قصة : ( النص الحلو ) ل سهيلة سعيد المنجي

الحلقة ٢٩ و ٣٠

قصة : { #النص_الحلو } 🥂💔

الحلقة التاسعة والعشرون { ٢٩ } 🌘

امير : وربي ل اموته 😡
احمد بعياط وزعيق : بدل م تتشطر عليا انا روح اتشطر ع الي السبب ف تشويهك 😧
مؤمن بخضة : انت اتهبلت اخرس خالص !
امير : قصدك ايه !!
احمد : أسأل اخوك وصاحبك وهما يقولولك
( امير يبص ل مؤمن )
مؤمن : دة مسطول وبيخرف ، خلينا ناخده ونروح 😐
( يقرب مؤمن يشد احمد يقومه وينزل بيه ، ينزل امير وراهم مش فاهم حاجة ، ييجي الليل ، امير واهله ومحمد قاعدين بيشوفه هيعمله ايه مع احمد )
رؤية : لازم يروح مصحة
محمد : ايوة دة حالته متدمرة خالص ، مينفعش يتصبر عليه !
الاب بضيق : لا اله إلا الله 🤦
( امير قاعد مش معاهم خالص ، كل تفكيره ف كلام احمد ، يقوم يقف )
امير : هطلع اشوفه 😒
( يطلع امير ل احمد ، يدخل ويقعد ع كرسي جنبه )
امير : متزعلش إني ضربتك ، بس انت استفزتني
احمد : عارف ، ومش زعلان منك 😔
امير : هتتعالج إن شاء الله وتبقا زي الفل
( يشاورله ب اة )
امير بتردد : هواااا ، انت كنت قاصد ايه بكلامك عن الي شوهني ؟
احمد بخضة : ولا حاجة ، انا كنت متعصب بس !
امير : انت كداب 😐
احمد بتوتر : مفيش حاجة صدقني 😕
امير : م انت لو متكلمتش هجيب اخويا وصاحبي الي قلت عليهم واواجهك بيهم وبالكلام الي انت قلته ، ف قولي انت احسن 💁🏻‍♂
احمد : ي امير انا ..........
امير : اتكلم ي احمد ، مخبي ايه ؟
( يسكت احمد ، تحت قاعدين )
رؤية : امتى الخطوبة ي محمد ؟
محمد : اخر الشهر إن شاء الله
الاب : ربنا يتمملكوا ع خير
محمد : امين يارب
( ينزل امير وهو عينه كلها دموع ، يقف قصادهم )
امير وهو بيبص ل مؤمن ومحمد : كنتوا متفقين مع عاصم عليا !!
( يتخض الكل ويقفه )
امير : كنتوا قايلينله يوقع نغم عشان تبعد عني 😅💔
مؤمن : انا ..........
امير : انت ايه ، هو دة الحل الي ربنا قدرك عليه !
( يبص ل محمد )
امير بزعيق ودموعه بتنزل : هي دي المساعدة ي صاحبيييييي ، منكم لله ، منكم لله انتوا الأتنين ، ضيعتوا من عمر ست سنين ف الأرض ، ست سنين وانا بتعذب قصادكوا ، ست سنين وانا مش عارف ابص ل وشي ف المراية ، انا اذيتكوا ف ايه ، اذتكوا ف ايه قولولي ، انتوا مش بني ادمين ، والله مش بني ادمين ، اتبسطوا ، انتوا بوظته حياتي لتاني مرة 💔
( يبص ل خلود )
امير : دلوقتي بس اقدر اقولك إن انا الي أنتهت صلاحيتي 💔
( يمشي امير م البيت )
خلود : امير استني 😧
( تطلع وراه يكون ركب عربيته ومشي )
الاب بعدم فهم : حد يفهمني في ايه !!

*( فلاش باااااااااااك )*

( عاصم ومؤمن قاعدين ف كافيه )
عاصم : يعني انت عاوزني اجس نبضها ؟
مؤمن : انا عاوزك توقعها
عاصم : وبعدين ؟
مؤمن : بس كدة ، امير يعرف إنها شمال وخاينة ف يقتنع ويسيبها 🤷🏻‍♂
عاصم : وانا هستفاد ايه من كل دة ؟!
مؤمن : هستفاد بيها ، محمد قالي إنك باين عليك اوي اعجابك بيها وبتقعد معاها من ورا امير كتير 💁🏻‍♂
عاصم : تمام ، وانا موافق 🙂