اســتـاذي الـمـغـرور

part 35

ليال : رفعت راسي مصدومة ودموعي نزلت

ايدي اللي جانت لازمة الموبايل رجفت ووكع من ايدي

همام  : احمددددد شهالحجييي

احمد : هذااا الصدككككك ليششش تصيحوننن مو هية جانت بعلاقة ويااااه

ليال : ضليت صافنة علي ودموعي تجري بضعف مكدرت احجي شي تقرب علية واشر بأصبعة ويحجي

احمد : اذا هذا الزواج صار خلي بالج اني ما راضي

ليال : ماكو فرحة تدوم للابد والحياه مو كلهة سعادة

اي كل هالجمل اامن بيهة بسسس اني سعادتي مدتسمة سعادة لان مدالحك اشوفهة حتة

صعد احمد وبابا يرزل بي
اللي كدرت اسوي بذيج اللحظات هية مشيت وصعدت لغرفتي قفلت الباب وابجيييي بقوةةةة واشهك

كعدت بالكاع ونعادت نفس الماساه علية

ضليت ابجي الليل كلة وهمام يدك الباب علية ويحجي وياي وساعة ماما تجي

لحد ما غفيت على المخدة ودموعي تجري غمضت  عيني ورجعت لامنيتي القديمة

ربي موتني وخلصني من هالحياه ربي تعبت والله

نمت وكعدت ثاني يوم
غسلت واخذت قراري

فتحت الباب ونزلت جوة سويت لفة وصعدت اكلها بغرفتي جوي بيت عمتي نزلت عايدتهم وصعدت وللعصر ندكت الباب باوعت نسوان ثنين وبنية شابة صغيرة بالعمر ووياهة فرح وعمة اسراء

فاتن جوة وماما ستقبلتهن واني

ضليت كاعدة بغرفتي لحد ما صعدن البنات يمي يكمزن فوك راسي ونجبرت انزل

وديت الضيافة وسلمت عرفني عنهن وحدة اسمها ريم كالت اني اخت ثائر ووحدة عمتة ووياهن بنية كالت اني مريم اصير بنت اخو لعمو ثائر

بتسمت وضليت كاعدة وكلسع سائلاتني رغم عمة اسراء تعرفني بس هنة ضلن يستفسرن مني

حجن بسوالف الخطبة وحجن على ثائر ومواصفاتة وماما كالت ننطيكم خبر ورة اسبوع

ضلو يسولفون واني بالاخير كمت

ورة ما طلعو كعدن عمتي وبناتهة يحمدن بيهم ويكولن شلون ناس وزناكين وووحجي كومة

صار العشة  وكعدنة كلنا محد فتح الموضوع لحد مراحو بيت عمة ضلينة اهل البيت

رحت يم بابا حضنتة وهمست بصوت ناصي

_ بابا سد هالموضوع كوللهم ماكو زواج فدواا

الاب : ليال بس

ليال : فدوا بابا هذا اخر قرار عندي مرح اغيرة

_ حجيت اخر جملة بصوت ينسمع وكمت صعدت فوك دموعي كامت تجري وحاطة الرسائل كبالي واقراهن  واشم العطر