❣️Unicode Version❣️
မနက်၃နာရီမို့ နွေဦးအိမ်ကထွက်တော့ အတော်လေးမှောင်မဲနေသည်။အိမ်က လူအားလုံးအိပ်ရင် မီးပိတ်တတ်တာကြောင့် အလင်းရောင်မရှိ။အိမ်ရှေ့ဓာတ်တိုင်မီးအောက်တွင် အမဲရောင်ကားလေးတစ်စီး။
နွေဦးခြံထဲကအမြန်ထွက်ကာ ကားလေးဆီပြေးသွားလိုက်ရင်း ကားပေါ်တက်ရန် တံခါးဖွင့်လိုက်သည်။
တွေ့လိုက်ရတဲ့လူက ခါတိုင်းလို အနက်ရောင်တွေနဲ့မဟုတ်။အင်္ကျီအဖြူတီရှပ်ပေါ်မှာ အဖြူရောင်လက်ရှည်ကိုထပ်ဝတ်ထားပြီး လက်ခေါက်ထားသည်။ဘဝမှာတစ်ခါမှမခံစားခဲ့ရဖူးသော ခံစားချက်ကြီးက ဒီနေရာမှာ ပိုပြီးစီးမျောအသက်ဝင်လာရင်း နွေဦးအား ခေတ္တခဏ မေ့မျောစေသည်။စိတ်အာရုံတွေက အခြားဘယ်နေရာမှာမှမရှိ။ထိုသူ၏ အကြည့်တွင်သာ...။"အိမ်ထဲမှာ မီးတွေဖွင့်နေပြီ"
ထိုသူရဲ့ ခပ်အေးအေးအသံအောက်တွင် နွေဦးပြန်သတိဝင်ခဲ့သည်။အိမ်ထဲကို ပြန်လှည့်ကြည့်တော့ ကြီးမေအခန်းက...။ကြီးမေပြင်ဆင်စရာရှိတာထပြင်ဆင်နေတာဖြစ်မည်။မနေ့ကလည်း တစ်နေကုန် ကြီးမေရော ဦးဇော်ရော မနားရ။မကြာပါ။ဒယ်ဒီတို့အခန်းကလည်း မီးလင်းသွားသည်။ဘုန်းကြီးတွေက ၅နာရီလောက်မှကြွလာမှာမို့ နွေဦးထွက်လာတာ စောလွန်းနေသည်။
နွေဦးကားပေါ်အမြန်တက်ကာ ခန့်ညီညီမောင်လည်း ကားကိုတဟုန်ထိုးမောင်းနှင်သွားတော့သည်။"ဘယ်ကိုသွားချင်လဲ"
"ဟင် အစ်ကိုပဲညီ့ကိုတွေ့ချင်တာမလား"
"အေးပါကွာ ဒါဆိုအစ်ကိုသွားချင်တဲ့နေရာသွားရမှာပေါ့ ဟုတ်လား"
"အင်း ရတယ်လေ တိတ်ဆိတ်တဲ့နေရာဆို ဘယ်နေရာပဲဖြစ်ဖြစ်"
ו•×••×••×••×••×••×••×••×••×••×••×••×••×••×••×••×••×
ကားပေါ်မှာအတော်လေးကြာသွားသည်နှင့်တူသည်။နွေဦးလည်း အိပ်ပျော်လာတာ နိုးလာတော့ကားကရပ်လျှက်...။
မျက်လုံးကို ဖြည်းညှင်းစွာဖွင့်ကြည့်မိသည်။ဘေးမှာ ဘယ်သူမှမရှိ။ကားရှေ့တည့်တည့်မှာတော့ အဖြူရောင်အုတ်ဂူပေါင်းများစွာ...။သင်္ချိုင်းပဲဖြစ်ရမည်။
ကားအောက်ဆင်းကြည့်တော့လည်းဘယ်သူ့မှမတွေ့။ရုတ်တရက်မျက်နှာပေါ်သို့ ကျလာသည့် နေရောင်ဖျဖျလေးကြောင့် အထက်ကိုမော့ကြည့်ရာ အလွန်အိုဟောင်းနေပြီဖြစ်သော လက်ပံပင်ကြီးတစ်ပင်။နာရီကိုကြည့်တော့ မနက်၆နာရီတောင်ခွဲပြီ။
![](https://img.wattpad.com/cover/244967923-288-k174706.jpg)
YOU ARE READING
Raindrops
Short StoryHello! သာသာNEOပါ ဒီBL Ficလေးကတော့ သာသာကိုယ်တိုင် ပထမဆုံးရေးဖူးတဲ့Ficလေးဖြစ်ပြီး Publicမှာချပြဖူးတာပေါ့နော်☺️ ဇာတ်လမ်းထဲမှာပါတဲ့ အဓိကဇာတ်ကောင်တွေကတော့ Nway Oo Khant Ko Ko Maung Khant Nyi Nyi Maung U Myo Thu Hla Pyo Phyuတို့ပဲဖြစ်ပါတယ် ဒီထဲမှာ KKKM K...