نهوه ابن عمي

البارت التاسع (فرح \حزن)

من يسكن الروح قل لي كيف للقلب ان ينساه

ليان:كعدت الصبح جانت الساعه ٩:٠٠ نزلت لكيت عمي وعمتي بلمطبخ يسولفون
سعاد:حجي شون تقبل يرجع فطيمه ام ثرب يعني رجعت المشاكل
محمود:انه قبلت علمود قمر ليش تتربه بلا ام
سعاد:جا مو احنه مداريه لقمر حته ليان عبالك امه
محمود:يا مره تره ماكو احن من الام على بته
سعاد:اوووف هي هاي هم تتسمه ام
ليان:سويت نفسي كلشي ماسمعت ودخلت للمطبخ كلت صباح الخير
محمود وسعاد:صباح نور
ليان:لكيت القوري على النار طكيت بيض 🍳وخليت جبن كعدت دره وقمر كعدنه كلنه نتريك شويه ودخلت فاطمه
فاطمه:هاي شنو تتريكون ماكلفتو نفسكم دكون الباب علينه حته نجي نتريك اني حبيبي ها ذكرت بعدنه عرسان وتخلونه على راحتنه
ليان:ضجت من كلامه بس ماحجيت لان ماحب المشاكل
دره:عرسان شنو ولج انتي وحده مطلقه باست الرجلين حته ترجع وتنستر على الاقل كدام العالم حته لا ياكلون وجه
ليان:تخصرت فاطمه وكالت
فاطمه:احسن من بعض الناس الي جانت حتسود وجهكم علمود حبيبه شسمه هو ها ذكرت خالد
ليان:تعصبت وكمت وحجيت بصوت عالي شنو قصدج ولج اني اشرف منج ومن امثالج فاهمه هنا دخل جلال
فاطمه:ليش قابل شمسويتلج
جلال:شبيج فطوم منو مضوجج
فاطمه:كلت ليونه اليوم اني اشتغل واسوي غده لحبيبي  جان دكول احنه مناكل من الوصخين
دره:لج جذابه جلال لا صدكه
جلال:دره انتي معليج  وانتي ليان ديري بالج تحاجين مريتي بعد والله اندمج على  الساعه الي نولتي بيه
ليان:ضجت من كلامه بس سكتت ماكدر اسوي شي طلع وهي راحت وراه
دره: لا سكتين ليش ماحجيتي
ليان:ختولي مالي خلكه كملت شغلي سويت  الغده صبينه ولتمينه نتغده
محمود:بويه جلال اريد تحجزلي اني وامك ليران نزور الامام ونغير جو
جلال:تامر يابه
سعاد:يي والله حجي خوش فكره

جلال:هل ايام وخاصه الي رجعت بيه فاطمه صاير اكره اكعد يم ليان ومن اشوفه مدي اكتله بيدي مدري شبيه باجر راح ارجع لدوام يومين بلبيت ويومين بلدوام وهيج مشت الايام حجزت الابوي وامي وطيارتهم الاسبوع الجاي كتلهم على الموعد المحدد ومشه الاسبوع بسرعه وقبل يوم السفر كعدنه كلنه بلصاله حته نودع اهلي قبل ميرحون
ليان:مشت الايام و تحدد يوم سفر عمي وعمتي وجنه كاعدين بصاله كلنه وجان عمي يكول
محمود:بويه اني جمعتكم لان اريد اكللكم شي مهم واريد من ارجع الكا كامل
جلال:ها بويه امر شتريد
محمود:بويه الموضوع يخص اختك دره
دره:انصدمت يخصني شكو شصاير
محمود:بويه قبل كم يوم اجت ام حسام لامك وطلبت ايد دره لابنه حسام وهي مستعجله فا اذا دره موافقه انت حدد الخطبه وياهم بويه دره انتي شدكولين
دره:فرحه وخوف ورتباك نزلت راسي واني ساكته
سعاد:يمه ماريد ااثر على قرراج بس انه وابوج نريد نطمن  عليج  وحسام خوش ولد وابن حلال احسلج توافقين وبكيفج بعد
دره:•••••
محمود:بويه لا تستحين وكولي مراح نزعل منج اذا رفضتي
دره:بابا اذا انتم موافقين فأ اني موافقه
سعاد:كلللللللوووش
محمود:الف مبروك بويه هءا احسن قرار
ليان:شكد فرحت لدره وشفته شلون صار حمره من الخجل ضحكت وكتله الف مبروك يعمري
محمود:جلال بويه احنه راح نسافر فا مراح نحضر خطبه دره انت لازم تقوم بلواجب
جلال:شنو سالفه ننتظركم لاحد متجون
محمود:لا بويه خير البر عاجلو وكلشي يصير تره حته اذا احنه مموجودين فا على العرس اكيد نحظر
سعاد:الف مبروك يمه حبيبتي عذرينه مراح نكون موجودين بخطوبتج
دره:بست لمي ترخصت وطلعت رحت لغرفتي والفرحه متنوصف معقوله الاي احبه خطبني و وفه بوعده اوووف شيمضي الايام بسرعه وشوكت انام بحضنك يا حبيب القلب وروح واخيرا حسام خطبني وراح اتسجل باسمه حزوج حبيبي مامصدكه
ليان:فرحت لدره وشويه وكلمن راح الغرفته نومت قمر اجتني الافكار يعني ليش اني هيج حضي ليش زوجي كام ميحبني ليش عافني ورجع المره الخانته ليش هو مو حبني ونام بحضني ليش هسه تركني ليش مو جنه متصافين شجا وهيج صار ضليت هيج افكر لحد ما نمت من تعب على كد مافكرت كعدت ثاني يوم ساعه ٥:٠٠ الفجر لان طيارت  عمي وعمتي ساعه ٧:٠٠ كعدت دره سوينه ريوك اشكال والوان اجبان ومخلمه بيض و زيتون خلينه عسل وجاي كليجه وكعك صارت ساعه خمسه ونص كعدو عمي وعمتي وجلال والحقيره هم اجت كعدنه نتريك ونسولف خلصنه غسلنه المواعين وكعدنه وجانت اخر كعده قبل السفر عمو وصانه كلنه وصه على البيت وعلى قمر وعلى دره وعلينه كلنه صارت الساعه ٦:٣٠ تحضرو خلو الجنط بسياره ودعناهم ودموع كوه حابسيه عبالك محنشوفهم بعد اول ما مشت السياره ذبينه وراهم مي دخلنه جوه فاطمه دخلت للغرفه واني ودره وحده تصفن بوجه الثانيه حسينه البيت فرغ رغم مصار هواي من طلعو نظفنه البيت وىجعنه كلمن لغرفته
جلال:وصلت ابوي وامي ورجعت للبيت سبحت وطلعت دوامي بس هل ايام مدري شبيه بس اتقيئ واختنك هواي رحت للدوام تحقيق وسجن وسجلات شغل المهم عدن هل يومين ومن رجعت للبيت اتصلت بحسام كتله على الموافقه وتفقت ويا على كلشي تححدد الخطبه بعد اربع ايام وبدينه بتحضيرات الخطبه بدلات وصالون الاكل وزينه البيت كله زينا اني ودره وليان بس ليان ابد ماطيقه مدري شبيه من اشوفه ادور وجهي واي كلام دكوله اسكته
ليان:مشت الايام واحنه نحظر لخطوبه دره اختارينه البدلات وكاشي تمام بس جلال الي متغير 180 درجه مدري شصاير اله شحجي واي شيء انطي رأي بي ايسكتني ويمشي عكس الاريده اشتريت اني فستان طويل مال محجبات لون نيلي  وااشتريت لقمر بدله هم نيليه بس حلوه وطالعه تجنن عليه بل مناسبه قمر اني اعتني بيه وفاطمه اصلا متباعله بس من يجي جلال ضل تحضن بيه وتبوس اما اكله ولابسه كله عليه عبالك اني امه وفاطمه مرت ابوج ابد متحس متشتاق لبته المهم كملنه كلشي واجه يوم الحفله حضرنه كلشي وصبح رحنه اني ودره وقمر وفاطمه الزكه ويانه للصالون
دره:اجه اسعد يوم بحياتي رحنه صبح للصالون سولي مكياج وتسريحه واجرت بدله نيليه حلوه تجنن وليان وقمر لبسو مثل لون بدلتي سالت ليان شلوني.
ليان:اجننين طالعه حلوه الله يساعد حيام من يشوفج
فاطمه:عيني الف مبروك همزين حنخلص منج ونشالله اكو وراج شخص هم حيولي بعد كم يوم
دره:ردت احجيه ولزمتني ليان وكالت
ليان:معليج ليه ختولي لا تعكرين مزاجج من وراها
دره:ماشي
ليان:اجه جلال رجعنه للبيت بدت الهلاهل ودك وركص دره اله شوي تبجي من الفرح تمنيت عمتي موجوده بس مكدرو يجون هسه شويه وكالو اجو اهل العريس
دره:دخلنه للبيت هلاهل وركص جنت حيل فرحانه شويه وكالو اجه العريس كعدوني بلغرفه وليان واكفه بصفي غطوني بلعبايه واجه جلال وشيخ الي حيعقد النه وحسام مكدرت اشوفه زين لان مغطين كل وجهي حجه شيخ وكال....... الى ان وصل وكال دره بنت فلان تقبلين ب حسام ابن فلان على مهر مقدره....... ضليت ساكته عاده مرتين وكلت موافقه وحجه نفس الكلام لحسام وكال موافق باركلنه الشيخ وطلع رجعوني للصاله وشال حسام البركع من راسي شفته جان طالع حلو لابس بطرون اسود وقميص هم نيلي 🤭 هلهلو وانطوني جكليته اكلته نوب نص الثاني اكله حسام لبسني الحلاقات ووكلني الكيك وشربنه العصير كمنه ركصنه وجنت مستحيه كلش شويه وكام راحو اهل العريس  واقاربنه هم تعشو وراحو  خلص اليوم دخلت سبحت ومن طلعت دك التلفون جان المتصل ام حسام فتحت الخط الو
حسام:الو شلونه رويحتي اليوم
دره:هلو زينه
حسام:ولج ماصدك صرتي الي يا بعد قلبي
دره:واني هم ممصدكه يعني خلاص صرت الك وانت صرت الي وبس
حسام:هههه ولج وين الله وكون هسه اجيج وانومج بحضني واطلع ضيم السنين الي جنت ابوعلج بلختله وهسه صرتي الي ياعمري
دره:😳😳ها امم
حسام:ههه يلا عمري ارتاحي احيد تعبانه تصبحين على خير
دره:اجمعين باي نهيت المكالمه ونمت
ليان:خلصت الحفله ودخلت للغرفه سبحت و بدلت نوب سبحت قمر بدلتله ونمنه ثنينه مشت ايامنه عاديه دره وحسام دئما يطلعون سوه ويتخابرون ويوم من الايام جنه كاعدين واجه اتصال لجلال واجه ويا خبر ساعقه للكل واجه اليوم الكئيب
جلال: مشت الايام واني ممرتاح لسه عندي دوخه ودئما اتقيئ واختنك وبيوم اجه اتصل من رقم دولي من رديت جان صوت شخص
مجهول:الو انت جلال ابن فلان
جلال:يي ليش
مجهول:اخويه ابوك تعرض لحادث سياره وتوفه وامك صار بيه جلطه وره وفات ابوك
جلال:شنو دكول  لا  اكيد جاي اجذب
مجهول:البقيه بحياتك اخويه ياريت لو تجي علمود تاخذ الجثه وامك و دير بالك على الولده
جلال:انغلق الخط واني ادنيا دارت بيه لا مستحيل ابوي توفه لا اكيد جذب رحت اني وعمي وصديقي لايران كدرنه ناخذ الجثه وامي صابه شلل وره الجلطه جانت اصعب ايام حياتي رجعنه للعراق امي دخلنه مستشفى لان وضعه تعبان سوينه الفاتحه دفنه ابوي بنجف ووره السبعه
ليان:موت عمي صار البيت كئيب دره بس صافنه ودموع تجري لا تحجي لا تاكل لا تشرب عمتي دئما لو اني لو اخته تروح يمه مشه اول سبوع على موت عمي اجه الساعقه الثاني والي هي موت عمتي
جلال:امي ماتحملت فراك ابوي وراحت وراه هذا الشي حطمني الدموع الي كوه حبستهن بموت ابوي ذبيتهن صرت ابجي وانوح مثل نسوان اجت دره حضنته ودموعنه تجري مثل الشلال
ليان:البجي ادموع اندم القهر الفقدان صعب تفقد امك وابوك بنفس الوقت شلون انكلبت حياتنه من فرحه زواج الى حزن وفراك البجي ماخلص فاطمه بحجه قمر صغيره طول الفاتحه هي بيت اهلها وناس وشغل والقهر وضيم على ظهري كلبي مكسور لان عمي وعمتي مثل امي وابوي احبهم راح نختصر هواي اشياء منكدر نحجيه.

{كاع النجف كاعيش ماخلت اعزاز يوميه كلبي يروح باحبابه جناز.}

انقلبت حياة ابطالنه من الفرح للحزن شنو المنتظر وشنو الي حيصير بعد هل مصيبه

اسفه اذا اكو اخطأ بلكتابه لان مدققت

شكراً لقراتكم
الكاتبه دارين