قصة : ( النص الحلو ) ل سهيلة سعيد المنجي

الحلقة ٢٥ و ٢٦

قصة : { #النص_الحلو } 🥂💔

الحلقة الخامسة والعشرون { ٢٥ } 🌘

خلود : لا انا تمام ، وصلت واكلت واخدت دش وكله زي الفل 😊
امير : كل دة ي مفترية وسيباني مستني !
خلود بفرحة : كنت مستنيني بجد 😍
امير : اه والله ، كنتي وحشاني ♥️
خلود : والله وانت كمان ⁦♥️⁩
امير : من قلبك ولا مجاملة ؟
خلود : مسيرك تعرف إني دبش ومبعرفش اجامل ع فكرة 🤷🏻‍♀️
امير : لا عارف عارف ✋
خلود : هههههه 😄
امير : بتعملي ايه ؟
خلود : ولا حاجة ف اوضتي ، وانت بتعمل ايه ؟
امير : كنت نايم
خلود : احيه صحيتك ، انا اسفة روح كمل نوم 😕
امير : لا مش مهم ، بتتأسفي كتير انتي !
خلود : اتعودت طلاما غلطت لازم اتأسف
امير : هو انتي ليه اطلقتي ؟!
خلود بخضة : خضتني ع فكرة 😅
امير : معلش دخلت قفش كدة 😄
خلود : ولا يهمك ، تاني مرة اتوفى مطلقتش
امير : اة
خلود : انا اتجوزت مرتين ، مرة اطلقت عشان اتسجن وتاني مرة اتوفى
امير بضيق : اة !
خلود : انت اتضايقت ؟!
امير بتنهيدة : لأ ، بس محدش قالي الأسباب ولا قالي اي تفاصيل عمتاً ف اتفاجأت !!
خلود ب احراج : معلش بقا ، هما مختارينلك واحدة منتهية الصلاحية 😅💔
امير : ايه الي بتقوليه دة لأ طبعاً ، انا بس مستغرب سنك صغير ع كل دة !!
خلود : متحسبهاش بالسن لما يكون عندك اب كل همه يلم من وراك فلوس ويعمل مصالح ، مش مهم انت ولا مهم تحس ب ايه ، ولا مهم لما تعيش مع الشخص دة هيحصلك ايه 💔
امير : اول مرة اعرف إن عم رضا جشع كدة !!
خلود : واكتر من كدة ، انا عمري م هسامحه ابداً ع الي عمله فيا طول حياتي 💔
امير : اتجوزتي ازاي اول مرة ؟
خلود : كنت بكرهوا جداً ، كان عبارة ضرفة دولاب بكرش كبير 🤰🏻
امير : كنتي قصاده عصفورة !
خلود : صورصااااار وحياتك 🙄
امير : ههههه 😄
خلود : وكان يعتبر بلطجي المنطقة الي قارف نص بناتها معاكسات ف الرايحة والجاية ، بس انا كان بذيادة شوية ، قالي إنه بيحبني وإنه عاوز يتجوزني مع إنه يقدر يعمل الي هو عاوزه من غير جواز ، الي هو يعني تهديد ورومانسية ف نفس الوقت 🙄
امير : و*خ بس حنين
خلود : هههههههه بالظبط كدة 😄
امير : وبعدين ؟
خلود : انا رفضت واتخانقت معاه اكتر من مرة ، لحد م روحت ف يوم لقيته عندنا ف البيت قاعد مع ابويا ، اتخضيت وقتها وقلت اكيد مش جاي عشاني ، مشي وكعادة اي اب زي ابويا قالي إنه متقدملي وإنه كمان وافق وقرا فاتحتي عليه والجواز كمان شهر .، طبعاً انهرت والدنيا اتقفلت ف وشي لإن محدش بيقدر ع ابويا ، ف م الأخر هتجوزه هتجوزه🤷
امير : واتجوزتيه ؟
خلود : واتجوزته ، وراني اسود ايام حياتي ، ومن اول يوم لقيت اول قلم بينزل ع وشي إن ازاي واحدة زيي ولا تسوى ترفضه وتزله كدة ، وكأنها جريمة مع إن دة حقي زي اي بنت إني اقبل او ارفض ، ودة كان ابشع يوم ف حياتي إنه يغصبني اكون معاه ، كنت كل يوم بصحي ع زعيق وضرب وانام ع زعيق وضرب ، لدرجة كانت الناس بتبصلي بشفقة ، الي هو انتي ايه الي رماكي الرامية السودة دي ي بنتي !!
امير : مفكرتيش تمشي او تهربي ؟
خلود : فكرت كتير بس مكنتش هستفاد حاجة غير العار ل اهلي ، وكان هيعرف يجيبني من تحت الأرض ، وكمان بقيت حامل ف فرحت وفكرت ممكن يتعدل معايا وحياتي تبقا احسن ونبقا عيلة ، بس عادي جداً ضربني ف مرة لحد م اجهضت وكنت هموت فيها 💔
امير بخضة : ينهار اسود !!
خلود : اتمسك بعدها ف قضية شروع ف قتل ودة كان فرح بالنسبالي 😊
امير : طبعاً
خلود : استغليت الموضوع ورفعت عليه قضية طلاق من ورا اهلي وكسبتها ، يادوب عدى ٣ شهور العدة لقيت نفسي ف بيت واحد تاني وبرضو بالغصب ، دة قعدت معاه سنة ، كان ارحم بكتير م الي قبله بس برضو كان دايماً مشاكل وهم ومكانش فيه بينا اي تفاهم وكان تعبان ، كان كبير ف السن بس مش عجوز ، اتوفى وبعدها ب ٣ شهور كنت ف بيتك
امير ب اندهاش : ايه ي بنتي دة كله في ايه !!
خلود وعيونها بتدمع : والله اعلم الي جاي ايه ، في ناس كدة اتخلقت عشان يتلعب بيها ، وانا من ضمن الناس دي 💔
امير : طب وانا ؟
خلود : انت ايه ؟
امير : من ضمن الناس الي اتظلمتي معاهم ؟
خلود : انت اكتر بني ادم ف الدنيا دي حسيت معاه ب الأمان والراحة ، حسيت إنه محترمني ، رغم إني مش مهمة عندك بس حسيت إني بني ادمة ف بيتكوا
امير : مين قالك إنك مش مهمة عندي !
خلود : انت
امير : انا قلت كدة ؟!
خلود : بس مش بطريقة مباشرة يعني 🤷🏻‍♀️
امير : اياً كان ، انا عاوزك تسيبك من كل الي فات دة ، انا عارف إنه صعب يتنسي بس انا هحاول انسيهولك
خلود : كلامك بيطمن ، وانا بقيت اخاف اطمن 😟
امير : متخافيش ، بس انا عاوز اسألك سؤال وتردي عليا بصراحة
خلود : اسأل
امير : لو خيرتك بين وجودك معايا وبين إني اسيبك واطلقك ، هتختاري ايه ؟
خلود : ا ..........
امير : ثواني
( تسكت )
امير : ذائد إنك لو مش عاوزة ترجعي ل اهلك عشان ابوكي والي هيعمله انا ممكن اساعدك إن يبقالك بيت وشغل خاص بيكي ، ولو عاوزة تسافري تبقي بعيدة خالص هسفرك اي بلد تختاريها ، وكلامي جد ومستعد انفذه من بكرة لو اختارتي كدة ، ومفيهاش زعل
خلود : وانت هتعمل كدة عشان صعبت عليك من افعال ابويا فيا ولا عشان ايه ؟!
امير : عشان انتي مهمة عندي ♥️⁩
( تفرح خلود وتنزل دموعها )
خلود بحب وحزن : وانا ولا عاوزة شقة ولا شغل ولا عاوزة اسافر ، انا كنت بس الي بتمناه م الدنيا سند ، سند بس اتحامى فيه وميجيش عليا ، انا عوزاك انت ومش عاوزة ابعد عنك ♥️
( يفرح امير )
خلود : إلا لو انت الي مش عاوزني
امير : انا منكرش إني ف الأول مكنتش عاوزك ، بس عشان الموقف الي حصل فيا مش اكتر ، لكن بعد كدة انا بدأت اتشدلك ، مع إني كنت فاقد الأمل ف حاجة زي كدة ، بس انتي جيتي حركتي حاجات كتير جوايا كنت مفكرها ماتت اصلاً ، انا كمان عاوزك ومحتاجلك ، بس هتصبري معايا لحد م اظبط باقي الحاجات المكركبة الي جوايا ؟
خلود : هصبر طبعاً هو انا ورايا غيرك ي بيضة انتي 🥺⁦♥️⁩
امير : هههههههه ايه الدلع الغريب دة 😂
خلود : ههههههه الله جوزي حبيبي 😂♥️
امير : جوزك ايه ؟
خلود ب احراج : انت م الي بيعلقه بقا وكدة 😅
امير : جداً لا ورخم كمان ، ف قوليها احسنلك ⁦☝️⁩
خلود : هههههه ، حبيبي 😄⁦
امير : فاكرة الحاجات المكركبة ، اظن إنها اترتبت خلاص ومحمد بقا زي الفل ، نص ساعة واكون عندك ⁦
خلود : ههههههه 🤭
امير : انا مسافر قريب 
خلود ب خضة : لييييه 😟
( يحكيلها كلام محمد )
امير : ف هسافر اشوف هيقولي ايه
خلود : امير والله انت كدة كويس وانا عوزاك كدة زي م انت ، دة مش فارق معايا والله العظيم 😕
امير : عارف ، بس هجرب انا مش خسران حاجة 🤷🏻‍♂
خلود : خلاص الي انت شايفه لو دة هيريحك ، بس عوزاك لو منفعش متزعلش ، انت رايح تسأل وبس ⁦☝️⁩
امير : لا مش هزعل لأ
خلود : هيكون خير ب أذن الله
امير : ب اذن الله ، يلا روحي نامي الساعة بقت ٣ !!
خلود : لا بجد !
امير : والله
خلود : محستش بالوقت ، انت راجع بكرة ؟
امير : اة عشان ابدأ اشوف اجراءات السفر وكدة واجهز نفسي
خلود : تروح وترجع بالسلامة إن شاء الله ⁦♥️⁩