الحلقـة الرابعة والعشرون
نا:: حطيت راسي علي ظهره وحاضنته حبيبي رد علياا قولي ليش هكي تعامل فياا شن درت اناا ليييش احكي قولي ودموعي ينزلن
انس:: فك يديا منه وطلع بسرعه محكش ولا كلمة وطبق الباب وراه
نا:: قعدت نبكي وقمعزت قدام الباب
انس:: طبق الباب وراه وقمعز قدامه وحط راسه عليه كسرتيني ياامهاا كسرتيني
ومريم كانت تهدرز مع تميم وطلعت لقت معااذ يحكي مع ماما ويقوللها
معاذ:: ياامي ف وااحد متقدم لمريم
ماما:: واحد ؟ من الواحد
معاذ:: واحد نعرفه وماشالله عليه ومريم معش صغيرة
ماما:: شوف خوتك وعمك والي يقولوه ماعندي مانقول فيه
معاذ:: اناا مراد بعدين نبي نحكيله بس انتي احكي لمريم شوفيهاا موافقه ع الموضوع او لا لان الراجل ماشالله عليه ومايتفوتش
مريم:: تسمع فيهم وعيونهاا تعبن دموع وللحظة خافت ان تكون لواحد غير تميم وخشت لدارها تبكي
ماما:: باهي تو نشوفهاا ويسير خير بس من وين تعرفه انت الراجل
معاذ:: تميم خو اشرف صاحبي اكيده ساامعه بيه
ماما:: اهااا نعرفه باتك الله يرحمه كان ديما يحكي عليهم زمان
معاذ:: الله يرحمه المهم الراجل جاني اليوم وقالي نبي اناسبكم وكذا وتبي الحق اناا فرحت لان تميم بالذات رااجل ومافيش منه
ماما:: خلاص يستر الله
وقعدت مريم تبكي ف دارهاا ومشعارفه شن ادير وكيف حترفض وشن حتكون الحجة امتاعها وافكار وااجد يمرن ف راسها ورن موبايلها وكان تميم وزادت تبكي اخراا ومقدرتش ترد عليه خايفه يقوللها كنك ومتعرفش شن تقوله بس هواا انشغل عليهاا وقعد يرن ويرن لعند ردت عليه
مريم:: بصوت دوب طالع منهاا ايواا
تميم:: كنك ماتردي
مريم:: مكنتش تالاه
تميم:: كنه صوتك
مريم:: مكني شي
تميم:: سمايل ماتخوفينيش شن صار توا مكنش فيكي شي
مريم:: انهارت وقعدت تبكي
تميم:: هااي هاااي معش تبكي كنك انتي قوليلي احكي
مريم:: تبكي وتحكي كلمة وتشهق كلمه
تواا طلعت م الدار سمعت معاذ يحكي مع ماما ويقوللها ان ف واحد متقدملي
تميم:: وانتي عليش تبكي تواا
مريم:: عليش نبكييي من جدددك انت ولا تبصر نقولك ف حد ببي يخطبني عادي يعني عندك ناخذ غيرك
تميم:: ههههههههههه لنقنك هبلة وعبيطة ياحماره اناا الي جيت وخطبتك من معاذ وقتله يحكي لهلك
مريم:: سكتت دقيقه صمت علي ارواح الشهداء من هول الصدمة )
تميم:: اوي رين رحتي
مريم:: قعدت تبكي وتضحك
تميم:: هههههه يامهبولة ردي
مريم:: قعدت تمسح ف دموعهااا نحبك وحق ربي
تميم:: ههههه عاارفك تحبيني بس قوليلي متوقعتيش اني انا صاح
مريم:: بكل مخرطتش ف بالي كل الي دار ف بالي هواا اني كيف حنرفض هضاا وشن حيكون سبب رفضي
تميم:: ووتواا مزلتي بترفضي
مريم:: مجنونة عشان نرفض
تميم:: بس درتيها مره
مريم:: درتها لاني مكنتش نعرفك وندمت عليهاا
تميم:: ههههه نجك لياا ياسمايلي انتي
مريم:: نمووت ونعرف ليش تقولي سمايل
تميم:: يوم عرسنا حنقولك ليش
مريم:: انحرجت ووجها قعد احمر امممم
تميم:: هههههه كنه وجك قعد حمر
مريم:: حطت يديها علي وجها كيف عرفت
تميم:: هههه ديما بعد تنحرجي تقعدي كلك حمره
مريم:: هههه خزي يابارد
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
