نهوه ابن عمي

البارت الثاني عائلة البطل

مرحبا اني اسمي جلال عمري 25 سنه اني مطلق وعندي طفله اسمه قمر عمره سنتين عائلتي مكونه من امي وابوي واختي الصغيره دره عايشين بغداد
.............................................
جلال: اني ظابط واحب شغلي رجعت للبيت ولكيت الغاليه كاعده بلمطبخ وكلت شلونج يمه
ام جلال:هلا يمه الله يساعدك شلونك يبعد هلي
جلال:بخير دومكم بخير شلونكم ابوي شلونه
سعاد (ام جلال): الحمد الله يمه ابوك بشغل شويه ويجي
جلال:ويه مداحجي ويه امي دخلت اختي دره جايه من المدرسه اجت حظنتني وكالت شلونك جلولي
سلمت عليه وسألت على دراسته ورحت للغرفتي سبحت وكملت رحت على قمر
قمر:ابا تونك اتاقيتلك (بابا شلونك شتاقيتلك بلغه الاطفال 🤭🤭)
جلال:يروح ابا اني هم اشتاقيتلج المهم اجه ابوي سلمت علي كعدنه نتغده وكملت روتين البيت واني فرحان بين اهلي وحبايبي مضه اسبوع واني مرتاح بيت اهلي وبقالي اسبوع وارجع لدوام وبيوم من الايام اجه ابوي تعبان ومهموم كتله خيرك يابه بيك شي
محمود(ابو جلال): اوف يابويه عمك بوي عمك
جلال: بستغراب عمي!!
بس بويه اني ادري بيكم متخاصمين تصالحتو لو شنو
محمود:بويه عمك اليوم خابرني بعد 6 سنين زعل وكال الحكلي كتله شبيك يخوي كال الشركه مالتهم متهمينها بتهريب مخدرات وهسه هوه وجماعته بسجن بويه عمك وصاني على اهله واحنه لازم انروح الهم وهم انت ضابط وتعرف بهل امور ساعد عمك حته يطلع من السجن صح اني زعلان منه بس يضل اخوي
جلال: انصدمت بكلام ابوي وكتله ماشي بويه نروح لبيت عمي نشوفهم واني اهتم بقضيه عمي والله كريم
ثاني يوم من الصبح كعدنه لمينه غراضنه ولمي غصب عنه راحت وتمشي ودردم
سعاد: هسه انتم روحو شعدي وياكم انه ماريد اشوف ذيج الخوثه مرت عمك شلون بالله
دره:يمه شبيج وياهه وهسه اني اريد اذكر بيت عمي مداذكر منين طلعو هسه
جلال: دره كنالج بيناتنه مشاكل كافي كومي بدلي لقمر وخل نتوكل
سعاد:يبوي راح ياخذوني غصب لاالله اله الله شيمضي هل ايام ويه مرت عمك
جلال: غلست على امي ورحت شغلت السياره ركبنه وطلعنه مسافه نصف ساعه وصلنه لبيت عمي دكينه الباب وجان
***************************
ليان:كعدت ثاني يوم اون من الالم شربت مسكن وجانت الساعه٩:٠٠ يعني الكل طالع نزلت لكيت اماعين الريوك غسلتهن نظفت البيت سويت الغده دولمه وخبزت صارت الساعه١:٠٠ اجت حنانو وجهالها بقه بابا عاد اني اخذت ماعون وصعدت فوك اكل كملت وضليت فوك الساعه اني بلغرفه بعدين نزلت ملكيت احد غير الماعين تنتضرني غسلتهن ورجعت الغرفتي وهكذا استمرت الايام ومضه اسبوع واني مشايفه بابا بيوم من الايام جان يوم احد اجت حنان من وكت وخايفه وكل شويه تخابر مدري شبيه انوب اجت وكالت نضفي البيت زين باجر بيت عمج جاين انصدمت شنو بيت عمي اني اخر مره شفتهتم بفاتحه امي شذكرهم بينه مدري سالت خله حنان وكالت ابوج بسجن وخابر عمج يجون يمنه لحد ميطلع من السجن بسلامه عرفت كلشي صار وكلت بكلبي خطيه بابا رغم ميحبني بس يضل ابوي لذالك رحت توضيت صليت ودعيت الباب كمل اليوم بليل خابرت على رنا وسولفتله كلشي وكالتلي
رنا:ديري بالج ليان تره التهمه الي على ابوج خطره لاتحجين الاي شخص وبعدين كيفي حتخلصيت من ابوج جم يوم
ليان:اسكتي ولج مهما كان يبقه ابوي لاتحجين علي
رنا:على كيفج عيني شكنالج تره جنت اشاقه مو زعلين ويلا حبي اخذي راحتج اروح انام تصبحين على واقع اجمل
ليان:تصبحين على حلم يتحقق باي
نمت وثاني يوم من الصبح البيت جلفته جلف خليته يلمع راحت خاله حنان لسوق وجابت سمجتين وتمن هندي سويت سمج شوي وتمن احمر وزلايط وطرشي طلع غده يخبل صارت الساعه١:٠٠ وندك الباب
حنان : شنو انطرشتي كومي فتحي الباب اكيد عمج المصخم اجه
ليان:ماعرف ليش تكرهم هيج بس ماكدر اسال فتحت الباب وجان.........

ياترى شنو مصير ليان بلمستقبل بعد مارح يدخل اشاخص هواي على حياته
انشالله عجبتكم اسفه اذا البارت قصير
الكاتبه:دارين
شكرا لقراتكم😘