#بينا_سهاري_وذكريات
الحلقه:الاولى
بقلم :فاطمه سالم الورفلي
.......................................
.............
- جاري كتابه اول حلقه ❤
#بينا_سهاري_وذكريات
تصاحبنا هدي الـروايه مع بطل صدام وغاده في حكايه جديده ❤ ....و زي ما عرفـنا.. حكاية صدام وغاده... والعوائق اللي واجهوها... بس يبقى السؤال... هل ح يصير شي ويرجع الحب!... ويزيد يقوى... هل ليهم لقاء مع بعض!... ح نعرفو الشي هدا مع مرور الحلقات.. اهم شي توا التفاعل... ولو تفاعلتو.. ح انزل اليوم حلقتيـن🍃
..........................
عندي اني :
امي:اماني ديري فتله لي اختك اقل شي... و وتيلها دبشها.. وارقيها... "وشبحتلي خانقتها العبرة "..وانتي غاده ارقدي باش تنوضي غدوا.. وربي يهنيك يابنتي يارب
اماني :ماما في شي نبي نقوله!
امي تنهدت :واللي هو... فيسع تكلمي
اماني :حاضر..خلاص تو بعدين نقولك" وقربت من الدرج... وفتحاته وطلعت ماما... وخدت منه سلك... وشبحتلي.. وعيونها دموع "... :غاده!
-اني رفعت راسي وشفتلها
اماني بصوت يرجف :غاده ... غاده يعني خلاص!... يعني خلاص مش ح نوض على صوتك... ونهدرزو طول الوقت! ....
اني نفجرت بالدموع :اسكتي ما تفكرينيش ما تفكرينيش... مش مصدقه ان بعد هدا كله مش ح نكون لصدام... ومش ح نلبس الفيلو... ومش حاسه اصلا ان اني عروسه.... ومش معقوله ح نتـزوج شخص ما نعرفاش!... اماني... اماني مش قد الحمل اني... مش قده... مش قد لي قاعد يصير بصدق.. اماني اني لازم نهرب لازم
اماني شهقت... وقعدت تشبح يمين ويسار.. وبهمس قالت :غاده!... بعقلك انتي!... بيقرو فاتحتك توا يا الهبله
اني نهز في راسي يمين ويسار :لالا يا اماني لا... انتي مش عارفه شن لي قاعده نحس بيه... تراكم مشاعر... مش عارفه كيف نوصف... موجعه.. وغصايص.. وضيقه خاطر... وتعب... تصدقي لتوا ما رقدتش كويس... اماني... اني يا نموت يا نهرب... معاش نقدر معاااش... معاش نقدرر
اماني حطت ايديها على راسها :غاااده انتي عارفه شن قاعده تقولي... راك تقولي في شي ما يخشش الدماغ... تي وين بتمشي؟... وكيف بتعيشي!... تحسابيها ساهله انتي!
اني نضت ونلاطع بيديا :لالا... لا اماني... تربحي تربحي... سلم وخيتي طلعيلي دبشي ... بنهرب اني بنهرب... بنهرب من الجحيم هدا
اماني :يا مهبوله الدنيا جايبه ما فيها... الدنيا تخوف راهي
اني فتحت الدولاب... وطلعت وشاح وخديت تليفون... وقعدت نلبس فيه :اماني سامحيني.. وقولي لي بوي وامي يسامحوني... اماني معاش نقدر يا اماني .. صدام خاني وتزوج غيري... وسحروني... واتهموني بي شي يشوه شرفي... وما حدش صدقني... وفوقها بيزوجوني!... لشخص لا نبيه ولا حتى برضاي!... لالا لا يا اماني اني مش قد الحمل هدا... مش قده ولا نقدر عليه..
