قرارات خاطئة 🌷

15

#قرارت_خاطئة🌻
الحلقة الخامسة عشر 15
👑H e m o t k 👑

(القصة من وحي الخيال ولا تبث للواقع بي اي صلة )

___________

عهد طاح التليفون من ايدها وتتنفس بصعوبة
فهد ناض يجري :عهد خييرك ؟ عهد !! عهد!! خيرك شن في
عهد مغمضة عيونها وايدها علي قلبها :فهد 😣
فهد فتح الروشن ووقفها قدامه: شمي هوا شمي

وعد تسمع فيهم وسمعتها كيف قالت فهد تسحابها عندهم حد قعدت تدوي وصكرت

عهد تتنفس وتشبح لي فهد: تليفوني وين
فهد :تي خيرك انتي شن قتلك اختك
عهد:بابا جي و مش عارفة كيف جي ولا من وين 😢 اني بنهبل عقلي مش مستوعب المشاكل اللي انمر بيها تعب خلااص وخدت التليفون تتصل
فهد يحوللها في شعرها من علي وجهها :تمام بشوية اهدي وافهمي من اختك بشوية عليك
عهد دموعها يقطرو وحاطة التليفون علي ودنها :حتى دموعي قريب يجفو من البكي
فهد قربها منه ولف ايده عليها
عهد تكت راسها علي صدره وحولت التليفون من علي ودنها :تي خيرها هادي مش توا كنت انكلم فيها وعاودت تاني
فهد جبد منها التليفون وصكره:اني قريب انحرم عليك تكلمي اماليك مش ملاحظة كل متصكري منهم يتعكر جوك
عهد :باهي نبي نعرف كيف بابا جي ووين كان وعلاش سيبنا من الاساس 😔
فهد :تعالي قعمزي هني واهدي بعدين كلميها اختك وافهمي منها
قعمزت عهد علي الصالون وشدت راسها :راسي صدااع من التفكير خاطري يفوت يوم من غير منفكر فيه هلبا
فهد: اسمعي الصبح وتو روحكم وشناطيكم ناخدو رحلة لي تركيا يمكن من تركيا نحصلو لي ليبيا طول
عهد :متفركسش روحك امتى متحصل عادي
فهد :لا لا هدا احسن راي
عهد سكتت
فهد:مع ان مانبيش انروح بيك لاكن ف النهاية مرجوعك ليا
عهد ابتسمت
فهد :بتهشي ترقدي ولا مزال
عهد :مش حنرقد لين تكلمني وعد لاكن بنخش لي فراشي
فهد:باهي نوضي هي
ناضت عهد هي وياه فتح فهد باب الدار وخش :تصبحي علي خير
عهد :تلاقي الخير

__________

وعد كانت راقدة ف سريرها وتكلم في ركان
وايات ف سريرها ومتصل بيها مقدام وهي فرحانة بطرير

وعد:غير اسمع تو نكلمك عهد من بكري تتصل
ركان :لا مافيش نبي نهدرز عليك مش غير هي
وعد ضحكت:والله لما انعاودلك خيرك هكي غير خلي انشوفها قتلها بابا جي وفصل الخط اكيد قاعدة في كسبرة
ركان:اي علي الكسبر والكروية باهي صكري هي عندك خمسة دقايق بس اكتر منهم بندير العار
وعد:غير لا بالله عليك 😒
ركان:تتسهوكي
وعد:حسستني خاطبني
ركان:تبي انجي نخطبك عادي 🙂
وعد:غير صكر صكر انشوفها وانعاودلك

صكر ركان وهي كلمت عهد وحكتلها كل شي وقعدو يهدرزو شوية وقتلها عطيني ماما كان فايقة ناضت عهد عطت التليفون لي امها

امال كلمتها شوية وعطت التليفون لي وعد
وعد جت حنب امها :ماما
امال :بري عليا غادي ما ام حد اني
وعد:ماما من غير حركات بالله عليك مديريليش هكي جي خاطري نحضنه وخلاص وجعني خاطري عشت طول عمري بلاه علي الاقل انتي عشتي جنب بوك
امال عطتها بظهر وتغطت :بري ارقدي امشي
وعد :اووووف باهي
امال :به بري هي وصكري الباب
وعد طلعت وصكرت الباب