لم تكن أمي(لبوة الأسد)

... 22...

علمني اغمض العين..
دونك لحضه يالغالي..
نسيت شلون الك اشتاك..
من كد ماتجي أبالي..
يا هنيالي و يا هنيالي..
حبيبي يمي يا هنيالي..

مشيت واني اباوع على الي حاضرين من اقاربنة منا أمي حياة وفطومة وبيبي ومناك احلام وصبيحة عماتي وخالاتي الي خالات بس بالاسم وأقارب زوج عمتي جنان..

شفت الي يتمنالي الخير والي يريدلي الشر شفت الي فرحان والي كالب وجهه معاجبة والي يباع على هيبة وشكل مهيمن واكيد اكو الي يكول نيالها..

وصلنه للكوشة كعد شوية مهيمن وقبل ميكون حاجاني..

مهيمن _لا تخلين احد يصورج جايب اني مصوره خاصة تصور كل الحفلة تمام..

هدى _تمام،،
باوع عليه بصفنة وبعدين باس راسي وطلع.. البنات علووا صوت الاغاني وكاموا يركصون وما شاء الله كلها تركص الكبار والصغار ههه..

وره شوية سولي جلوه كعدت على كرسي بالنص وحطوا الشال فوك راسي وشال لخ لزمنة اربع بنات ما متزوجات صارت تقره المله والبنات يرفعن وينزلن بالشال فوك راسي..

خلصت رادوا يحنوني مقبلت فاطمة..

فاطمة _مهيمن ميقبل نحنيها كال هوه يجي يحنيها فد شوية..

هدى _والله مهيمن عليه سوالف اجو البنات فاطمة وغدير كومني حته البس بدلتي الثانية البصلي رحت لغرفة التبديل بس شنو تفاجئت هاي المارونية الي كتلت روحي عليها مو البصلي..

فاطمة احنه مو اخذنه اللون البصلي شو هاي ماروني..

فاطمة_اي مو مهيمن بعدين بدلها وجاب الي وكعت عينج عليها شتردين بعد عمي ههه..

هدى _ابتسمت بفرح،،
بدلت بسرعة وعدلت مكياجي بس طلعت يمهم حجت المله انو اوكف بالنص..

والبنات داير مدايري يفترون  طبعا انتبهت اكو بنات لبسن حجاب مدري شعجب فاطمة كامت تهز وسوتلي واهس وياها اركص واتمايل ويه صوت الاغاني..

يعني اذا اريد اطلع يوم حلو عشتة بكل حياتي الماضية فهوه يوم حنتي كل شي حلوو صار بهذا اليوم مهيمن قدملي سعادة بعمري محاسة بيها..

بهل أثناء واني مندمجة حيل بالركص حسيت على البنات وكفن ركص التفتت شفت مهيمن واكف بالباب مال قاعة تقدم عليه وصار وياي بالنص باوع عليه وغمزلي يابة اني اذا ادوروني متلكوني بهاي اللحضة..

لزم ايدي وخلاها  على اجتافه وهوه حط ايديناتة على خصري وصار يركص وياي على أنغام موسيقى هادئه انتبهت عليه لابس قاص رسمي اسود والقميص لونة ماروني غامق قريب من لون بدلتي..

حجيت،، مهيمن طلعت رومانسي ومادري بيك شنو هاي..

مهيمن _ههه اعجبج يابة.. على العموم اني كل شي سويتة حته افرحج وحته الكل يعرف انتي وراج سند ومو اي سند قوي ومراح يميل بس صيري انتي وياي..