وبشر الصابرين

البارت العشرون (بداية الجزء الثاني)

اباوع لوجوهم مكسورة وحزينة .. ابوية تعب وعيونة حمر .. عمامي .. عماتي .. امي .. واحدهم اسوء من الثاني .. وضعة .

رغم الحالة الي جنا بيها بس مابطلت النسوان من الحجي ..

حتة مرت جمال من اجتي للفاتحة جانت هواي تذبلي كلام ..

جنت انطيها الاذن الطرشة ..
بس مرة زودتها كلش من كالت ..

عذراء : فدوة لطولة جمال يموت عليه .
كل ما ازعل منة يكلي اني ماصدكت لكيتج هيج تزعلين من حبيبج ..
اني بسرعة ارضة لان ماانسة شسوة حتة اقبل بي .
مو مثل فد ناس كتلت روحها وتالي عافها واجاني .

لافين :طبعا هنا احس شي صعد لراسي .. مو غيرة وابد مافكرت هيج لان بعمري ماحبيتة حتة اغار عليه .

بس سالفة اتغث من تصير علج بحلك اليسوة والميسوة .. عفتها تسولف ويا بنت عمي وتعلي بصوتها حتة تسمعني .. بس مرت عمي سهير قامت بالواجب .

سهير :اكلج انتي متسكتين ترة كلنا نعرف جمال شلون رضة بيج لما معزة صديقة ما كسر بخاطرة من هداج الة .. وكلنا هنا بهلبيت نعرف انو جمال قبل يوم من عرسة اتوسل بعمة كلة بس كول اي وانهي كلشي .. بس لافين الي رفضت حتة ماتكسر ببختج

لافين: بوكتها سكتت وبعد ماحجت لان متكدر ترادد ام زوجها ...

مرت ايام العزة .. ورجع البيت لهدوئة .. كلمن التهة بعائلتة .. امي جانت تنوح عليها ليل ونهار ..

تكول هاي صديقتي مو ام زوجي .. جانت علاقتهن ام وبنتها صديقة وصديقتها .. ابد ما شفت عمة وچنة بالبيت ..

جانن عماتي يجن للبيت يكولن لامي بيج ريحة امنا .. ويضلن يبجن ويتذكرن سوالفها .. جانت مالية البيت علينا ..

مرت ايام صعبة على بيتنا .. بس تعودنا ..
اتاجل عرس روان وعادل لان الوضع مايسمح لاي مناسبة فرح .

جانت اختي جيهان دائما تجي يم امي تواسيها لان امي كلش تعبت صحتها على فراك نةنة ..تكول احس البيت ياكلني من ابقة وحدي .

لذلك اختي جيهان تجي هية وخالو سامي للبيت يبقون يم امي بين يوم ويوم ..جنت من احتاج شي من ملابس لو شي اخذ جيهان وياي لان ابوية ميقبل اطلع وحيدي .. وجيهان لازم تاخذ جهالها وياها ..

فمرة رحنا للسوك حتة اشتري مستلزمات محتاجتهن.
الجهال خبلوني ..

اكلج جيهان ترة لعبو نفسي كل اشوية طالبين شي .

جيهان: لعد شسويلهم غير جهال قابل اضربهم هسة ماعندهم مانع يتمرغلون بالكاع كبالج وتعالي حيري بيهم .

لافين: اي متشوفيهم مسيطيرين عليج لان يعرفوج متكدرين تضربيهم .. بابا لا تجيبيهم. وياج انتي طالعة سوك لو مدينة العاب .

جيهان: هسة انتي ليش ضايجة .. شعليج بيهم ديطلبون مني مو منج

لافين: ولج اتخبل من جاهل بالطلعة خاصة اذا متطلب .. بعد لا تجيبيهم خليهم يم خالو .