#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر

الحلقة13

منى:: طلعتوا كل حاجة
مريم:: اهاا
نا:: علي شن ميتات مشعارف
مريم:: سكري فمك باهي
نا:: سقمي شعرك
منى:: هياا خلاص اطلعن معاذ يستني امبدري
نا:: مش شايلكم
مريم:: منذر ومعاذ ومحمد ومراد شايلين الدبش واشرف تهيالي
نرجس:: هياا نحنا طلعنا
مريم:: هياا حتي نا طالعه ناخذ الصندوق هضاا ونطلع
نا:: افطني را اطيحي كعبك عالي
مريم:: افرحي ياباردة غير انروح تو نفضالك
نا:: هههه امشي امشي

وطلعت مريم وكانت مخليه اخر تلات بطم ف العباية مفتوحات وحاطه الاشرب ف نص راسها عشان دايره قصتها بف ماتبيهش اتخرب ومكحله عيونها وطالعات يهبلن ودايره روج احمر بس خفيف وطلعت واول ما طلعت ف الجنان كان ف حد معاطيها بالظهر ومسكر الطريق ومريم ماسكة صندوق قربت منه وقالتله

مريم:: عفواً معلش
تميم:: برم عليهاا وانصدم بعد شافها
مريم:: انصدمت وقعدت تبحت فيه وساكته وقلبها قعد يدق بالقوة بكككل وقعدت ترعش
تميم:: كان مقرب منهااا بككل مافيش بينهم شي وعيونهم ف عيون بعضهم
مريم:: قعدت ساكته. وعيونها تعبن دموع وبعدها فطنت لروحها ممكن تحول بنهلب
تميم:: وخر تفضلي
مريم:: جت بتمشي
تميم:: لحظة لحظة وقرب منها ونزل الاشرب غطالها شعرها ونزل سكر البطم امتاع العباية
مريم:: تبحت فيه ومستكة ومقدرتش تقوله وخر ولا شن قاعد ادير بالعكس فرحت لان حساته غار عليهاا يعني مازال يبيها
تميم:: يلا امشي تو اتأخروا اركبي ف اول سيارة
مريم:: طلعت م الباب والضحكة علي وجهها وركبت ف السيارة ومكنش فيهاا حد
تميم:: طلع وركب ف السيارة الي ركبت فيهاا مريم وكانت سيارته ومليانه كلهاا دبش
مريم:: استغربت ان قاعدة بروحها
معاذ:: تميم من معاك
تميم:: معاياا مريم ومليانه كلها دبش
معاذ:: تمام بااه من امبدري انفكر وين انركبها لان السيارات مليانات خلاص توكل وامشي ورا مراد اهوا مشا
تميم:: تم يامعلم

ومشا تميم وطول الوقت يبحت ف مريم ف المرايا ومريم ترعش علي بعضها وقلبها يدق بالقوة بككل وكانت مره مره تبحت فيه كان تميم ق خاطره كلام بيقوله بس مش قادر ومريم نفس الشي وقعدوا ساكتين هما الاتنين والي كسر سكوتهم هواا تميم بعد ولع اغنية

وصيت قلبي عليك وفكري وظني وان غبت عنهم عليك عتابهم هااادي ماودي تجرح شعورك كلمة مني وانت حياتي وعمري ومهجة فؤادي ودي تعيش العمر راضي ومتهني مرفوع راسك عليك العز متبادي ياتاج راسي وانت مني وعني تآمر وتنهي وامرك اول البادي

و ف نفس. اللحظة مريم بحتت ف المرايا وتميم بحت فيهاا وقالو

مريم:: عليش معش رنيت
تميم:: عليش معش رنيتي
مريم:: محبيتش نزعجك
تميم:: ومن قالك تزعجيني
مريم:: اسفه  مكنش قصدي يومها
تميم:: عادي مافيش داعي اتأسفي انتي ملكش علاقه انا الي حطيت روحي ف مكان مش لياا
مريم:: بس
تميم:: خلاص فوتي الموضوع