#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر

الحلقة46

هبة:: مننننننذر نوووض
منذر:: اممممم
هبة:: تخبط علي يده نووووض خلاص معش نقددددر اااااس ياربي
منذر:: جا مقمعز نعم ها تحسي ف حاجه
هبة:: بنمووووت مش قادرة
منذر:: صبا ومسكها من يدها قمعزي بس وخوذي شهيق وزفير هياااا بالشويه بالشوويه تو نجي اناا
هبة::  ااااااا يانعلياا وين ماشي
منذر:: هناا قاعد نجيب عبايتك بس

وفتح منذر الدولاب وطلع عبايتها واشربها والشنطة الي كانت موتيتها عشان لما تمشي المستشفى وعدا لبسها العباية والاشرب وخذا مفتاح السيارة والشنطة. وهوا طلع بسروال بيجاما وتيشيرت ابيض ومسكها من يدها وطلعوا

منذر:: وحده وحده هي بالشويه
هبة:: اااااه ياربي سهل علياا
منذر:: اهدي حبيبي هي انزلي درجة درجة
هبة:: اااااي ياربي حاسه كرعياا مش شايلاتني
منذر:: لالا تقدري امشي بس

وبطلوع الروح بيش نزلت لان ف الدور التالت شقتهم وركبوا ف السيارة وشور المستشفى دغري واتصل ب سفيان عشان يوتيله غرفة الولادة وطول الطريق وهبة تعيط ومنذر يهدي فيهاا ووصلوا وجابلها كرسي ودغري دخلها لغرفة الولادة وطلع للمكتب امتاعه ولبس دبش العمليات وخش بيهااا دغري ويمشي الوقت وهبة تعيط قريب تمووووت من الوجع

منذر:: هيااا مره اخرااا
هبة:: ااااااي مش قادرة
منذر:: اخر مررره هييي خليك قويه حبيبي هياااا
هبة:: اااااي ياربي حبيبي مش قادرة نفسي خلاص
منذر:: بحت ف الممرضة ساعديها
هبة:: ااااااااييييييي

اوااااا اوووااااا اوااااا اوووووااااااا

منذر:: الحمدلله علي سلامتك حبيبي
هبة:: ااااه جبت
منذر:: اهاا جبتي وليد يهبل كيفك
هبة:: بحتت فيه وابتسمت وغابت عن الوعي
الممرضة:: دكتور المريضة دخلت ف حالة شوك
منذر:: مذ البيبي للممرضة وجا بسرعة جهة هبة وقعد يديرلها ف انعاش بس ماصار شي جيبي جهاز الصدمااات بسرعه
الممرضة:: حاضر
منذر:: هاتي

وقعد يديرلها ف صدمات لعند الحمدلله نبضها رد طبيعي وهناا بس منذر تريح وطلع غسل يديه وسلح دبش العملية والممرضات خيطنها وغيرن دبشها وطلعنا لدارها ولبسن البيبي حتي هواا وطلعنه للدار وبعد حوالي ساعة هكي ناضت هبة ولقت منذر جنبها وف يده وليدهم

هبة:: حبيبي
منذر:: ياعيون وقلب وروح حبيبك انتي
هبة:: اناا جبت صح
منذر:: اهاا جبتي اهوو شوفيه
هبة:: انسندت شويه عطيه لياا باهي
منذر:: امسكي هاه
هبة:: بسم الله ومسكاته وعيونها قعدن دموع
منذر:: ليش البكاء تواا
هبة:: الحمدلله فرحانه قبل سنة كنت منقدرش نحرك رجلياا واليوم عندي راجل ووليد يهبل كيفه بالدنيا ومافيها
منذر:: باسها علي راسها الحمدلله

ورنت هبة علي اختها وجتها مع امهاا وقعدن معاها ومنذر طلع جابلها كم حاجةوقالها لماما والصبح دارولها خروج وروحت لشقتها وكانن ماما ومريم وصبايا خوتي موتيات شقتهاا ومجهزات وركبت فوق لشقتها ومنذر طاير ومش مصدق روحه

مريم:: خلاص خليه تقول ماجاه عيل غيرك
منذر:: انتي شن دخلك
ماما:: هههههه فرحان خليه
هبة:: ابتسمت
امها:: شن تبو تسموه
هبة:: مفتاح
منذر:: بحت فيها وابتسم لان تفاجى بقرارها وبرضوا لان مكانوش مخططين يسموه مفتاح
امها:: عاشت الاسامي يتربى ف عزكم ان شاء الله
ماما:: ان شاء الله
منذر:: قلتو لمها ومنى
مريم:: منى قلتلها لكن مهاا رنيت عليها مردتش دزيتلها مسج
منذر:: اهااا

ونا كنت راقدة وغارقه ف النوم ومنحسش الا بحاجه مسقعة علي وجي ونفتح عيوني ونلقا ماري فوق وجي ورايلها علي وجي وانس يبحت فينا ويضحك

نا:: مسكت ماري وبستها حبيبة ماما انتي
ماري:: اداا اداا
انس:: صباح الخير
نا:: صباح النور كنك مزلت قاعد
انس:: معنديش نيه نمشي تعبان شويه
نا:: خير ان شاء الله تحس ف حاجه
انس:: لالا مافياا شي
نا:: فطرت باهي
انس:: لا مازال
نا:: امسك ماري معناها نصلي واندير الفطور
انس:: باه فونك رن وانتي راقده
نا:: صبيت وماشيه شور الحمام من
انس:: مريم
نا:: شن تبي
انس:: مرديتش عليها بس دزت مسج وقالت منذر جد عليه عيل
نا:: طلعت راسي من الحمام كيييف جد تحكي
انس:: اهاا والله
نا:: ياااخيه حبيبي
انس:: حبيبك
نا:: خويا اكيده حبيبي
انس:: صبا وماسك ماري ف يده وقرب مني اناااا بس حبيبك فاهمة
نا:: هههههه نعليااا نا
انس:: اهاا مالا شنو
نا:: امسك ماري باهي قريب اطيح علياا
انس:: ماسكها ماتخافيش
نا:: خلاص باهي خليني نكمل عشان نفطروا وتحطني عند هلي
انس:: باهي

وغسلت وجي وفرشيت سنوني وتوضيت وطلعت صليت الصبح وانس يلعب علي ماري ف الصالة ونا خشيت للمطبخ وتيت الفطور زيتون اسود ولبنة ولانشون ومربى وزبدة وقشطة وعسل وتوست وكعك وشاهي ونسكافي وحطيتهن ع الطاولة وجا انس وقعدنا نفطروا ووكلت ماري ولبستها عفريته تايقر ومشطلها شعرها ودرتلها بودرة وحطيتها ف كروستها وصبيت عشان نلبس وانس قعد يلم ف الاكل ولبست تنورة طويلة لونها نبيتي شفوني وبلوزة شفوني لونها اسود وخششتها ف التنورة ورقبتها مسكرة وفيها ربطة درت ايلاينر خفيف وماسكارا وبلاشر وقلوس احمر خفيف ولبست ذهبي ودبلتي واشرب اسود وفي ورد نبيتي وشنطة طينية وكندرة طينيه ولبس انس سروال بيج وقميص اسود ودار شعره وخذا فونه ودخانه ومنحفظته ومفاتيحه وبخ برفانه ولبس ساعته. وطلعنا وركبنا ف السيارة

انس:: خفيفي من الروج 
نا:: مش دايره اصلاً
انس:: بلاش كذب نشوف فيه اهو
نا::  يييه عليك نكد وخذيت. كلينكس ومسحته
انس:: شن بتاخذي معاك
نا:: اي حاجة
انس:: نمشي لنزار قبل معناها
نا:: خوذ بالمره حاجات للحوش خلاص قريب يتمو
انس:: حاضر

ومشينا شور نزار وكانت زحمة عشان هكي انس خطم ع الحلواني قبل وخذا نوع حلويات وبعدها مشينا لنزار ونزلنا وحطيت ماري ف كروستها وخشينا وقعدنا ناخذوا وانس يحط ف الكروسة ونضحكوا وجونا يهبل ونحنا ماشيين جهة الاجبان. جا وليد صغير عمره حاجه سنة ونص هك شعره اصفر وابيض وبحت ف انس وجا يجري شوره

العيل:: مسك ف رجل انس من لوطا باااباا
نا::  انصدمت وبحتت ف العيل ورفعت وجي ف انس ونلقى وجه يمشي الوان الوان
انس:: طبس عليه وين هلك
العيل:: كان صغير ومايحكيش يادوب كلمات معينه يقولهن وكان عالق علي كلمة بابا وخلاص
نا:: ............

يتبع

#Bent_benghazi للكاتبة