لم تكن أمي(لبوة الأسد)

... 22...

هدى _هزيت راسي بمعنى اي،،
نركص وايديه تتحرك على خصري بخفة وابتسامتة مرسومة على وجهه لمساته توترني حيل... كملت الأغنية ورجعنه كعدنة على الكوشة وراها حناني..

رجعوا علكوا غير اغنية وكامن عماتة يركصن اله انوب هاي جواهر كامت تهز صار شكد متحركت من مكانها هسه من طب مهيمن صارت تركص ضجت اخاف يحن الها مهيمن بهاي تصرفاتها باوعت عليه..

صافن عليه ولا باوع عليها صح نضراتة جريئة بس مي بارد ونزل على كلبي من منطاها مجال.. اخذنة صور عائلية وراها سلم وطلع مهيمن حته بدون ميحجي وياي شبي ظاج على ساعة..

فاطمة _يلا هدى كومي لبسي اخير فستان الفستقي حته وره العشة بعد تخلص الحفلة..

هدى _تمام.. مشيت قبلها داطب للغرفة انداريت عليها شنو مراح اطبين وياي..

فاطمة_يمعوده هوه فستان لبسي وحدج اني متت جوع خلي الحك على العشة لا ينسفوا الجماعة..

هدى _عابتلج ام بطن..
طبيت وحدي بعدني ستوني ساده الباب حسيت على احد جرني خفت حيل داعيط انسد حلكي باوعت هذا مهيمن!!

مهيمن _هذا اني لا تخافين..

هدى _وخر ايده وحط راسة على كصتي أنوب صار يمشي اصابعة على شفايفي واني من وره حركاتة احس نفسي حوكع من طولي والله.. بعدين همس يم اذني

مهيمن _والله ماكدر اضغط على روحي اكثر اليوم واذا ابقى هيج لباجر هم راح ااذيج واني ماريد اسوي شي اندم عليه بعدين احبج هدى احبج يا لبوة الأسد لج اموت عليج حبج حركني حرك..

بلعت ريكي هم متفاجئة من طريقة كلامة الغريبة وهم خجلانة كلش واني بين ايدي يعني بهيج موقف الواحد شيسوي ماعرف رفعت راسي اله بهدوء بسرعة اخذ شفايفي بين شفايفة وصار يبوسني بوسات حارة قوية..

حته منطاني مجال اعبر عن ردت فعلي جنت كل مابتعد يرجعني لحضنة اكثر لحد منكطع نفسنة واحتاجينة الهوى ثنينة ابتعد عني وهوه يتنفس سريع..

غمضت عيوني اطلب من كلبي يهدء لانو راح ننفضح اني وياه.. رجع شبكني بقوه وحجه..

مهيمن _شوكت يخلص هذا العرس الكشره صمط ابو ابوية والله.. هدى لا تباعين عليه هيج على الاقل بقيلنة هاي مو تنازلت عن الشغلات الأكبر..

هدى _بخجل،، شوكت تروح اريد ابدل وتأخرت على النسوان..

مهيمن _هاي شنو طرده بأدب يلا رايح فد ساعة واجي عليكم حته نرجع للبيت..

هدى _اوك..
طلع وحسيته طالع غصب عنه اخذت نفس ليش كلبي هيج يدك ليش مديقبل يهدء شكاعد يصير بيه شوية ارتاحيت وكمت لبست فستاني الفستقي باوعت بالمراية حمرتي نصها ممسوحة شلون فضيحة هاي رجعت خليت حمره وطلعت يم الناس..

فاطمة_شنو نمتي لو ادري جاية وياج اساعدج باللبس ولا هلكد تتأخرين اكلت وشربت وركصت وانتي بعدج..