قصة : ( النص الحلو ) ل سهيلة سعيد المنجي

الحلقة ١٣ و ١٤

قصة : { #النص_الحلو } 🥂💔

الحلقة الثالثة عشر { ١٣ } 🌘

حسن : اة كلمته
علي ب استغراب : انا مش عارف امك وافقت ازاي صراحة !!
حسن بفرحة : انا اقنعتها 😀
علي ب استغراب : وانت مالك هتموت عليها كدة !
حسن : ولا هموت ولا حاجة ، دة عشان كانت مرات اخوك ومش عاوزها تتمرمت من بعده بس 🙄
علي : عليا برضو ، ال يعني انا مكنتش بشوف تصرفاتك معاها ونظراتك ليها وهي ع زمة اخوك 😏
حسن : طب متقولش الكلام دة قدام امك بقا عشان انا مش ناقص تعقيد !
علي : هي البت تستاهل ، جميلة جميلة يعني واخوك كان دافنها ، عندها حق تكرهوا !
حسن : انا بقا هعيشها احلى ايام حياتها ، وهعوضها عن كل دة ، بس هي تقول اة 🙂⁦
علي بتنهيدة : طيب يخويا 😑
( تاني يوم ، ف بيت وجدان ، يصحى امير ويقوم من جنبها يلبس هدومه ويمشي ، يوصل بيته ، يعدي الوقت ، رؤية قاعدة مع امير )
امير وهو بيقوم : رؤية لو هتفتحي الموضوع دة هقوم امشي ⁦☝️⁩
رؤية : اهدى بس واقعد ، متزعلنيش منك !
امير : انا مش عاوز ازعلك ف متزعلنيش انتي كمان !
رؤية وهي بتشد ايده تقعده : اقعد طيب نتكلم بالعقل مش قفش وخلاص كدة 🤷
امير ب اصرار : جواز ومش هتجوز ي رؤية
رؤية : ايه تحكيم الرأي دة ي امير ، هو ايه الي مش هتجوز ، هتفضل سنجل طول حياتك يعني !
امير : اة هفضل سنجل طول حياتي
رؤية : مينفعش ي حبيبي مينفعش !
امير : لا ينفع ، للي زيي ينفع 😒
رؤية : ايه للي زيي دي ، دة انت الف واحدة تتمناك 🤷🏻‍♀️
امير : كدابة ، مين هتقدر تبص ف وشي دة كل يوم ؟!
رؤية : ماله وشك ، انت الي مش عاوز تهتم !
امير : اهتم ليه ولمين ، خلاص خلصنا !
رؤية : لا مخلصناش ي امير ، الي خلصنا منه هو موضوعك مع نغم دة الي خلص فعلاً ، لكن متوقفش حياتك عليها بقا
امير بضيق : الي ايده ف الماية مش زي الي ايده ف النار ، وقفلي ع السيرة دي والنبي 💔
رؤية : لو انت مقفل عليها من جوة هقفل انا عليها من برة 💁🏻
امير وهو بيقوم بعصبية : انتي ليه مش عاوزة تفهمي 😠
( تقف رؤية قصاده )
رؤية : افهم ايه ، الي فهماه إنك واحد متعقد !!
امير ب انفعال : انتي غبية ، انا مش متنيل متعقد ، الي فات خلاص راح ف ستين داهية وحقي جبته ، انا مش عايش دور المجروح الي مش عاوز يقرب من اي ست ، انا فعلاً مينفعش اقرب ، مين هتوافق عليا بشكلي دة ، مين م تردي ، هاخدك حالاً ونتقدم للبنت الي تشاوري عليها بس هي هتوافق عليا ، هتوافق بيا وبمنظري كدة ، ولا عوزاني اروح اشوف نظرة الخوف ف عيونها هي واهلها ، وبعد كام يوم الخوف دة يتحول ل شفقة وبعد كام يوم تقعد مع صحابها تفكر ف تقول لا مش هدمر حياتي بواحد مشوه زي دة انا هسيبه ، وتسيبني بعد م اتعلق بيها وأمن من تاني ، ولو انا فضلت صعبان عليها وكملت معايا هخرج معاها ازاي ، هتمشي معايا ف شارع ازاي ، هعمل فرح ازاي ، مظنش في عروسة هتقبل تتجوز من غير فرح وخطوبة ، هقعد جنبها قصاد الناس ازاي ، الناس هيبصولي ازاي ، دة انا امي مكانتش بتتحمل تبصلي وخلتني بقيت اتهرب من اي مكان يجمعنا ، حتى يوم م اتوفت خفت احضر العزا ف اجيبلكم الكلام م الناس ، رحت الدفنة بعد م دفنتوها ومشيتوا ، وتقوليلي اتجوز 💔
( تدمع عيون رؤية )
امير : انا مش عاوز اهتم لأ انا اهتميت ، رحت للدكتور من سنتين وقالي فات ع موضوعك فترة ومش هينفع تعمل عملية ، خلاص كدة 💔
( تتخض رؤية وتنزل دموعها )
امير بكسرة : دة انا ومحدش هيقبل بيا كدة ، ف اسكتي بالله عليكي ي شيخة ، اسكتي 💔
( يمشي امير ، بباه كان ع السلم وسامع كل حاجة ، تطلع رؤية )
رؤية بحزن ل ابو امير : عنده حق ف كل كلمة قالها 😔
( تمشي رؤية ، يتنهد الأب بحزن ، امير ف عربيته عمالة تنزل دموعه ، ييجي الليل ، ف مطعم كبير ، الكل قاعدين )
مؤمن : مكانش وقت الحوار دة ي بابا انت عارف إنه بيضايقه !
الاب : الي حصل بقا ، وانا هفضل ساكت ل امتى 🤷🏻‍♂
رؤية : مش هييجي صح 😕
مؤمن : مش عارف
امير الصغير : خالو جااااي ؟
روتيلا : لا مش جاي احسن 😛
امير الصغير بحزن : شايفاااا 😟
رؤية : لا جاي ي حبيبي إن شاء الله ، بس ي روتيلا مضايقهوش ☝️
روتيلا : حاضر 🤭
( ف بيت خلود ، خلود قاعدة مع مامتها )
خلود : ي ماما بالله عليكي كلميه 😟
الام بخوف : مقدرش !
خلود : ليه بس هيعملك ايه يعني !
الام : دة يبهدلني م انتي عارفة !
خلود ودموعها بتنزل : حرام عليكم ، حرام عليكم كفاية مرتين والله هتتحاسبه عليا ، هتتحاسبه ع رميتي دي 😣
الام : رامية ايه بس احنا عاوزينلك الستر ي بنتي 🤷🏻‍♀️
خلود بعياط : بالرضا مش بالغصب ، دي تالت مرة حرام والله 💔
الام ب تنهيدة : لا اله إلا الله 😑
( ف محل لعب اطفال ، واقف امير بيختار لعبة ل ابن اخوه ، يشوفه بيبي حوالي سنتين ، يقرب عليه يلعب معاه ، تلمحه مامته ، تجري تاخد ابنها بخوف ، يبصله امير ب ابتسامة وجع وياخد اللعبة ويحاسب ف الكاشير ويركب عربيته ويمشي ، خلود ف اوضتها ماسكة الفون بتكلم صاحبتها ع الواتساب )
دينا : ي بنتي كلميهم تاني
خلود : اتكلمت كتير مفيش فايدة
دينا : طب انتي من وجه نظرك هو كويس ولا لأ ، م انتي اكيد عرفاه 🤷
خلود : مش كويس طبعاً دة حيوان وليا مواقف زفت معاه ، دة كان بيتحرش بيا ف وجود اخوه !
دينا بخضة : ينهار ابيض !!
خلود : مستحيل اتجوز البني ادم دة ، حتى لو وصلت إني انتحر 💔
دينا : بطلي الكلام الأهبل دة ، اكيد هنلاقي حل 
خلود : يارب بقا 🤦🏻‍♀️
( تاني يوم ، قاعد ابو امير ف الجنينة وع رجله لاب توب وف ايده فنجان قهوة ، يقرب عليه الجنايني )
رضا : نصر السواق بيقولك العربية جاهزة ي باشا
الاب : ماشي ي رضا 😒
رضا : تؤمر ي باشا
الاب وهو بيقوم : ياريت تهتم بالجنينة اكتر من كدة ي رضا الورد دبلان !!
رضا ب تنهيدة : امرك ي سليمان باشا حاضر
الاب ب استغراب : مالك اليومين دول مش عاجبني !! 
رضا بحزن : الهم ي باشا الهم ، ديون متلتلة ومسؤلية عيال وشغل وبنتي جوزها مات ورجعتلي تاني ، الواحد يعمل ايه بس !
الاب : ي راجل قول الحمدلله ع كل حال !
رضا : الحمدلله ي باشا ، الحمدلله 🤷🏻‍♂
الاب : همشي انا عشان متأخرش
رضا : اتفضل مع السلامة
( يدخل امير ع جوة )
الاب : امير !
( يقف )
امير : اممممم 😑
الاب : تعالى هنا
امير : ايوه ؟
الاب : قلت تعالى !
امير وهو بيقرب عليه : نعم ؟
الاب : كنت فين من امبارح ؟!
امير : ف الشغل
الاب : مش قلتلك عيد ميلاد ابن اخوك ؟!
امير : جبتله هدية وبعتهاله ع البيت ، عن اذنك هطلع انام ، تصبح ع خير 😒
الاب ب استغراب : تنام ايه احنا الضهر !
امير : وانا بخير 🙄
( يطلع امير اوضته )
الاب : صبرني يارب ، حتى اليوم الي بنتجمع فيه مش هاين عليه !
رضا : معلش ي باشا ، يمكن هو بيرتاح كدة الله اعلم 🤷🏻‍♂
الاب : مينفعش كدة احنا لينا حق عليه !
رضا : طب م تجوزه ي باشا
الاب : ياريت والله بس هو مش موافق ، غلبنا معاه كلنا 🙄
رضا : الف بنت تتمناه بس هو يشاور
الاب : هو مش عايز ، مش حابب يقرب لحد خالص ، مفكر شكله هيضايق الي هيتجوزها
رضا : لا وحياتك الشكل مش كل حاجة ، ربنا يكتبله الخير ويرزقه
الاب بتنهيدة : يارب ي رضا 😑
( يطلع امير اوضته يترمي ع سريره م التعب ، يرن فونه ، يمسكه )
امير : مش وقتك ي محمد 🙄
( ميردش ، يرن تاني وتالت ميردش ، وفجأة ، يتفتح باب الأوضة )
محمد بزعيق : مبتردش عليا ليه ي بن ال***** 😠