الحـلقـة الرابعة والخمسون
ومريم قلبها يدق بالقوه بكل وطبعاً تمنيت لو نرقص بس الحق خفت علي عيالي ف رقبتي 2 مش واحد ومشا الوقت وبعد شويه قالو العريس بيخش وطلعت امه واخته للاستقبال وطفو الضوايا وخلوه ع الباب وكلنا عيونه شور الباب ومريم صبت ونزلتلها الطرحه وخش تميم والمفاجأة ان مكانش خاش بروحه كانو معاه خوتي تميم ف النص ومراد ع اليسار ومحمد ع اليمين ووراهم منذر ومعاذ ومؤيد وكلهم لابسين بدالي بيج وتميم بدلة كحليه وقميص ابيض وببيونه كحليه وكان منظرهم يهبل بككل وهماا خاشين وكلنا قعدنا نضحكوا. وولعوا اغنية
جينا وجينا وجينا جبنا العريس وجينا
ووصل تميم للستيج وهوا متوتر ورفع لمريم الطرحة وباس علي جبهتها وقعد يطلع البخاار من حوالين الستيج كله وسلموا عليها خوتي كلهم وجت المصورايتيه صورتهم معاها كلهم وصورت ماما معاهم ونزلوا خوتي وطلعوا ومريم طايره من الفرحه وعجبتها اللقطة بكل
تميم:: يبحت فيهاا ويضحك متأكدة انتي سمايل
مريم:: شن رايك
تميم:: رايي هياا انروحوا
مريم:: هههههه لا مازال بنطول
تميم:: غير احلمي اناا ماسك روحي بالسيف
مريم:: قعدت تضحك وراح الخوف كله تحبني
تميم:: مجرد مانطلعوا من هناا تو انوريكي نحبك ولالا
نا:: جيتهم وكنت لابسه اشربي طبعاً وحاطه جاكه علي كتوفي مبروك ياتميم
تميم:: الله يبارك فيك
نا:: رد بالك منها ها
تميم:: ف عيوني ماتخافي بكل
نا:: عارفتك ماتقصرش هياا بيش تقصوا التورتة
مريم:: هياا
وصبت مريم وساعدتها تميم ومشوا علي طرف الستيج. اليمين وقصوا التورته والمصوراتيه امتاع الفيديو تصور وامتاع الفوتو تاخذ ف صور ووكلوا بعضهم وولعوا اغنيه رومانسيه وهاديه وقعدوا يرقصوا عليهاا وتميم حاط يديه علي خصرها وهياا لافه يديها علي رقبته والباين ان الاخ تميم سخن شويه ونزل علي رقبتها وباسه بوسه هااااديه لعند مريم ساحت ف مكانها وقعدن بنات خالاته يقولن
( وسع بااااالك ياميمو الليل طويل راه )
تميم:: برم عليهن ويضحك هياا تهبل ونحبها شن انديرلها
مريم:: وجها يمشي الوان الوان ومنحرجه خلاص اس بلا فضايح
تميم:: قعد يضحك كنك ياسمايل مراتي عاد
.
.
نا:: غير شوفن وجه مريم
هبة:: متخزرطة مسكينة
نرجس:: والله الا عاجبها الجو
منى:: ههههههه لا حرام وجهها حمر
رؤية:: خطرت علياا العار الي داره محمد ف عرسنا
نا:: هضاا حال الي ياخذها علي حب يقعد ملهوف عليها
منى:: مريم تبحت فينا شكلها تبينا
نا:: امشيلها نا منظري بايخ قدام الراجل ببطني بكل
منى:: باهي باه
ولبست منى اشرب وقفطانها مكنش عريان واجد وعبارة ان حاطاته علي كتوفها ومشتلها
منى:: طبست عليها كنك
مريم:: خلاص هياا بنروحوا
منى:: هياا هي
تميم:: نصبو
منى:: هياا عشان نساعدها
تميم:: صبا وطبس علي مريم مسك يدها وصباها
منى:: تساعد فيها وتسقم ف الفيلو امتاعها
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
