رواية جنون الحب الجامعي

البارت الرابع و العشرين

مهيمن : اخذ محادثات و مكالمات منها و حتى تلفونها كله خلي بالحاسبه و لو تصور الها مقطع يكون أفضل حتى ما يصير لبس بالموضوع و شغلتك تمشي و نسحله

ابراهيم : تم بالسلامة رند يمج الموبايل صاير بيناتكم محادثه

رند : اي دكتور تفضل

ابراهيم : سحبت محادثاتهم و يمي هذني يبقن يمي و ياريت تسجيل اعترافج مقطع و اضمنلج ما اخلي واحد يدري

رند : الله يحفظك و يحفظ ريماس الك بس استر عليه

ابراهيم : سهله هاي رند سجلت اعترافها خطي و مرئي راح تتأخرين على اهلج روحي

رند : اي دكتور شكرا بس عفيه متأكد ما ياذيني

ابراهيم : اطمأني بس اي مستجد بلغيني هذا رقمي

رند : اي

ريماس : راحت لبست جبتي و شال

ابراهيم : ها كملتي نتوكل

ريماس : اي شسوي بالحاسبه

ابراهيم : كم شغله اخليها و أخزنهن باقراص حتى ما يكدر يفلت هل مره

ريماس : كمل شغله و ودع توفيق و طلعنا البغداد و اخيرا عفت هاي الكلية فرحانه كولش

إبراهيم : الوجه منور

ريماس : راح اشتاق الايامنا من جنت اكعد على الكاونتر و اساعدك بالطبخ

ابراهيم : حسبي اسبوع و نرجع نفس الشي بس ارتب ذاكه البيت قابل ادخلج على اثاث قديم لو بي ذكريات طليقتي اني ما اقبل

ريماس : اي شي وياك حلو حتى لو خيمه بالصحراء

ابراهيم : مليانه حشرات الصحراء

ريماس : ها يعني مو خيمه بالسيارة نكعد ههههههه

ابراهيم : جبانه اسألج

ريماس :  كول

ابراهيم : تقبلين نزوج

ريماس : ليش تسألني

ابراهيم : حتى اعرف و ابدي امهد الج

ريماس : إذا تحبني أوافق بس انت كولتلي من اثبت برائتج اطلكج

ابراهيم : ههههههه اسبوع ما اتحملت بعدج اشلون اتحمل اعيش بدونج بس بعدني على سالفة الحب

ريماس : ليش

ابراهيم : طبكت السيارة ريماس بعدج بسن مراهقة و يا خوفي احبج و اطلعين حبيتيني حب عابر بعدين ما تتحملين تعيشين وياي خلينا هيج أريد اصدك انتي تحبيني ما أريد بس كلبج يشتغل بحبي عقلج و كل جسمج

ريماس : يعني قصدك داراهق و مداحبك يعني هاي الدكان كلها مزيفه ابراهيم

ابراهيم : كله حقيقي ريماس بس خلال هاي الفترة الإنسان مستعد يحب الف شخص بس من يوصل سن ال٢٠ يبقى شخص واحد بحياته بس