#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر

الحلقة13

ورفع صوت المسجل ومريم حست بغصة ف قلبها لانها كانت جد متعلقة بيه وتميم كان مش متحمل ان ترفضه مره اخراا ومشو لحوشي فرشوه وروحت مريم مع معاذ ووصلت للحوش جوها شين بس كانت تغطي ومشا اسبوع العرس حوسه وجو شين وجا يوم الزفة جتني مريم تنوض فياا عشان نمشي الكوافيرا نضت توضيت وصليت وفطرت وبست علي راس ماما وسلمت علي خوتي ونا نبكي وحاسه روحي نموت خلاص ووكلهم يسكتوا فياا بس بعد جيت عند منذر انهرت وخذاني ف حضنه وقعد رافع راسه فوق يبيش دموعه ينزلن وقعد يسكت فياا وخذاني معاذ بالغصب هوا ومريم وركبوني ف السيارة ومشينا الكوافيرا ونرلنا وقعدنا نستنوا ف دورنا ومع العصر قالتلي هياا تفضلي وقمعزت ع الكرسي ومن اول مابدت تمكيج فياا ونا دموعي ينزلن واذكرت ايهم وكل شي صار معايا وكيف اني بننزف لغيره ومريم تسكت فياا ونا شي شي

الكوافيرا :: هكي مش حيسير شي
مريم:: مهيوه خلاص خليها تعرف تشتغل
نا:: نااار والعه فياا يامريم نااار
مريم :: خذتني ف حضنها خلاص عشان خاطري معش تبكي
نا:: مسحت دموعي وحاولت ان معش ينزلن
الكوافيرا:: اغسلي وجك عدي

وصبيت غسلت وجي وبدت تمكيج فيا من جديد ونا خانقتني العبرة وماسكة دموعي بالغصب و قعدت تمكيج فياا وكمللتي وكان مكياجي بسيط مش اوفر وبالذات ف الاي شادو وصبيت ولبست الفيلو وبحتت ف روحي ف المرايا وكنت طالعه نهبل بس الزعل باين علي وجي بككل

مري م :: تهبلي وحق ربي مكأنكش متجوزة بكككل من قبل
نا:: عيوني تعبن دموع يعني ضروري تذكريني
مها:: قعدت تهف علي عيوني ماتبكيش وراس خيتي اسفه خلاص والله اسفه
نا:: حاسه روحي نخون فيه
مريم:: وحق ربي هكي هياا الي يتريح بعد يشوفك مكملة حياتك مش مكملتيها بكاء ونكد
نا:: رني علي منذر باهي
مريم:: حاضر هي

ورنت مريم علي منذر وشويه هكي وجا خذانا ومشينا للحوش ومكنش في الا خالاتي ومرات عمي فرج وشويه من الجارات وقعدت ماما تزغرت وتعوض فياا وقعدن يدربكن ونا ساكته وصورة ايهم قدامي وبعد شويه منذر قال هيااا انس رن وقال حيبوها طلعنا انا وخواتي وصبايا خوتي وبنات خالتي 2 ومرات عمي طبعاً ماما ماتمشيش لهل العريس وزفوني خوتي واصحابهم وكلهم فرحانين الا انا الحزن مرسوم علي وجي ووصلنا للصالة وخشيت لدار العروسة انا ومريم وسقمتلي شكلي وطلعت وطفو الضوايا وخلوهن علياا وولعوا

ألف الصلاة والسلام عليك ياحبيب الله محمد

وقعدت نمشي ونحاول نسطنع الابتسامة وخواتي خشن وراياا ووصلت للمسرح وسقملي خواتي الفيلو وقمعزت وجت عمتي سلمت علياا وحبيت علي راسها وبنات. واجد وصبايا جن سلمن منعرفش منهن حد وبعد شويه قالو العريس بيخش وجت منى سقمتني وشويه هكي طفو الضوايا خلو الضي الي ع الباب والي علياا وخش انس ورفعت راسي وكنت اول مره نشوفه لان يوم المقابلة مرفعتش وجي بكل وكان لابس بدلة زرقه وقميص ابيض وماشط شعره فوق وطويل وعريض وقمحي ولحيته خفيفه كان يبان اصغر من عمره وخش بروحه ويمشي وابتسامة عريضه علي وجه وواثق من روحه ونا مشعارف شن صارلي وقتها خفت وقعدت نرعش وقلبي يدق بالقوه وقتها حسيت اني جد قعدت ملك حد غير ايهم وركب للمسرح ورفعلي الطرحه وباس علي جبهتي ونا نرعش وخاطري نبكي ونقوله معش تلمسني وكانن دموعي ف عيوني ماسكتهن بالغصب وقصينا التورتة وهوا مبتسم ويبحت فياا بنظرات اعجاب وكان الفرح باين علي وجه وقعدت المصوراتية تصور فينا ونا الصور كلهن زعلانه ودمعتي ف عيوني وطلعنا وجينا بننزلوا من المسرح مسكلي يدي وقتها حسيت روحي بتطلع وكنت مبتسمة للناس ونا من جواا والعه فياا نار وبنمووت وطلعت للرسيبشن ولابسني خواتي الكاب بسرعه عشان مانبكيش وخذاني انس من يدي ونا خاطري نسحبها بس كانت قبضته قوويه بس مكنتش نحس فيها وركبت ف السيارة من قدام وركب جنبي وولع السيارة ومشا وطول الطريق ونا ساكته

انس:: كنك شكلك زعلانه
نا:: .........
نا:: شكلك خايفه
نا:: .........
انس:: براحتك ماتحكيش اكيده متوترة وخايفه عادي شي طبيعي

ووصلنا للحوش وخشش السيارة للجنان وفتحلي الباب ومدلي يده سيبتها ونزلت بسرعه وصبيت قدام الباب وجا انس طلع المفتاح وفتح الباب وخشيت بسرعه مكنتش نبيه يقرب مني بكككل وقابلتني الصالةووقمعزت ع الصالون ونا نرعش وقلبي يدق بالقوة ودموعي عل خدي وخش انس وقرب مني ونا نرعش ورفعلي الكاب ولقاني نبكي

انس:: حط يده علي راسي ماتبكيش صدقيني مش حيسير شي الا برضاكي
نا:: دموعي قعدن ينزلن ساخناااات
انس:: جا بيمسلحي دموعي نا:: وخرت. وبصوت دوبه طالع مني بنغير دبشي وين الدار
انس:: خشي الممر هضا اول باب علي يدك اليمين.

صبيت بسرعة وخشيت للدار وكانت كلها شموع وع السرير ورغان ابيض وورد احمر وقعدت نبكي ولقيت روب محطوط ع السرير لونه ابيض قصير خذيته وحطيته ف الدولاب وقفلت الباب بالمفتاح وفتحت الدولاب وطلعت روب ابيض طويل وظهرة مشبك وعليه الطرف امتاعه وسلحت الفيلو ولبست الروب وفكيت التسريحه وكانت بسيطة بككل وقعدت نمسح ف المكياج ونا نمسح فطنت للدار انفتحت بس كانت مقفوله وبعدها شكلا عدا مسحت الميكاج ولميت حاجاتي كلهن وفتحت الباب بالشويه وطلعت بسرعه وفتحت اول باب وكان الحمام خشيت ودوشت ودهنت كريمة لجسمي وجففت شعري وسقمت لبستي وطلعت وشفته قاعد ف الدار خشيت للمطبخ ووانصدمت م الي شفته وحسيت بيه مصبي ورايا وبرمت وجي وكان لاصق فيااا وخررت دغري

نا:: بنبرة صوت عاليه. ونرعش شنوو هضا 
انس:: ............

يتبع

#Bent_benghazi للكاتبة