#بينا_سهاري_وذكريات
الحلقه:التاسعه
بقلم :فاطمه سالم الورفلي
.....................................
...........
اني استغربت ردة فعلها وقلت :اي نبي نعرف شن في.. لي خلاك هكي تتكلمي على امي.. لي ربتنا.. وسهرت علينا
اماني :ح نحكيلك بتفصيل
"فـــلاش بــاك "
في يوم المشؤوم.. اماني :باهي اني بنمشي لي نجمه نرفعلها سويسرول مدايراته غاده
امي :به غر ما تعطليش... اني بنخش نصلي العصر
اماني :حاضر... "وخشت امي... وجت بتخش اماني بتاخد وشاحها... سمعت صوت.. "
صدام بهمس :بس بس اماني يا اماني
اماني التفتت... ولما شبحاته نخلعت:خيرك شن في؟
صدام :خيرها غاده؟
اماني سكتت شوي... وزفرت :مش عيب عليك تتصنت؟...
صدام كشر وجهه :اماني شن في؟
اماني قلبت عيونها :امور عائلية معليشي... "وخشت عنه "
صدام تعصب :اماااني امااااني تي الزززفت وااك... "لبست اماني وشاحها وحطت من السويسرول...وطلعت من باب الرئيسي عن يشوفها صدام ... ومشت لي حوش نجمه... قعدت اطقطق على باب الحوش..وشوي وفتح الباب"
نجمه :اهلين شجو
اماني :بخير... قتلك هادا سويسرول من غاده تفضلي
نجمه فهمت انه ابراهيم ما حكالهمش..وقالت بخبث:هههه ايي كويس معناها خلي نرفعه لي صدام
اماني نصدمت:صدااام؟
نجمه ضحكت وحطت ايدها على فمها :قصدك غاده ما حكتلكش؟
اماني استغربت :لالا خيره شن في؟
نجمه دارت روحها نحرجت:تي قبيله كلها تعرف... كيف ما تعرفيش؟
اماني :لا والله... شن لي صار؟
نجمه :صدومي... بيولي خطيبي... ماهو اميمه رجعه كلمت ماما عرفتي كيف 😌؟
اماني خشت في بعضها :ها ايي اي اا قصدي مبارك... ربي يتمم على خير
نجمه ضحكت :ان شاء الله حبيبتي.. عقبالك ههه والعقبة لي غدوش.. سلميلي عليها هلبا...
"المهم لما روحت.. خشيت للحوش وقربت خطوتين ونسمع امي تقول.. سمعتها تقول..
امي :ها ايوه يا سماح
سماح :اهلين عمتي سميه كيف حال
امي :حمدالله حمدالله.. توا ابراهيم كشف علاقتهم غاده وصدام.. تو نبيك شني.. نبيك تشديها وراء صدام.. مهم صدام ما يتزوجش بنت غيثيه هدي
سماح :حاضر حاضر
....
طبعا.. من هدا اليوم.. لما سمعتها نصدمت.. وكان اليوم هدا يوم عركه.. ونفس يوم السحر.. كان يوم المشؤوم.... لما اني مشيت لي نجمه.. وقتلي انه صدام يبيها.. ولما جيتك يومها وقتلك...
