#العروس_المزيفه 15
مارن:فتحت باب الغرفه وشافت اروى تحاول تقرررب من راكان وهوا يباعد فيها تحاول تفهم وتركز في صوره لن سمعت
اروى:كنت عارفه انك مفضحتنيش لانك تحبني وخايف عليا
راكان:دفها بقوه.....شن تخرفي انتي ع اما حب تحكي
مارن:تشوف بصددمه....راكان
اروى:تلفتت وتشوف لي مارن ...اءءءء هوا جي لغرفتي ونزلت راسها
راكان:قرب من مارن...ردي بالك تصدقها هادي وحده كدابه وفتانه
مارن:بكسرة خاطر....شن في بينكم وشن الشي الي داسه عليا ؟
اروى:وقفت بوجه بارد وتكلمت بكل وقاحه...مارن انا خلاص معاش نقدر ندس عليك
من اول يوم جيت عندك وراجلك يتحرش بيا اكتر من مره
مارن:بخيبه....شن الي منعك تحكيلي؟
اروى:خفت أنكم تنفصلو بسببي
راكان:ههه كملتي؟ جيبي دليل واحد ع كلامك وانا مستعد نطلق مارن لو طلع كلامك صح
مارن:تشوف لي اروى الي كانت تحكي بكل ثقه وراكان الي فعلا ولا مره حست انه مهتم بيها
راكان:مسك يد مارن ....اروى هادي هيا الي حطت التلفون ع قصد وهيا الي تتواصل مع حسام بأسمك وكانت تبي تخرب العلاقه بينا
وهيا الي كانت تتصل بيا اكتر من مره بس نا مكنتش عارف نيتها خبيثه
اروى:ههه مارن مستحيل بتصدقك وبتكدبني انا فالهدا اعترف بكل شي
راكان:وقف قدامها وكانت ملامح حااادهه وبنبرة صووت قوويه
خلي ف بالك شي واحد انه لو نا بنحط عيني ع بنت مش حاتكوني انتي ولو كنت نبيك زي ما تقولي انتي مكنتش طول اليوم جنب مارن
مارن:تنهدت .....شن تحكي راكان انا مش فاهمه شي وبدت تعيط
من فيكم يكدب ؟ اروى مستحيل تخوني مستحيييييييلللللل😭😭
راكان:حاوطها بحضنه...اهدي مارن اهدي هادي وحده واطيه وانا مكنتش نبيك تعرفيها ع حقيقتها لانه كنت عارف انك تحبها هلبا
مارن:في حالة الصدمه...دفت راكان بقووه
انا مش مصدقه الي نسمع فيه مستحييييييل
راكان:كان خايف ع مارن ....مارن متزعليش ع شي مش مستاهل
مارن:شن تقول راكان كيف تتكلم معاي بطريقه هادي
اروى مستحيل ادير الي تقول فيه 💔
اروى:تكلمت بهزوه وبملامح مسمومه
هه شن سيد راكان ناوي تفرق بيني وبينها بكل سهوله
راكان:انا مستحيل نخليك تقربي ع مرتي اكتر من هكي ومدام مارن عرفت كل شي انتي حاتطلعي من القصر وتوا
مارن:بصوت يرعش...لالا راكان انا مش مصدقه الي قعد يصير شن تقول ؟
وبدت تختفي الصوره وتشوف في كل شي باهت ودارت بيها الدنيا لن طاحت ع الارض
راكان:حبيبي مارن حبيبي تسمعي فيا
اروى:بخوف....مدت لي راكان الريحه
راكان:يحط فيها ع انفها لن بدت تصحصح بي شويه
اروى:كيف جايه بتقرب من مارن.
راكان:مسكها من شعرها بعنننففف....قسما بالله عندك خمسه دقايق تلمي فيهم حوايجك وتطلعي تقلبي وجهك من هنايا ودفها ع حيط بقوووه
ورجع قام مارن ....وطلعع بيها لغرفتهم ❤
اروى:قامت روحها وهيا تبتسم بطريقه خبيثه
واخيرا قدرت نوصل لهني معاش يهمني لا مارن ولا غيرها سواء عرفتني او لا؟ المهم انه ح تدمر حياتك زي حياتي ي فرخه مارن 🔥
ŞİMDİ OKUDUĞUN
العروس المزيفة ( روايات ليبية )
Gizem / Gerilimللكاتبة :- ميلو حسسسن تدور القصة حول : سيتم تبديل عروسه بسبب اتفاقيه من الماضي ساتكون الضحيه ع حساب حياتها كيف ح تكون حياتها الجديده مع الزوج والأضرار الذي ستلاحقهم ؟ ( العروس المزيفه ) . . . تفاعلوا 🔥
