لم تكن أمي(لبوة الأسد)

...17...

قبل متقرون دوسوا ال ⭐

،، رواية لم تكن أمي،،

_البارت السابع عشر _
بقلمي _Zoza25
........................

الذين عرفناهم بعقولنا قد
يسقطون من الذاكرة ..
لكن من أحببناهم بقلوبنا
لا يسقطون أبدا فذاكرة
القلوب أقوى والمشاعر
لا تنسى ..
.........................
هدى _ حلوات من تصير عصبي..
بس كتله هيج ملامح وجهه لانت وصفن عليه شكد جان عصبي بس هسه هدء  شفته رفع ايده حطها وره راسي سحبني اله وخله شفته على شفايفي وباسني بخفه غمضت عيوني.. ابتعد شوية وحجه

مهيمن _هدى لبوه الأسد احبج والخلق السماوات احبج..

هدى _رجف جسمي اول شي من باسني وثاني شي بعد ماسمعت كلامه الي واضح عليه الصدق واللهفه بس حيل ضجت منه دفعته عني..

حجيت،، انته منو سمحلك تسوي هيج تره عيب عليك

مهيمن _رفع حاجبه،،
ليش عيب مرتي كدام الله والدنيا كلها وبعدين انتي لو متردين ابوسج جان دفعتيني اتوقع موو..

هدى _فكيت عيوني بصدمة،،
شنو قصدك انو اني الي رايده هذا الشي..

مهيمن _والله مادري علمي علمج بس شوفي انتي جنتي تضحكين واني محترك بس هسه صار العكس..

هدى _هوه شنوو شكو تضوج انته قابل امشي واكتب على كصتي يابه اني زوجة مهيمن لحد يخطب..

مهيمن _اكلج هدوشة اشوفج عصبتي خلي اهديج على طريقتي..

هدى _بسرعه وخرت من كدامه بلعت ريكي وحجيت،، اريد ارجع للبيت مهيمن

مهيمن _تمام راجعين بس خليها ابالج هدى طلعه بعد للمحل مال ابو عبد الله ماكو انسيها واصلا اي طلعه وحدج هم ممنوع لو اطلعج اني لو تبقين بالبيت..

هدى _لا والله معليك بيه شنو سجن خوما سجن..

مهيمن _لا مو سجن بس اني يعجبني هيج وكتلج بعد..

هدى _مو بكيفك لازم اروح للمحل كل شغلي بي كافي تقرر عني..

مهيمن _اني شحجيت لا تخليني ابطلج من التصميم هم..

هدى _شحدك اصلا مسويها

مهيمن _هاا يعني تتحديني وعبالج بكلمتين منج امشي بحجيج شوفي لعد تصميم وماكو وطلعه هم ماكو وهسه احاجي الرجال أكله ماكو بطلنه منريد نشتغل عدك

هدى _متسويها ماصدك..

مهيمن _خوش لعد،،
طلعت جهازي دكيت على ابو عبد الله بعد السلام حجيت وياه وكتله هدى بعد ماتشتغل وياكم وسديته منها شفتها عيونها مدمعه..

هدى _خلصت..

مهيمن _هاا أشوفج انقهرتي مو تكولين متسويها..