အပိုင်း - ၂၅
" မေမေချို... ရောင်လေး... အဲ... သက်တန့်က မလာသေးဘူးလား "
ညပွဲစပြီးလို့ တစ်နာရီကျော်သည်အထိ သက်တန့်တစ်ယောက် ရောက်မလာသေး၍ မုန်တိုင်း အပေါက်ဘက် လည်တဆန့်ဆန့် ဖြစ်နေရသည် ။
သူ သက်တန့်ကို ပွဲ စ တည်းက မျှော်နေမိတာ ။
အမှန်အတိုင်းဝန်ခံရလျှင် အထဲမှာက လူကြီးတွေချည်းဆိုတော့ မုန်တိုင်း အတော်လေး အနေရခက်သည် ။ရောင်လေးသာ အနားမှာရှိရင်တော့
ထိုအနေရခက်မှုတွေ ပျောက်ကောင်းပျောက်နိုင်ပါရဲ့ ။" သား ရောင်လေးက ဘာဖြစ်နေတယ်မသိဘူး... ဖုန်းလည်း မကိုင်ဘူး... "
မေမေချိုက 'သား ရောင်လေး ' ဟု သုံးလိုက်၍ မုန်တိုင်း ရင်ဘတ်ထဲ နွေးထွေးသော လှိုင်းငယ်လေးများ ဖြတ်ပြေးသွားသလို ခံစားလိုက်ရသည် ။
မုန်တိုင်း နှုတ်ကနေ ထိုနာမည်လေးကို ခဏ ခဏ ယောင်ပြီး ထွက်နေမိတော့ မေမေချို သတိထားမိနေတာ ဆန်းတော့မဆန်း ။* Ring Ring
စကားပြောနေရင်း ဖုန်းဝင်လာတော့ မေမေချိုက ဖုန်း screen ကိုကြည့်ကာ နှုတ်ခမ်းလေးမဲ့လိုက်ပြီး
" အမလေး ကိုယ်တော်ချော... ရှင် ဖုန်းတော့ ပြန်ဆက်ဖော်ရသေးတယ်နော်... မလာသေးဘူးလား ဒီမှာ ပွဲတောင် ပြီးတော့မယ်... "
...
" အမလေးဟဲ့ ထင်တော့ ထင်တယ် တစ်ခုခု ဖြစ်နေပြီဆိုတာ... ဝတ်စုံက မေမေအိမ်ကိုပို့ခိုင်းလိုက်တယ်နော် ညနေက... အဲ့တာ အဆင်ရောပြေလား "
....
" အေးအေး ပြီးရော... မြန်မြန်လာခဲ့ "
...
မေမေချို စကားပြောနေပုံအရ သက်တန့်ဆီက ဖုန်းဆိုတာ သေချာနေ၍ ဖုန်းချပြီးပြီးချင်း မုန်တိုင်း မေမေချို့ကို ကြည့်လိုက်တော့ မေမေချိုက သက်ပြင်းချလျက်
" မပြောချင်ဘူး သားရေ... သား သူငယ်ချင်း ဆံပင်ဆေးသွားဆိုးတာ ဆိုင်က အလှမွေးခွေးလေးကို တက်နင်းမိလို့ ဆိုင်ရှင်က ဝန်ဆောင်မှု မပေးနိုင်ဘူးဆိုပြီး ပြဿနာဖြစ်နေတာတဲ့ "
YOU ARE READING
Philophobia
RomanceTitle : Philophobia Genre : Own Creation / BL Tags : Romance-Comedy Cover Artist : Moon U Author : Yaung Che Nway Both Zawgyi and Unicode fonts are available in this fiction.