حگايہہ فاطمہہ
الحلقہہ_8_
#_الحلقہہ_القبل_الاخيرة🔥
حصل ليهو شنو 💔
ربے احفظ لے روحاً أخاف عليہہ اگثر من نفسے واخشے عليہہ من ضرر يمسہہ وهم يتعب قلبہہ ۔۔ اللہم انے استودعتگ إياه ف احفظہہ لے ..❤🍃
بعد ما وصلت فاطمه رجعت البيت فتحت لي نادين حضنتني .. البت دي عسل والله وكل ما اشوف حركاتها قلبي بوجعني على فاطمه الاصغر منها بي 5 شهور وبقت وبقت مسؤله قبل 7 سنوات دخلت لقيت سامي والعروس عسولة ما شاء الله سلمت عليهم واتعرفت عليها ياخ حلوين شدييد ياخ دخلو لي العرس في نفسي 😂😂
انتصار.. لقيت فطومه كيف
سامي .. ست الحبايب بقت بتغير 😂😂😂
انتصار .. ي ولد اتلمى اغير من شنو بالعكس والله لما امشي لي فاطمه ولا اعمل شي ابسطها انا بفرح شديد لانو فاطمه بقت لي بت قبل م تكون مرت ولد من طفولتها معاي وبمشي ليها وبتجيني بت السرور ي يمه الطيبانه القلبه زي اللبن ست البنات في حدهم .. حظو البلقا مرة زي فاطمه العينه ملانه ال7 سنين صبرت لا كلت لا ملت وغير الكلمه الحلوة م بتقول الما اغلطو عليها م بترد .. ادب واحترام واخلاق جمال .. الزيها منو فاطمه زي م بتقول امي شعر وقعر 😏
امنيه .. م خليتي ليها حاجه
انتصار .. لو مهما قلت وشكرت بقصر في حقها
رؤى .. والله انا شاهدة عليها بت اصول ما شاء الله وما فيها كلمه هنيالك ي محمد
انتصار.. وانت زاتك مافيك كلمه ما شاء الله اولادي كلهم نسوانهم صلاة النبي عليهم
هاله .. تسلمي خالتو 😘
رؤى .. تيلمي ي خالتي
نادين .. اولادك كلهم نسوانهم م شاء الله بس في زول هنا ناوي اجيب ليك الهم لقايت عندك (وعاينت لي ابراهيم)
ابراهيم .. بديك كف والله اي شي ولا اسمهان
نادين .. غايتو .. مستوا Under the shoeth
محمد .. عيب ي نادين البت بت عمك
نادين .. بكرها
وجدان .. والعجب مرتك ي محمد
طبعا لمن قالت مرتك اححيي قلبي قال شح 😂😂 زول مستجد وكدة .. استأذنت منهم و طلعت غرفتي واتصلت بي فاطمه
محمد .. الوو
فاطمه .. اهلين كيفك يا ايها السوداني
محمد .. وكنت شنو
فاطمه .. سعودي
محمد 😂😂😂😂😂
فاطمه .. تدوم الضحكه
محمد .. بوجودك جنبي
فاطمه .. اها الجو معاك كيف
محمد .. والله جو كدة خرافي ي فاطمه امي واخواني واللمه ياخ حلوة شدييييد
فاطمه .. حاسي بيها خيال خيال موش
محمد .. اااي والله .. بالمناسبه انا حأسد المال بعد اسبوع وبجيب الشيله مرة وحدة و بعد 15 يوم الدخله
فاطمه .. هي هي انت جنيت 15 يوم وين انا لازم انحبس وافتح لوني واتظبط ي محمد ولا شنو ي عني عايز تطلع براك سمح ولا شنو
محمد .. استني استني تفتحي لونك بتاع حبوبتك قال افتح اللون الا على جثتي ي فاطمه
فاطمه .. ليه اشمعنا انت تكون لونك حليبي ولا مشمشه انت محبوس في السعوديه وانا م اتحبس هي الحكايه بالعكس العريس الانحبس وانا لا محمد م تجيب كثافتي اقسم بالله اخلي ليك العرس زاتو ي زول طلقني
محمد .. علي الطلاق م تفتحي لونك ي فاطمه
فاطمه .. كريه سغيل حاقد م عافيه ليك ان شاء الله جو السودان ابشتنك وازرقك ي كريه
محمد .. كريه م كريه انا حلفتا وانتهي الموضوع
فاطمه .. م عافيه ليك بس
محمد .. م مشكله .. حتبدي الحبسه متين
فاطمه .. بكرة من الصباح امي عايزة تبدا لي
محمد .. تبدا ليك بشنو
فاطمه .. بي ظرافتك
محمد .. 😂😂😂 .. اجيب شنو
فاطمه .. ولااا شي
محمد .. انا جبت ليك مجموعه جانسون بكره حأجيبها ليك
فاطمه .. اوكي .. اصلا كنت عايزة ابوي اجيبها لي
محمد .. م تفردي الشهر بس اكويهو
فاطمه .. م دخلك
محمد .. عايني كريم الفرد ببهدل الشعر وانا م عيازو اتبهدل واصلا جبت ليك مكوة سراميك اكويهو كل يوووم
فاطمه .. عليك الله .. اهبل
محمد .. بندمك ي قميل 😏
فاطمه .. محمد انا عايزة انوم بكرة حأصحى بدري
محمد .. للهناي
فاطمه قفلت ليهو الخط
ههههاااا البت دي مجنونه والله
انتصار .. منو المجنونه
محمد .. ست الحبايب اتفضلي مالك واقفه في الباب
انتصار .. جبت ليك الحليب
محمد .. لا اعفيني منو ما بستثيقو
انتصار .. عشان خاطري ي حمودي
محمد .. حاضر ي ست الحبايب .. بالمناسبه
انتصار .. ايوا
محمد .. عايز اقول ليك شنو
انتصار ... احكي
محمد .. حاجات الحبسه شنو
انتصار .. 😂😂😂😂😂 عايز بيها شنو اممم 😏
محمد .. فاطمه بكرة حتبدا الحبسه وابت توريني بتحتاج شنو
انتصار .. بتحتاج حطب و كريمات جسم وكريمات وش كريمات شعر و كريم فرد وحاجات حقات زيادة وزن
محمد .. فاطمه م محتاجه لي دا كلو بس عايزة الحطب
انتصار .. 😂😂😂 والله ي محمد انت تافهه
محمد .. لا والله م قاصد بيها شي ي لمي ياخ
انتصار .. سمح اشرب احليب وانخمد نوم
شربت الحليب وامي باستني وطلعت والله حاسي بي نفسي زي الطفل قدامها
YOU ARE READING
حكايه فاطمه
Romanceقصہہ سودانيہہ تتحدث عن زواج القاصرات و استبداد المطلقات والعانسات وتنمر عليهم و عدم الرقبه في انجاب البنات
