لم تكن أمي(لبوة الأسد)

... 22...

_شنو رأيج؟

هدى _والله حيل حلوو عاشت ايدج..بهل أثناء واجت فاطمة

فاطمة_وهلا وهلاا عرس هدوش هيل وطش بالولاية.. وكلوووش فدوه شنو هل جمال ولج وينه أخوية عنج يمكن يفترسج بهل لحضة وميصبر لباجر..

هدى _انجي ثولة شوية استحي..

فاطمة _معليج خية خليني فرحانة خلي أخذلج صور قبل منطلع..

هدى _جانت فاطمة هم مبدله وكاشخة على اخير حباية والله طالعة عينها هاي الابنية..دك مهيمن على فاطمة حته نطلعلة لبسوني الكب وطلعنة بره طبعا بالكوه اشوف ردت اكعد وره مقبلوا..

فاطمة _كعدي بالصدر اريح الج هدى..

هدى _صعدت بالصدر وباقية على حاسة السمع والله من وره الكب شفت مهيمن علك اغنية حسام الرسام الف مبروك والاحلى يغني هوه وفاطمة هههه حته مهيمن استخف والله..

نسمع احلى هلهولة..
للغالي الحلو طولة..
الف مبروك كولولة..
الف مبروك يالغالي..

الايدك محناية..
جبيره فرحتك هايه..
هيل وطش بالولاية..

علكوها فاطمة ومهيمن رفعت الكب انوب اشوف فاطمة حته تصفيك كامت تصفك.. مشوار الطريق وجان نوكف يم قاعة رأسا مهيمن عدل كعده..

مهيمن _يلا كافي بعد ثكلوا..

فاطمة _هههه كول لنفسك بالاول..

مهيمن _عريس ماعليه عتب تره هاا..

هدى _باوعت على مهيمن متفاجئه حجيت،، ليش الحنة مو بالبيت؟

مهيمن _ابتسم.. مكان يأذيج ماوديج عليه إلا برغبتج..

هدى _ والله جيت ابجي لانو صدك مجنت طايقة اروح هناك..

نزلوني فاطمة ومهيمن طبينة من الباب الخلفي ومناك رحنه لغرفة يمكن مال استراحة اني من الحر بسرعة ذبيت الكب ناسية مهيمن موجود ويانة..

انتبهت عليه نضراته الي كلها إعجاب وحب حيل خجلتني والله بعدين راح ماعرف وين شوية ورجع جان لابس بدلتة العسكرية شكد طالع هيبة بيها نزلت نضري عنه لا ينتبهه عليه...

اجت بنية كالت ٥ دقايق من تبدي الأغنية دخلوا للقاعة سوية..

فاطمة _يلا بعد اني اروح يم المعازيم وانتوا تعالوا ورأية..

هدى _بس راحت فاطمة اجه يمي مهيمن لزم ايدي وباسها بقوه

مهيمن _طالعة كلش حلوه يا احلى بنية شافتها عيوني..

هدى _ش.. شكرا حسيته اكلني بنضراته والله صخنت همزين عاد نقذتني بداية الأغنية تعلن عن دخولنة للقاعة لزم ايدي حيل..

مهيمن _رفعي راسج اريدج دوم واثقه من روحج وتكسرين عيون كلمن حجه عليج..

هدى _ههه تمام..
أشرت الابنية وانفتحت الباب و دخلنة على اغنية ياهنيالي..