لم تكن أمي(لبوة الأسد)

... 22...

هدى _والله جسمي مابي شعر منظفته..

حياة _حتلو ماما  ضروري نسويلج هاي يلا خلي أبدي قبل ما يجي السيد..

هدى _طبعا حتلو احجي لو أرفض محد يسمع خو بيبي من تحط شغلة بعقلها تسويها تسويها.. الحمد لله الوجع مثل البلسم على كلبي بحيث احس جلدي انصلخ وطلعلي جلد جديد ويه كل مره تشيلها اريد اعيط واذكر جدو كاعد وهاي بيبي خربانة ضحك عليه هيه لازمتني حته ماشرد وامي تسويلي جسمي..

ويه كل ألم اسب بداخلي احلام وصبيحة يمكن مبقيت مسبه تعتب عليه اليوم.. انوب كملت جسمي جابت الخيط وحفتلي كوول وجهي يعني ما شاء الله اليوم الأوجاع بفلس صارت بحيث بس خلصوا مني ذبيت روحي بالكاع..

اخ يا يمه اخ يا يابة متتت شكد ظالمات انتن جلدتوني الف جلده عبالك..

الحجية _اي واخيرا بين شكلج جنتي محلوه قبل هسه بانت ملامحج..

هدى _مقبولة منج بيبي..

الحجية _يلا لا تزعلين مني وهسه حته اراضيج راح اطب وياج بالحمام من تسبحين اساعدج بالغسل شتردين بعد..

هدى _طفرت من مكاني،،
لااا دخيلج كل شي ماريد منكم بعد مشكورين مقصرتن اعرف اسبح وحدي وداعت عيون جدو الحلوه الي تحبيها بيبي ههه..

الحجية_يااا ولج سمعتي شدكول هاي البت شو استخفت كلش من خطبها الزلمة..

هدى _لا والله بيبي استخفيت من وره سوالفج هاي..
ماحسيت غير انشمر النعال على راسي عاد طلعت ركضت لاا انكفخ بعد مره ههه..

اخذت ملابسي و طبيت اسبح اباوع على جسمي احمر صاير وكلش ناعم باوعت بالمراية  متغير شكلي صدك صايره احلى وملامح وجهي برزت اكثر..

كملت بسرعة مشطتت شعري وطبيت بالفراش اجه على بالي كلام مهيمن وياي وشكد جان متفهم بعدين صرت اذكر حياتي القديمة اهلي عيشتي يم احلام وصبيحة وكمية الاذية الي جنت عايشة بيها جميلة وافترائها عليه مازن وتحرشة اختي وكذبها

سبحان الله من طلعت من هذاك البيت صارت حياتي طبيعية حالي حال بقية البنات بس شكد جانت قاسية عليه لدرجة بس عفتها رجعت عشت من جديد..

الإضرب رجعت حبلت ياربي والله انقهر على خواتي يعني اذا اجت بنية هم راح تعيش نفس معاناتي كون ولد حته ميتأذه..

ماعرف ليش بهاي الليلة كل اوجاعي هاجت عليه وحته بجي كمت ابجي ظليت اتكلب بنومتي يارب فوكاها باجر حنتي واني لهسه منمت شيكعدني باجر الصبح مادري وره مشوار من التفكير نمت..

ثاني يوم كعدتني امي بالدفرات ساعة بال١٠..

حياة _ولج كوومي مو اليوم حنتج مظل وكت كافي نوم راح اذب عليج مي اذا مدكومين..

هدى _بسرعة كمت لانو ادري بيها تسويها،،
كمت يمعوده ها اها بس ارجوج من دون مي..

حياة_يلا عشر دقايق والكاج جوه مفهوم..