#الابواب_الخمس
البارت الرابع عشر
للكاتبة Reem
ذكرتك مو لأن مشتـــاگٍ
شفت صورة الك صدفة
گٍالولي صفنت اشبيــــك
تعرفه وگٍلت ما اعــــرفه
اعرفك ݘني بس ناسيك
الملامح كلهه مختــــــلفة
عرفتك من وجع قلبــــي
ترة مو من اثر لهفــــــــة
اذا بذاكرتي تغفة تريــــد
جرحك بية مايغفــــــــــة
وذا احذفك ردت بالعيـن
جرحك مني شيحذفــــة
(هدية من احدى المتابعات)
عمشه : لاتكضها لا تنسى رويحتك هاي مرت اخيك ينجم
نجم : شنو يمه قصدج
عمشه : تعاي يبدعه عينيني ودفعت ايد نجم على كيف
بديعه : بقى نجم يباوع على امه دنكت اني وعمتي وشلناها حطيناها على الجربايه فاقده وشعرها مكطع وجهه ملخ وخشمها بيه دم كمت ابجي على شكلها
عمشه : يمه مرتضى حبوبه تعال ليه
مرتضى : هاا بيبي
عمشه : اخذ اخيك يونس واخيتك ناي وسكتهم بسهم نواح
مرتضى : اي بيبي تعال يونس ويايه
شال مرتضى ناي وسحب يونس من ايده وطلعهم من الغرفه
خوله : واكفه متجتفه وصافنه على الوضع وذكرى حالها حال
عمشه : تعاي عيني بدعه وصحي البت خشبت
خوله : وبعد وبعد راح تشوف ايام سوده من ابنج جان يخاف من اخوها وميطخها وهسه الاخ وراح وماكو اله رداد واسمعي يوميه مثل هيج هوسه
عمشه : لا تلغي سالفه وكضت وزلمه ومرته وتهاوشو ماانگلبت الدنيا جفي الشر يخوله
خوله : هم ذبيها براسي
نجم : تعاي يمه اريدج
عمشه : غير وكت يمه
نجم : لا هسه
خوله : روحي وياه شوفي شيريد واحنا هنا قابل شراح تسويلها وخاف تشوفين نسوان ابنج لتخلين اي وحده تجي
طلعت امي ونجم وسديت الباب منسد لان مكسور جريت الكاروك مال ناي وحطيته وره الباب
سهاد : هااا خيركم شو نزلتو
نجم : طبي لغرفتج
سهاد : اريد اصعد اشوف ذكرى
نجم : كتلج طبي لغرفتج
سهاد : اوووي شبيك تعيط طبينا وطبت وركعت الباب
نجم : لزمت ايد امي ودخلتها لغرفتها وسديت الباب يمه بروح ابويه شنو قصدج من كلامج فوك ونظرتج ابد مرتاحيت الها
عمشه : يايمه شنهي انه شگلت وتسودنت
نجم : كتلج بروح ابوج وابويه تعرفين مو
عمشه :لا مااعرف گلشي وفك ياخه عني انه حيلي يتراجف عبن البت طاحت واخيك تزومل تالي عمره
نجم : هسه تأكدت تعرفين ليش يمه هيج كسرتي گلبي هاي تاليهه تدرين بيه اريدهه وتاخذيها لاخويه
عمشه : اسكت سوده بوجهي لايسمعنك المدهربات واطيح براسك طلابه ماتفض
نجم : بس جاوبيني ليش خطبتيها لاخويه وتعرفين نفسي بيه
عمشه : چا يمه انه لو اعرفن من وكت اخذهه لصمد اله تسودنت وحك هو علي لو اعرفن رويحتك بيهه اكضهه من عباهه واردهه لدارك چا ماتعرف معزتك شكثر بگلبي
نجم : لعد شون عرفتي وشوكت
عمشه : انه امك ينجم عوينك يمه فاضحاتك من حبلت البت روحك تفرفحت وانه اكولن متوهمه كبرتي يعمشه وتوهمين وكلشي يصير بيه اسمها لون نشدت عليهه حالك گله يتراجف تركض عليهه كبل جيتهه اكولن شيطان ودخل بلوليد وازوجنه وتفض واردن ردود عليك وبيوم عرسك توكدت عبن عيونك تلالي عليهه والبت حزنانه واتعوذ من ابليس واكولن نجيم مايدك الناقصه بأخيه كضيت بخوانيك خوله ونكتتها نكت واختك كتتها گلها وعرفت گلشي يايمه
نجم : حطيت ايدي على راسي احس الدنيا ظلمه بعيوني واريد اعيط واعيط لحد مااطلع ضيم گلبي كله
عمشه : يمه البت تزوجت اخيك وعدها وليدات لا تدخل الشيطان بيناتكم انه لوبيه حيل فراكك چامابقيتك هنا تسكن ويه مريتك بعيد منا اعرفن عيبه بحگگ نفسك بمرت اخيك وهاي قسمه يايمه والبت موش قسمتك ارضى بحكم الله واركد واترك البت بحالها انه عرفت العيبه ماطالعه منكم واريدن تكف گلشي وتلتفت لمريتك
نجم : يمه والله مصار شى بينا وروح ابويه اشرف من الشرف ذكرى حتى عيونها متحطهه بعيوني ومايوم صار شى موزين او حجايه موزينه بينا حتى تعتبرني اخوها
عمشه : عبن بت اصول انه اعرفن البت واعرفنك موش الغلط ثيابكم انه اخافن من نسوان اخوتك لون عرفن يدكلهه طبل گلبك رچيچ يمه وهاي رجفاتك التجيب التايهه
انساهه يايمه البت اخيتك الحين ومرت اخيك وعيبه بحكك لون تراجفت عليهه
نجم : موبيدي يمه شكد حاولت واتعوذ من الشيطان واكول عيب عليه هاي مرت اخويه بس اسمعها تبجي اتخبل حتى عقل براسي مايضل
عمشه : چم دوب يايمه ماتخاف على رويحتك خاف عليهه استجن وانسى گلشي ومريتك طيبه وتحبك لاتحس وتعلكهه بيك وبينا بحضك وبختك ينجم لاتگرب عليهه احلفنك براس ابيك وترابه لاتكرب صوبهه لون ذبحهه صمد اسكت ولاتراجف وتذكر هاي مرت اخيك موش ذكرى الصغيره
نجم : حطيت راسي بحضن امي وكمت ابجي حسيت روحي مثل الجاهل الاخذو امه منه رغم بحضن امي بس حسيت روحي يتيم اشهك وابجي وبيه نار تحرك هذا البيت والي بي
عمشه : بسگ يايمه مردت افادي مرد انه اعرفن هيج عاشكهه وبيدي اعرسها على اخيك اهمداني ريتني بكبور النجف ولا اشوفنك هيج متكطعه رويحتك
نجم : يمه تعباااااااان وكلام الله تعباااان ونار ليل نهار تاكل بيه ليش اني شسويت حتى يصير هيج بيه هسه لو متزوجه بعيد والله ماادير بال بس مو كدام عيني
عمشه : حضك يايمه مشلوع الگلب لو انه بمجانك اكلب الطابك طبك واهوس ومااخليهه تعرس شجاك يمه اطحن الوادم وماتدخل لدار اخيك عبن كضيت لسانك وهذا حالك
نجم : اي اني جبان صوجي كلت ماطول قبلت بأخويه متريدني يمه عبالها اني الخطبتها وقبلت كله مني كله مني واضرب على راسي
عمشه : بسگ رحمه لابيك احبن على راسك وايدك انه گليبي رچيج ساعه ويطگ گلها ولا انت يبعد رويحتي
نجم : هذا هو يمه لتبجين سكتت ميفيد البجي ولا راح يغير شى
عمشه : اي يمه لا تفتت گليبي البجي والنحيب مايغير القسمه البت مرت اخيك وحرمت عليك اريدنك گوي وعينك على مريتك وحبهه يايمه وعيش حياتك موش كلمن راد شى صار اله گلهه رزق وهذا رزقك وارضى بيه
نجم : الْحٍمَدٍ للـّہ على كل حااال
كومي يمه شوفيها اخاف صار شى بيها وهذا صمد خلي يبطل ضرب اول تالي يمد ايده عليها
عمشه : والغسل كووون يصمد گل طلابه سوده وذبهه علينا انه اكضه وانعنع عظامه
نجم : راح اطلع اختنكت
عمشه : روح يمه الله يبعد عنك شر بنادم ويريح گليبك
ذكرى : فتحت عيني وجسمي كله يوجعني وفوك راسي خوله وبدعه
بديعه : تسمعيني
هزيت راسي أي
خوله : هااج اشربي مي
ذكرى : شربت مي شويه كوه احرك بجسمي وايدي توجعني وجهي يحرگني حرك
خوله : صاحيه تسمعينا زين احجي خلي نسمع صوتج
ذكرى : بلعت ريگي وكلت اي اسمعكم
بديعه : الْحٍمَدٍ للـّہ ربي شجاه صمد تخبل اول تالي يمد ايده عليها شسويتي وضربج
ذكرى : كمت ابجي واصيح أذاني مااريده
خوله : مبين السحر خلص مفعوله
بديعه : ياسحر عزه
خوله : يعني بربج هاي شكل وحده رجعت لهاي المزبله برضاتها هي معودت طلعت بروحها وبجهالها ترجع هنا
بديعه : اي والله صحيح مامعقوله اني هم راسي افتر كلت شجاها
خوله : ذي الحيايه اكص ايدي اذا مو هنه وراهه
خوله : شتحسين هسه
ذكرى : ماادري كلشي يوجعني
خوله : كومي خلي نغسلج وانتي بدعه طلعي دشداشه الها خلي نبدل الها
بدلت الها ونزلتها على كيفي وبدعه ويايه
بديعه : ذني شو مالهن حس
خوله : ليش يمدن راسهن وهنه يعرفن كلش زين فتره وترجع ذكرى لوعيها يعني ذني هم يدخلن النار حالهن حال ابو لهب
بديعه : ليش لعد الي يأذي الناس الله يذبه بلنار
خوله : والله ذني المفروض خانه الهن وحدهن شوي مخصوص الهن حتى ابو لهب ماسوه سوايتهن طلع الرجال افقر منهن
ذكرى : هههههه
خوله : هااا تضحكين والله شكلج يضحك مزوركه وتضحكين
ذكرى : شسوي من ضيمي
خوله : القادم احلى ام يونس
ذكرى : مابيه انزل فدوة رجلي توجعني
خوله : يله ننزل على كيف نزلنا بايه بايه وصلنا للاخير وجان تنفتح باب سهاد
سهاد : هااا الْحٍمَدٍ للـّہ على سلامتج
خوله : طبي وسدي الباب
سهاد : هاي شبيج خوله غير اتحمد الها على السلامه
خوله : قابل جايبه لو مسويه عمليه ادخلي وسدي بابج شكر الله سعيج
سهاد : انتي ليش تحجين هيج ويايه شمسويتلج
خوله : اهوووو بدينا بشرايط ام كلثوم يمعوده تره جتفي راح كوه لازمه ذكرى طبي وسدي الباااااب دخلت وركعته
بديعه : شبيج وياهه
خوله : خلي تولي ادري بيها متشمته وانتي ست ذكرى ضعفي شويه وراج هواي كتل مابيه حيل يوميه احط ايدج على كتفي واسندج هيج جتوفي راحن
ذكرى : اكيد اضعف من الكتل
بديعه : ههههه والله ماادري اضحك مدري ابجي
ذكرى : دخلن للحمام ويايه خوله طلعت كالت خلي بدعه تسبحج ومن تكملون صيحوني وبدلت بدعه تسبحني وكل قطره مي تنزل على جسمي ابجي من وراهه واكول شرجعني شجاني من صخام بوجهي وره اشويه اريد صمد من كثر مااحس روحي نصين على لحظه جسمي هم ينقسم من الالم والحيره
رجعوني لغرفتي وتمددت
وين الجهال
خوله : يم مرتضى
ذكرى : اخاف يوكع ناي
خوله : لتخافين نايمه بحضنه بتج من هسه تحب الولد كرت عينج
ذكرى : اكيد حظها مثل حظ امها
بديعه : كولي ياالله ان شاء الله حظها احسن منج ومنا كلنا
خوله : اي لان هيه عايشه بيت القاضي وراح تخلص ماجستير بكيفيه فرز القواطي الفافون المزروفه عن قواطي الغير مزروفه
هااي شبيجن غير ابوهه صمد الاغم شتطلع
ذكرى : والله اخليهه تكمل دراستها وتصير احسن مني حتى لو اعرف يوميه انضرب فدوة الها ولا خوها
بديعه : ليش انتي مو كملتي دراسه
خوله : وشحصلت كاعده بلبيت والغربان يفترن ورايه
بديعه : وينه اكرم صار فتره ماكو
خوله : دزلي خبر البارحه يريد اتغدى يمهم بس شون اقنع عمشه
ذكرى : اني اكول الها
خوله : حيري بوجهج الصاير خريطه العراق بلجغرافيه
ذكرى : هو لان مكتوله اكيد شريد تسويلي وراح اطلب منها ترحين لبيت اهل اكرم ساعه وترجعين
خوله: الله وايدج يااريت
كعدت بصفها دفعت بدعه وخري انطيني مجاال
بديعه : يمه مو ايد توثيه وخرت تعاالي اكعدي
خوله : باعي ذكرى اني مااعرف شرجعج واكيد السالفه وراهه بليه ومو خاليه يمكن اني اخر وحده المفروض تنصحج بس العليه اكول حتى ميضل بگلبي اني فتره شفتج تصلين وملتزمه ومن رجعتي حتى مدااشوفج تتوضين معناها تركتي ارجعي لصلاتج بلكت من تصلين وتقرين قران يزيل الهم البداخلج
بديعه : هااي منو التنصح متگولين لنفسج
خوله : مالج دخل بيه عكروكه لتكمزين
بديعه : هااا حجايه الحق تكرص
خوله : خليني اكمل وراها اكمل
بديعه : احجي يله سكتت
خوله : الصار كله خسرج اهلج
ذكرى : نزلت دمعتي بس جابت طاري اهلي
خوله : ومن يوم مارجعتي بعد غير هذا المكان ما الج هسه العليج تسوي تتأقلمين وتنسين الفات كله اخويه هسه انجلب عليج وراح تصير ايده والضرب قبل جان ميتجرأ يرفع ايده لان يعرف تنكسر اكو صكار اله وهو فوزي وهسه اخوج شال ايده منج وتبرا تماما لهذا صرتي مكفخه اله ويعرف لو يوميه يغديج كتله ويعشيج كتله محد راح يوكفه عند حده لاعبالج اليوم كدر نجم يمنعه منج هاي المره يجوز ماتتكرر ويجوز محد بلبيت اخوتي كلها طالعه وباقين بس احنا ومستحيل نكدرله
بديعه : يجوز الله يهدي فوزي ويسامحها
خوله : مستحيل فوزي شخصيته قويه والسوته ذكرى بيه ماكو رجال يرضاهه صغرته كدام الكل وكسرت كلمته ومتأكده لو شميصير ذكرى بلنسبه لاخوها انتهت عيشي واقعج وعوفي الاحلام وكاافي تبجين
ذكرى : شعندي غير البجي يواسي حالي
خوله : اتجنبي صمد ولتسوين مشاكل شيريد كولي اي ولتصيرين لعبه بيده كل ميريد يطلع حركت اخوج بيج يلكه حجه حتى يضربج
ذكرى : شبيهه اني خوله ساعه اريده وساعه لا كارهته
خوله : هاي سوالف بنات غنيه الگلبه واحلف عليهن يمين هاي سوالفهن ارجعي للصلاه ولقرايه القران ولتفكرين تعاندين صمد ومشي حياتج تره مالج مكان ترحيله اتذكري هذا الشى
بديعه : اي مثلي
خوله : وتحجيها بثقه
بديعه : قابل جذب هو شيحمل هذا البيت غير الماعنده سند يسنده
خوله : الله يعينجن على هذا البيت وعلى البيه
بديعه : اي عيني بعد شهر ونص اطلعين منه
خوله : اي واخلص من شكولكم الزفره
ذكرى : بس تزوجي وروحي خلصي من الكل
خوله : انزل لامي لعمتجن وانتي بدعه جيبي الجهال يمها اخاف عليهم من ساهره
بديعه : اي هسه
ذكرى : عافوني وحدي وكمت على كيفي اباوع على وجهي بلمرايه شون كله حمار وزراك وخشمي يوجعني كوه اجر النفس منه
انداريت واشوف شون الباب مكسور رجعت وجهي للمرايه واحجي ويه نفسي
شراح تشوفين بعد يذكرى ضيعتي الغوالي من ايدج وضليتي مكفخه لصمد
شويه ودخل يونس يركض وشمر نفسه بحضني وناي شايلها مرتضى نايمه بستها واخذتها منه وحطيتها بلكاروك مالتها سحبته ورجعته لمكانه وكعدت الملم الغرفه كل حركه اسويها روحي تشوغ من الالم خايفه ابقى نايمه واتأذه اكثر تالي متحملت ورجعت تمددت بصف جهالي واباوع عليهم لحد مغفيت
كعدت على ايد تلعب بشعري فتحت عيني لكيتها عمشه
هااا عمه
عمشه : هااا يمه شون عافيتج
ذكرى : الْحٍمَدٍ للـّہ
عمشه : يمه زلمتج يحبج وشيطان ودخل بيناتكم لاخلكج يتكدر
ذكرى : وحتى لو بجيت لطمت عيطت ميفيد شى بعد عمه هذا البيت صار مكبرتي
عمشه : ياااا وهاي انه اكولن عليج عگلج جبير خايبه اسگتي لا اصفكنج بعجل اخلي اذانج تصوفر
ذكرى : عادي عمه لو تشبعيني كتل مااحس ابنج كفه وفه
عمشه : احترك ابو اصله كون ايدينه تنكص ولا تكرب صوبج هذا وليدي ملطم ومابيه كل خير اريدن منج گلبج جبير وتحملي يايمه عبن هو ابو وليداتج ومالج غيره
ذكرى : امده الوكت الخلاني هيج مالي غير صمد واتحمل ضيمه
عمشه : اووف تكضى وتهون يابنيتي تهدي يمه وليداتج تصارخو وتراجفو وحيلهم راح
مااريدن كل يوم يطكج لا تلاسنين واسكتي وهو يلغي من وحيده وينجب ويسكت
ذكرى : الله كريم عمه على كولتج تهون
عمشه : اكومن اشوف شغيلاتي مساج الله بلخير
ذكرى : هااا عمه اريد شى منج
عمشه : شنهي رايده
ذكرى : خلي خوله تروح لبيت خطيبها ساعه وترجع
عمشه : يااا دهر صابج وصابهه چا شنهي عيب تروح هيج مايصير
ذكرى : خطيه عمه ميكدر لا يجي هنا ويشوفها ولا تطلع وتشوفه هي ساعه وترجع واذا سألوج كولي راحت يم امل فدوة عمه لخاطري
عمشه : هاي عبن انهطرتي من صمد مره ثانيه احطج انتي وياهه واعلگجن بلتيل والشمس ادك بيجن تيبسچ تيبس
ذكرى : هههه ميخالف بس خلي تروح هاي المره
عمشه : تولي ساعه زمان وترد
ذكرى : ساعه وترجع تسلمين
طلعت عمتي واني كمت على كيفي كوه امشي ومن نهايه الدرج صحت على خوله مااكدر انزل
خوله : هااا شكوو هم انكتلتي
ذكرى : روحي باجر وتونسي
خوله : قبلت امي
ذكرى : ساعه مو تتأخرين
خوله : ابوسج وصعدت اركض من فرحتي بستها ونزلت ركض
ذكرى :هههه الله يفرحج رجعت لمكانه اون من الالم دورت على علاج مسكن اخذت اثنين براسيتول ونمت
حسيت على حركه عرفت صمد دخل للغرفه منداريت ولا حركت نفسي تمدد بصفي حط ايده على خصري ونام لحظتها تمنيت اكسر ايده الحاطها عليه غمضت واكول اسكتي لتنسين مالج غيره احد اسكتي يذكرى وخليها تمشي لخاطر جهالج
خوله: دزيت ورقه صغيره بيد بان بت فلاح لاكرم حتى يعرف بجيتي بان هي المرسال بينا من تلعب بره اطلب منها تودي الورقه وترجع تكمل لعب
بدلت لبست نفنوف (فستان) مورد اسود وبيه ورد ابيض واحمر وشلت شعري دورت على عطر مخلصه صعدت ركض لذكرى
ذكرى : نايمه بلفراش لان جسمي بعد حيل يوجعني ومالي خلك لكلشي وصمد كعد ونزل حتى مباوع بوجهي هو ابو الراهي عليه عفته وبقيت مهتميت اله صعدتلي الاكل بدعه اكل واوكل يونس ويايه طبت خوله
خوله : بربج اريد عطر
ذكرى : فزيت والله عبالي بيج شى
خوله : يله بسرعه ورايه روحه
ذكرى : بلكنتور افتحي وحطي شكد متردين
خوله : قابل انتظرج اكيد اترس روحي ترس
ذكرى : اباوع عليها شون فرحانه ياربي كمل فرحتها على خير حطت عطر ترست روحها حتى بظهرها ونزلت تركض
خوله : جنت طايره وفرحانه داطلع جان تكول صالحه
صالحه : وين
خوله : وانتي شنو عيني صرتي عمشه واني ماادري
صالحه : امج تدري بيج طالعه
خوله : لا متدري واني هسه راح اهج منكم عود افترو ورايه بلمراكز
صالحه : تصنفين حضرت جنابج
خوله : عيني ام مهند حيري بروحج وبرجلج وعوفيني مالج دخل بيه
عفتها وطلعت امشي والهوا يلامس وجهي جنت مرتاحه لدرجه اتحمل كلشي ومااريد احد يضوجني
لكيت اكرم واكف بلباب كاشخ ومنتظرني
اكرم : هله بحبيبتي وام بيتي
خوله : عفيه ليسمعوك
اكرم : قابل بايك غير مرتي حلالي تعالي ندخل سحبني من ايدي ودخلت
لكيت امه تغسل مواعين
شونج خاله وبستها
ام اكرم : هله خاله هله بيج طبي البيت بيتج
خوله : شكراً
عيوني تباوع على كل ركن بلبيت واكول هذا بيتج بعد شهر ونص يخوله افرحي بيه
اجت مرت اخوه سلمت من وره خشمها وصعدت حتى مكعدت
ام اكرم : اعذريها بنتي مو حامل ونخاف عليها لازم تنام على ظهرها
خوله : الله يكومها بلسلامه
ام اكرم : يوم الكم وافرح بأبن اكرم
اكرم : امين ولج كولي امين وضربني على ايدي
ابتسمت وكلت امين ضلت امه تسألني على ذكرى محجيت شى بس كلت تصالحو ورجعت لصمد تريد تعرف كلشي بس اني منطيت مجال وسألتني على امي تضايقت احس روحي بتحقيق انتبهه اكرم وكااال
اكرم : يمه شكد ويكمل الغدا
ام اكرم : ساعه يمه واصب
خوله : لتحسبون حسابي خاله اني شويه واروح
اكرم : مو بكيفج تاكلين يمنا اليوم
خوله : غير مره والله امي كوه اخذت منها ساعه ولازم ارجع ً
اكرم : زين يوم اخذي راحتج واني اخذ خوله اشوفها الغرفه
ام اكرم : ابني ياغرفه غير بعدها عند النجار
اكرم : اقصد غرفتي هسه تشوف كبرها وشون تكفي الاخشاب اذا جبناها
ام اكرم : روح يمه روح معجبها الوضع ورجعت للمطبخ
لزم ايدي اكرم وكاال تعاالي
خوله : عفيه عيب والله مبين امك ضاجت
اكرم : عوفج منها دومها ضايجه تعاالي الله جابج مصدك مكذب خولتي يمي
سحبني من ايدي ويركض واركض ويااها تكول سباق عدنا وصعدنا للطابق الثاني ودخلنا بغرفه جبيره وبيها جربايه حديد ام النفر وكنتور بابين ومكتبه صغيره
اكرم : هاي هسه غرفتي البسيطه بعد جم يوم من اجيب غرفتنا تصير غرفتج
خوله : حلوة والله ومرتبه ونظيفه
اكرم :غير هسه نظفتها مرت اخويه لو جايه قبل نص ساعه سوق بغداد الجديده مو مثلها ناس فوك ناس كلت عيب اول مره اطبين مااريد اصدمج بلهوسه
خوله : هههههه عادي جان اني نظفتها الك
اكرم : تلحكين وتصيحين مني وتستغيثين من هوستي
خوله : على گلبي عسل والله
اكرم : والله ماكو غيرج العسل وكاام يتقرب شوي شوي واني ارجع ليوره هااا اكرم
اكرم : ياروح اكرم
خوله : خلي ننزل عفيه ولتتقرب وحيل تقرب مني حطيت ايدي حتى ادفعه مني
اكرم : اله تخبلت انزلج هسه بغرفتي ويمي ومتردين اتقرب منج وانزلج
لزم ايدي وسحبها وباسها وتقرب اكثر وهمس ليش هيج انتي
خوله : بلعت ريگي بتوتر وخجل وكتله شبيهه
اكرم : كلشي بيج حلوو سمارج شعرج شفايفج حتى صوتج
خوله : اكرم حبيبي خلي ننزل
اكرم : شنو حبيبج
خوله : دنكت خجلانه وكتله لتبقى كل مااحجي شى تسوي نفسك مصدوم وتخجلني اكثر مااني خجلانه
اكرم : الله عليج اني حبيبج
خوله : اي حبيبي تقرب بهدوء وباس خدي وهمس بأذني
اكرم : تحبيني خوله
خوله : غمضت عيني متأثره بعطره وبأنفاسه الدافيه تلامس وجهي واذني وهمست بهدوء اي احبك
رجعت باس الخد الثاني وتقرب من اذني الثانيه وهمس شكد تحبيني
حسيت ايده على ظهري تنزل وتصعد بهدووء
جاوبته واني طايره بكل حركاته وكلت بكد متحبني حضني وكاال
اكرم : مراح تحبيني بكد حبي لان اني احب حتى الهوا الي تتنفسي انتي وتقرب من شفايفي وبقى يبوس بيه بكل حنيه وهدوء لدرجه يتلمس كل جسمي ومااحس منطلقه ويااه وناسيه حتى روحي
لحد مندكت الباب فزيت وحسيت على نفسي
اكرم : منووو
ام اكرم : يمه تعالو جوه حطيت الشربت والكيك
اكرم : يايمه احد كلج جوعانين
خوله : عدلت نفنوفي لكيت حتى الدكم مال الصدر مفتوحه سديتها وبيه شده ناعمه شديتها وعدلت نفسي
اكرم : يوم منريد مشكوره
خوله : عفيه خلي ننزل
اكرم : مااريد انزل اريد ابقى هيج بين ايدج انسى حتى اهلي
خوله : تقربت وبست خده وكتله مبقى شى واجي بيتك وانومك بحضني لحد متمل
اكرم : تبوسني وتريد انزلها
خوله : ههههههه لا بداعتي خلي ننزل عيب من امك زحمه
اكرم : بستي خد بقى الثاني لازم تصيرين عادله
خوله : ههههه صاار وتقربت وبست خده الثاني
اكرم : وهنا هم العداله حلووة ادخلين الجنه بيها
خوله : هههههه مااريد ادخل الجنه دفعته وخرت من حضنه جان يجرني حيييل وباسني بكل قووته اااااخ اكرم والله أذيتني
اكرم : احمدي ربج ماطخت بعقلي وابقيج هنا وماارجعج
خوله : حتى عمشه تكسر البيت على راسكم
اكرم : مو بكيفها ومرتي وبكيفي
خوله : باجر عقد المحكمه
اكرم : باجر شرعاً وقانوناً مرتي وخلي عمشه ولدها يركعون راسهم بلحايط ابوكج واجيبج يمي والليل كله انام بحضنج واريد اشوف منو تدفعني
خوله : ماادفع لتخاف
اكرم : اااخ شكد احب كلشي بيج وحضني حيييل ويبوس برگبتي وبادلته الحضن لحد ما وخرته على كيفي وابتسم
تعاالي ننزل
خوله : يله
اكرم : يله شنوو
خوله : يله حبيبي
اكرم : اروح فدوة لهاي الشفايف وسحبهن بيده وباسهن واني ابتسم على سوالفه
لزمني من ايدي ونزلنا سوه شكد حاولت اسحبها مقبل لازمني حيل وكدام امه ولكيت مرت اخوه هم جوه كدامهم لازمني
خوله : اني اروح تأخرت
اكرم : بعد وكت مو گلتي ساعه
خوله : مااريد تصير حجايه لازم اروح
ام اكرم : الله وياج بنتي وباجر ساعه ٨ كوني حاضره
خوله : ان شاء الله خاله
مع السلامه
وصلني للباب ودخلت طايره من الفرح
ساهره : هااا مسعده مرتاحه
خوله : ماطول مااشوفج ولا اشوف اختج كل الراحه عندي
طبيت وركعت الباب اووف شوفتكم نحس
تعكر مزاجي وتالي تذكر بوسات اكرم واتلمس شفايفي فرحانه
طبت بدعه
بديعه : هاااا ولج بشري
خوله : حامل والثالث بلطريق هااي شبيج على شنو ابشر
بديعه : مبينه من وجهج مو راحه ولج شسويتو هااا احجي واضحك واغمز الها
خوله : يمه بدعه گلبي واني بحضنه يريد يطلع ولج فد حنين
بديعه : حضنتي يمعزايه
خوله : لا رايحه اختم القرأن يمه بله متسكتين
بديعه : هههههه تونسي وراج بلزواج يطيح حظ حظج
خوله : ماطول يحبني واحبه ميصير هيج شى بينا
بديعه : مبينه واكعه ولج
خوله : احبه بدعدع احبه موووووووت
بديعه : هسه تسمعج عمشه وتفصم ظهرج تخليج ترحين باجر على عكازه
خوله : عادي المهم ويه كرومتي
بديعه : عيني عيني وينج يذكرى تعالي شوفي حماتج سكرانه بكرومتها
خوله : شون صارت
بديعه : تون المسكينه وتشرب بهل مسكنات وترجع ليوره
خوله : ابدل واصعد اشوفها اكلج امي وين
بديعه : راحت لام اسماعيل تشمشم اخبار المنطقه
خوله : لو ادري ولا ارجع من وكت
بديعه : الطمع محلوو مو زين خلتج ترحين
خوله : باجر العقد منو راح يجي ويايه
بديعه : عبيد وامج
خوله : تعالي ويايه حبابه
بديعه : والبيت منو اله ولتنسين باجر لازم من ترجعون عيالج غداهم عدنا
خوله : يااا نسيت ماكتلهم
بديعه : ميحتاج همه باجر من ترجعون من المحكمه لازم غداهم عدنا
خوله : بيضي وجهي بدعه عفيه
بديعه : والله خليت فلاح يتسوك اشكال حتى خليته ياخذ من الولد فلوس
حتى السفره تبيض وجهج
خوله : جوحي ماانطه موو
بديعه : تدرين بيه ينطي هذا يموت على الفلس اعز من روحه خلي يولي خير من الله تسوكنا ونجم كال اجيب الحلويات والفواكهه
خوله : حضنتها وفرحانه الله لايحرمني منج
بديعه : الله يديمها عليج
ذكرى : ثاني يوم نزلت كوه اساعد بدعه لان اعرف عزيمه والكل مخبوص علمود مهر خوله
نزلت للمطبخ
صالحه : واخيراً العروس بينت الهلهوله الج مو لخوله
ذكرى : مريضة والله مابيه انزل كوه نزلت هسه
سهاد : قصدج مكتوله
بديعه : سهاااد عيب
سهاد : شگلت قابل جذب
ساهره : شبيج ويااه بدعه
بديعه : بله لاتندارن عليه وتسون عركه ورانه شغل وانتي سهاد لتضلين تفترين فوك روسنا لو تشتغلين لو ترحين لغرفتج
سهاد : مو كدامج اشتغل قابل العب
ذكرى : ضجت من حجايه سهاد وبلعتها مااريد هوسه اساعدج بشى
بديعه : اكعدي يمي وخلي اشوفج واسمع صوتج هاي احلى مساعده
صالحه : الله يثخن لبنجن صايرات بكلشي سوه
بديعه : وهذا الشى ليش مضوجج
صالحه : اني اضووج عشتوو
ذكرى : الكل يشتغل واني اساعد بلي اكدر عليه للظهر
طبت عمشه تهلهل
عمشه : كلللوووووووش امج فرحانه ذبت هلهوله امج فرحانه وذبت هلهوله
طلعنا نركض بلمطبخ نهلهل وطبت خوله لابسه كوستم بيجي واكرم وياهه وامه ومرت اخوه وابوه
علت الهلاهل وصالحه وساهره يدبجن ويه عمتي جنت فرحانه كلش واني اشوفهاا واخيراً حققت حلم عمرها
تقربت منها وبستها بلخير عليج شايفه كل الخير
خوله : الخير الي يصيبج
ذكرى : مصار شى
خوله : الْحٍمَدٍ للـّہ كلشي عدا وعقدنا
عمشه : يله همن وصبن الغدا الوادم جاعت
ذكرى : كامو البنات يتركضن
واني اساعدهن الولد كلهم اجوي
سوينا سفرتين وحده للزلم وحده النا للنسوان الاكل اشكال خطيه بدعه من ٥ الصبح تطبخ لا بقت قوزي وسمج بلتنور وتمن ومرك نوعيتين وتشريب لحم صدك السفره شكلها يشهي ويبيض وجهه حتى الفاكهه حاطيها
الكل كعد ياكل اباوع على مرت حماها لخوله عاقجه وجهه
خوله : ليش متاكلين
مجوعانه شكراً
ام اكرم : اگلي بنتي انتي حامل
مااكدر اكل عمه تلعب نفسي
صالحه : كل هذا الاكل وتلعب نفسج اكلي خبز ولبن عوفي اللحم والسمج
مجوعانه
ساهره : عوفنها تكول مجوعانه قابل كوه
خوله : حسيت عمتي ومرت حماي ابد ممرتاحات رغم جنت الطريق كله خايفه لا الاكل يفشل ومن صبو صدك ارتاحيت لان ممبقين شى ممسوي ورغم هذا حسيتهن مستنكفات ياكلن ويانه
ضجت وحست عليه ذكرى وهمست قريب اذني
ذكرى : اليوم مهرج لتخلين شى يضوجج الميعجبه يطخ راسه بلحايط اهم شى صرتي مرت اكرم
خوله : ابتسم وكتلها صحيح والله
ذكرى : يله اكلي وشبعي بطنج ومالج دخل الياكل لنفسه والمياكل هاي مشكلته
اكلت وحاطه ايدي على گلبي ليصير شى يخرب فرحتي لان ادري بروحي هيج سوالف متكمل على خير
كمل كلشي ومبقو والحمدلله اي مشكله او نقاش مصار
من فرحتي نمت من وكت لثاني يوم
ذكرى : حاول صمد يحجي ويايه واني على كد السؤال اجاوبه كمت اتجنبه وشيريد انفذ
قررت ارجع لصلاتي وكمت اتوضى واصلي مرات انسى اثناء السجود ماادري ياركعة وصلت ومرات اتأذه واختنك واتعوذ من الشيطان واكمل بديت اقرا سوره البقره والتزمت بيها اتذكر مره مدرسة الاسلاميه كالت التزمو بسوره البقره فوائدها عظيمه بيها بركه وخير ويوميه بليل اقراها اول ايام اتأذه حيل من اقراها وحتى ابجي رغم ماكو شى يبجيني بس بعدها كمت اقراها براحه وخشوع
يوم بعد يوم أيست برجوعي لحالتي القديمه واقتنعت اني مجنت بوعي ولا اعرف شنو الصارلي وخلاني اريد صمد هسه اني مكارهته وبنفس الوقت مااحبه اعتبرته ابو جهالي وبس ومااكدر بعد اتركه لان اهلي حتى ميتقبلوني حاولت اروح واوكع عليهم واتوسل بيهم يسامحوني بدعه مقبلت وكالت مو هسه خلي فتره يشتاقون الج حتى ليطردوج وسلمت امري لله وكعدت وسكتت انتظر الوكت المناسب حتى ارجع الهم مستعده حتى ابوس رجل ابويه واخويه بس يسامحوني
احنا هسه بنهايه شهر ١١ لسنه ١٩٨٩ الجو بارد كاعدين نحظر حتى نفرش والجهال صاعدين نازلين وناي كامت تزحف واخاف عليها ومرات اغفل اجي الكه مهند ومرتضى كاعدين ومكابليها وصالحه تتخبل من تشوفه مكابل ناي لان ميقبل يشيل اخته
احب جهال احمويني رغم امهاتهم متحبني اكول همه جهال شنو ذنبهم من هسه يفتحون عيونهم على المشاكل والاحقاد لهذا دوم يجون يمي والعب وياهم اخليهم ويه يونس وناي والعبهم
دخلت على غرفه عمتي اباوع خوله كاعده بلكاع متربعه وترتب ملابسها
ذكرى : هااا عروستنا ماضل شى
ذكرى : اي ولج كلها ٣ ايام واصبح بيت اكرم
ذكرى : اجاج مو كلتي ادز بيده كم شغله
خولة: فد شويه يجي ولج يمكن اجه الباب ديندك
طفرت اركض على الباب
بديعه : هااا الحب اجه
خوله : التفتح الباب اكسر ايدها
بديعه : ههههه روحي ماافتح دير بالج فلاح وجوحي فوك
خوله : غير رجلي قابل صديقي
بديعه : روحي الرجال واكف
خوله : فتحت باب الشارع وشافني ابتسم
اكرم : شون بيج انتي تردين كوه تخربين على نفسج
خوله : ليش شمسويه
اكرم : مو اطك خبالاتي واسحبج هسه من ايدج واعرس عليج ولا زفه ولا هوسه
خوله : ههههه اربعة ايام متصبر
اكرم : مشعول اهل اهلي مو اربعه ايام اربعة اشهر عبالك ليش متجين هسه نعرس والخميس والله اسويلج زفه
خوله : ههههههههه والله عليك سوالف تموتني ضحك تعاال ودخل للطرمه
اكرم : خوله حسي بحبيبك طاك عليج اذا الزمج هاي اللحظه يمكن متكومين اله مزورك كل منطقه بجسمج
خوله : شكووو ليش هيج شرس
اكرم : غير مشتاقلج مبين ممشتاقه احجيها ماازعل
خوله : تقرب منه ولزمت ايده ودنكت بستها وباوعت بعيونه وكتله مشتاقه اكثر منك
اكرم : تقلدين حركتي هاي خيانه تعالي اني اسويها الج
خوله : ههههه ما ما ما
اكرم : كوه اطلعيني من الطريق اجرج من ايدج واخذج لبيتي شو حتى الغرفه كامله اخذج واقفل الباب علينا وعود وره ميجون اهلج هداده ملحك مبرد گلبي شويه منج
خوله : ليش يبرد گلبك من اول ليله ويايه
اكرم : لا والله يحترك حرك ويشعل عشيرتي وعشيرتج
خوله : هههههههه خلي اجيبلك كم بقجه توديها وروح لبيتكم عيني ماعدكم مره يمنه
اكرم : اي جيبيهن خلي اتفرج شمشتريه اليه وشراح تلبسين
خوله : بداعتي عندك لتفتحهن والله ازعل عليك
اكرم : هااا شتنطيني وماافتح
خوله : بوسه
اكرم : منا واشر على شفته
خوله : لا من الخد والله هسه تجي عمشه تخلي كتلنا اني وياك ماله والي اخذ بوسه من خدك قبل ميجي احد
اكرم : امري لله يله بوسي
خوله : تقربت ابوس جان يدير وجهه بسرعه وصارت البوسه على شفايفه جان يطكها بضحكه عااليه
واني بين الخجلت وبين ضحكت على ضحكته
خوله : ارتاحيت
اكرم : لا اله تنامين بحضني يله ارتاح
خوله : اروح اجيب الملابس ومثل مكتلك بداعتي لتفتح شى واهلي باجر يجون يفرشون الفرشه ويجيبون باقي الملابس
اكرم : واني انطرد من الغرفه
خوله : هاانت يروحي
اكرم : ااااخ بيج كضه على كولت امج اخليج تكمزين
خوله : ههههههه ودخلت اضحك وبدعه وذكرى واكفات لازمات البقج انصدمت
بربكم شفتو شى
بديعه : البوسه لا مشفناها
ذكرى : مال ايد لو مال شفايفك بدعه تره اني هم مشفت
خوله : والله متستحن وكمت اركض وراهن وسحبت مخده واضرب بيهن وهنه يركضن ويضحكن
ساهره : شبيجن جهال وناس تركض وره ناس
خوله : وانتي شعليج ليش الدوده مضوجتج
ساهره : قحط تكول ممعرسه گبل شبيج شويه ثكل
ذكرى : هاااج خوله هااي الغراض روحي لرجلج
خوله : اوكفي خلي افهم هاي شتريد
ذكرى : يمعوده الرجال بلطرمه عيب روحي
خوله : طلعت واني ضايجه من ساهره ردت اطيح حظها بس اكرم ينتظرني
هااك حبيبي وباجر اهلي يجون
اكرم : تعااي انتي وياهم
خوله : ميصير ياعيني
اكرم : تعالي وعد مني ماارجعج
خوله : همزين مااكدر اجي اعرفك وكح ومتكعد راحه يله روح
اكرم : ماكو حامض حلوو منا منا
خوله : ههههههه ماكو امشي طماع
باسني وطلع
رجعت لكيت ساهره تكول شبيجن هيج لوكيات مو وياجن احنا
خوله : اهووو شتردين بله تضوجيني مااضوج لو اكبر عركه هسه متضوجني
ساهره : لا عركه ولا لغوه اروح اشوف ابني وين راح
خوله : اي حيري بأبنج وبرجلج
ذكرى : عوفيها مالج دخل بيها ميته من غيرتها
بديعه : وين صالحه
ذكرى : راحت تتسوك شغلات للبيت وعمتي راحت تعزم المنطقه وتخلي ام اسماعيل وبتها تجي تحف لخوله باجر ماضل وكت
بديعه : واحنا هم انحف وعلى حسابج
خوله : اخذن من عمشه منيلي
ذكرى : يابه على حسابي بس فضنها
بديعه : كللللووووش حفافه بلاش
خوله : واني عبالي تهلهلين لخاطري
بديعه : ماكو فرق الفرحه وحده
خوله : رجعت كملت الترتيب وفرحانه طايره طير نمت حتى متعشيت وممصدكه عكب باجر الحنه وراها الزفه
كعدت الصبح واجت ام اسماعيل وكعدنا اتسطرنا وبدعه لازمه الطاسه وادك وتغني وذكرى وسهاد والجهال يصفكون وامي تهلهل
متربعه وكاعده گبال ام اسماعيل وكل اشويه اكول لامي
يمه شوكت ترحون تفرشون الفرشه
عمشه : يمه انطي صبر العصر نفرشها
خوله : يمه فدووة اخذي ذكرى ترتيب غراضي
عمشه : اخذهه مو مية مره گلتيهه دهر صابج
بديعه : اروح وياكم الله عليكم بس اهلهل
عمشه : اركدي اريدنج هنا عينج على غريضات االبت
بديعه : يله ابقى اهلهل هنا يم خوله
خوله : اضحك من كل گلبي واندكت الباب
ذكرى : اني اكوووم
كمت وبيدي ناي شايلتها فتحت الباب جان اطب ام اكرم وبيدها غراض
هله خاله وذبتهن بلطرمه
ام اكرم : عيني كولي لعمتج ماكو عرس لغيناه
ذكرى : لطمت على خدي شنو لغيتو
عمه عمه بصووت عاالي
واجت خوله وعمه يركضون وبدعه والكل
ام اكرم : هااي اغراض بتكم ماكو قسمه
عمشه : شنهي ام اكرم تسودنتي
ام اكرم : شون ترضيها ازوج ابني لوحده
بيها جن ملبسه مستحيتو تمشوها براسنا فوك ماارمله هلمره مخبله وبيها جن
خوله : اكرم وين دفعت امي وطلعت اركض لبيتهم
يتبع ...
