Days of Counting Camellia (Hiatus)

[9] Emperor wants a cage

ဒါကို ဘယ်လိုသတ္တိ‌မျိုးနဲ့ ရင်ခုန်လို့ရဲမှာလဲ ?

ထိုသို့အတွေး‌လေးဝင်ရောက်ချိန် စိတ်ကိုဖောက်ဖြားစေတဲ့ အိပ်မက်‌များကိုသတိရမိသည် ။
နှုတ်ခမ်း‌ပေါ်က နူးညံ့တဲ့အထိအတွေ့တွေဟာ သိပ်ကိုစစ်မှန်နေခဲ့သည် ။
နီးကပ်သွားတဲ့အခိုက်တန့် မျက်နှာပေါ်မှာယှက်ပြေးသွား‌သည့် လေနွေးနွေးနှင့်အတူယှဉ်တွဲပါလာတတ်တဲ့ အနမ်းရှိန်းရှိန်းတွေသည် အိပ်မက်တွေမှနိုးထလာသည်အထိ ဖျောက်ဖျက်မရခဲ့ ။
နီလို့ရဲရဲ သူ့နှုတ်ခမ်းတွေနဲ့ Afa.ရဲ့နှုတ်ခမ်း‌သားလွှာတွေအပေါ် ဖိနှိပ်လိုက်တဲ့ တံဆိပ်တစ်ခုပမာ ဆွဲကာကျန်နေခဲ့၏ ။

တကယ်တော့ အိပ်မက်ဆိုတာဟာ နှလုံးသားကတောင်းဆိုတဲ့ ဆုတောင်းတဲ့ . . . ။

" ဟင့်အင်း မဟုတ်ဘူး . . . "

Afa သည် လှိုက်ခနဲတုန်သောရင်ကို ဖိထားရင်း ခေါင်းကိုအတင်းခါပစ်လိုက်မိသည် ။

‌ရှက်သွေးဖြာ၍ တစ်ကိုယ်လုံးပူနွေးလာသော‌ ကောင်မလေးသည် အမှန်တကယ်အနမ်းခံခဲ့ရပြီး ၊ အနမ်းခိုးသူ၏ သရုပ်မှန်ကို ဘယ်တော့မှသိနိုင်တော့မည်မဟုတ် ။
ထိုအဖြစ်အပျက်အား ထိုနေ့ညက ထွန်းလင်းသောလမင်းကြီးနှင့် တေးဆိုသော ပုစဉ်းရင်ကွဲကောင်လေးများသာ သက်သေပြုခဲ့ကြလေသတည်း ။

_____________________________

" နွေးနွေးထွေးထွေးနေပြီး အစားကိုသေချာစားရင် ပုံမှန်‌လှုပ်ရှားမှုတွေကို ပြန်လုပ်နိုင်‌လာမှာပါ ၊ ဒါပေမယ့် ခန္ဓာကိုယ်အပေါ်ဝန်ပိစေမယ့် အလုပ်ကြမ်းတွေကိုတော့ တားမြစ်ပါတယ် . . . . . "

သမားတော်ငယ်သည် Afa ၏လက်ကောက်ဝတ် သွေးပြန်ကြောကို ခပ်ဖွဖွစမ်းနေရင်း နှုတ်မှလဲတတွတ်တွတ်မှာကြားနေလေသည် ။

ထိုသမားတော်ငယ်သည် Afa အား မေ့မျောနေသောကာလအတွင်း စောင့်ကြည့်ပေးခဲ့သော သမားတော်ပဲဖြစ်သည် ။
အချိန်အတော်ကြာအောင် ပြုစုခဲ့ရသောလူနာမို့လားမသိ ၊ အနှီသမားတော်ငယ်သည် Afa အား အလွန်ဂရုစိုက်ကာ တလေးတစားလဲ‌ဆက်ဆံ၏ ။

" ဟုတ်ကဲ့ ကျေးဇူးတင်ပါတယ် ဒီအတောအတွင်း Afa ကြောင့် ပင်ပန်းသွားရပြီ "