ثلاث دمعات

بارت 1

أرجع أتوسل بأبوي وحمدية ينطوني فلوس أشتري اعنفص وابجي بس محد
بحااالي !! مرات من جوعي و خصوصاً بأيام الشتا
من كلها تدخل للصفوف الگط الصمون الباقي من اللفات وأكلة بالختلة..

رحت للثاني.. وهنا خواتي جانن مستحقات التسجيل
بالمدرسة.. توسلت بأبوي بست رجلي وادي يسجلهن
بس رفض رفض قاطع ما أستسلمت أسبوع كامل
كل يوم أروح اتوسلة وابجي وما يرضى حدما أيست منا بدأ الدوام.. ما ردت ادوام أحس لهفتي كلها ضاعت جنت اتمنى خواتي وياااي بس قررت أكعد وياهن لو ندرس كلنا لو بلاها وتولي الدراسة!!

بس هنا فطنات وعرفن ليش بطلت اداوم
ما خلني وبقن يقنعن بية ارجع للدوام الى
أن صدك وقنعني ورجعت ... واستمريت اداوم
حمدية مرت أب وتلوگلها هالكلمة...

أيام وليالي
حرمتنا من الأكل ع اقل غلطة تحرمنا من الأكل
يشوفها أبووي يباوع مرات يوگف وياها
ومرات يسكت...!

احنا حتى من نتعاقب وننضرب
ممسموحلنا نحچي وهماتين
مننتظر من احد ياخذ حقنا،،
اساساً مالنا احد،،،،،

بعز ليالي الشتا الباردة ثلاثتنة نتراجف من البرد
وماعدنا غير جودليتين!! نطبگهن وننام وحدة بصف اللوخ ونغطي روحنة بيهن ونرتعش من البرد
رغم نضدة الفراش البغرفتها بس مامسموحلنا
ناخذ منهن..

كبرت وصرت أعرف شنو الإنسان ماعنده
صرت ماأطلب شي من ابويه مع انه ابوي ما مقصر
ع مرتة وروحة بشي بس هم معذور!!

اخواتي گدام عيني يكبرن عودهن ضعيف مثلي
بسبب قلة التغذية احنا لو تغدينا ننام بلا عشا
ولو تعشينا نصبح بلا ريوگ ولا غدا وحتى ملابسنا من البالة تجيبلنا حمدية كل وحدة قطعة قطعتين نگضي سنة كاملة بيهن...

ازداد بطش حمدية بينا.. وصارت تضرب بينا
ياما وياما تعاقبت.. من عدها ايديني ورجليني
مليانات چويات !! لو غلطت اتعاقب ولو غلطن خواتي اشيل عنهن العقاب انچوي بدالهن
ويوم لينحرمن من الاكل اني انحرم وانطيهن أكلي
مو خوات لا والله ليگول معلگات وية روحي
أحس ماعندي غيرهن بهالدنيا!!

طبعاً خواتي ينضفن بيت الشيخ
وانة علية بيت أبوي... مااوصل لبيت الشيخ
حمدية حايرة تروح هنا وهناك تفرفر
وخواتي يشتغلن ويجيبن الفلوس ألهة
من هنا وصغار تمرمرن..
بس ما يشتكن يروحن يشتغلن ويكملن
ويجن ساكتات... يرضن بالقليل
ويقنعن بأبسط الاشياء
يشوفن ويتمنن ويكتمن!!
بداخلهن..

كبرن وصارن يوفرلي أجواء الدراسة
من أدرس يبقن يتهامسن بينهن وما يطلعن صوت
حتى ما يزعجني ويشوشن بالي
اجة من دوامي يتلاگفن ملابسي يغسلنهن

وانه بدوري ماخليتهن جاهلات..
علمتهن شوية شوية يقرن ويكتبن
بلشت وياهن بالحروف نوب الكتابة
وشوية شوية بالعطل ابقى اعلم بيهن
وخليتهن يمارسن وحتى خط حلو وواضح
أبوي وحمدية هوايةة حاولو يبطلوني
بس ما خليتهم أملي وأمل خواتي الوحيد بدراستي..