنها ي سكينه .. طلع طلع ي سكينه مبروك ولد مبروك
سكينه فكت الزغروته... علي ي ولدي عفاف جابت ليك الولد عفاف جابت ليك الولد
على .. الحمد لله الحمد لله
سكينه .. وجابت ليها بنيه كمان
على .. م مهم ي حاجه المهم الولد جا بناتي جاهم السند
دخل على عفاف
علي .. الف الف مبروك ي عفاف واعفي لي لاني زعلتك
عفاف كانت تعبانه وما قادرة تتكلم
عفاف... جب...بت ش ... شنو ي علي
علي.. جبت الوليد
عفاف .. الحمد لله
على .. وجبتي معاهو البت
عفاف .. جبت توأم يعني
على .. اي
عفاف .. وينا البت
على .. والله م عارفها ي عفاف ولا شفتها اصلا
عفاف .. 😔 م فرحان بيها ي على
على .. دقت البنات ي عفاف بس دا اول ولد وطعمو مختلف
عفاف 😔😔
على .. عايز اسميهو محمد
عفاف . خير الاسماء م حمد وعبد
على .. والبت..
عفاف .. فاطمه ي على سميها فاطمه
على .. فاطمه ومحمد
جات سكينه ادت عفاف البت
سكينه .. دي البنيه ي عفاف
عفاف .. حلاتها م شاء الله فطومه
YOU ARE READING
حكايه فاطمه
Romanceقصہہ سودانيہہ تتحدث عن زواج القاصرات و استبداد المطلقات والعانسات وتنمر عليهم و عدم الرقبه في انجاب البنات
